Isaias 57:7 - Manobo Western Bukidnon OT

⁷ Edtekezeg kew ziyà te metikang he menge vuvungan ne ebpemuhat kew zutun wey ebpekidhilavet.

Isaias 57:7 ပူးပေါင်းရင်းမြစ်များ

Isaias 57:3

Piru sikiyu, iring kew te menge veyilan, menge mengungumpadi, wey menge vahi he ebelegyà te zengeg dan, uvey kew su wey kew mehukumi.

Jeremias 2:20

“Hein menge uripen kew pa, iring kew te vaka he mid-eyuǥuwan wey pinirisu he migkedinahan, piru hein midlibri ku en sikiyu, kenè kew ebpenilbi kedì. Mid-azap kew hinuun te zuma he menge ed-ezapen diyà te kada metikang he vuvungan wey ziyà te sihung te kada merapung he kayu. Iring kew te vahi he ebelegyà te zengeg din.

Jeremias 3:2

“Tengtengi niw is demilag te menge vuvungan. Duen pe be lugar zutun he wazè niw meremeriki? Midremerikan niw is tanà pinaaǥi te ked-azap niw te zuma he menge ed-ezapen wey menge kelelalung niw. Iring kew te vahi he ebelegyà te zengeg din he ebpimpinuu ziyà te kilid te zalan is edtaǥad te maama. Iring kew zaan te tulisan he ed-ayan te egkeizen din.

Jeremias 3:6

Dutun te timpu te kedhadì ni Josia migkaǥi is Nengazen kayi te kedì te, “Neehè nu ve is mibeelan te kenà menge metinumanen he menge Israilihanen? Mid-azap dan is duma he menge ed-ezapen diyà te kada metikang he vuntud wey ziyà te sihung te kada merapung he kayu. Iring sikandan te vahi he ebelegyà te zengeg din.

Ezekiel 16:16

Migamit nu is duma he menge visti nu te kebpekekempeta te menge simbahan diyà te metikang he menge lugar, he zutun ka mebpelelevag. Kenà pezem heeyan ereg he egkehitavù.

Ezekiel 16:24

mibpehitindeg ke pa te menge simbahan para te menge ed-ezapen nu ziyà te menge pelasa

Ezekiel 16:25

wey ziyà te kada suyuk te menge zalan. Ne zutun midremerikan nu is kekempet nu, ne imbeǥey nu is keugelingen nu ziyà te minsan hentei he maama he edsaǥad. Kada andew ed-iseg is kebpelelevag nu.

Ezekiel 23:17

Umbe, midhendiyà te kandin haazà is menge upisyal ne nekidhilavet dan kandin. Pinaaǥi keniyan midekiyan dan sikandin. Piru hein neuǥet nepezaan ded sikandin kandan.

Ezekiel 23:41

Ne heini, si Ohola wey si Oholiba, mibpinuu zan diyà te mekempet he katri, ne ziyà te egkesineruwan kayi zuen lemisahan he midsevukan dan te veyewà wey lana he ibpemuhat dan kun kediey.

Ezekiel 6:13

Ne egketuenan dan he iyan a Nengazen emun is ebpematey he zuma zan he meǥinged ebpekepeyapat en duma te menge ed-ezapen dan diyà te peliǥuy te menge pemuhatè dan, diyà te menge vuvungan, diyà te puntur te menge vuntud, diyà te sihung te zezekelà he menge kayu, wey ziyà te sihung te merapung he menge kayu he ulayan, he zutun dan ebpemuhata te veyewà is langun he menge ed-ezapen dan.