Isaias 57:4 - Manobo Western Bukidnon OT

⁴ Ed-un-undahan niw is menge metazeng; ebingiǥan niw wey edyewyawan sikandan. Menge kevuwazan kew te menge mesinupaken wey menge teruen.

Isaias 57:4 ပူးပေါင်းရင်းမြစ်များ

2 Cronica 36:16

Piru mid-undaunda zan dà is menge ebpeneuven te Megbevayà, mid-engitan dan, wey wazè dan beliya is menge lalag kayi te menge ebpeneuven. Umbe nepeukan sikandan te Nengazen, ne wazà ebpekeeǥen kandin.

Salmo 22:13

Iring daan sikandan te menge erimaung he ebpemenhiniǥer is eginganga he andam en he edaas kedì.

Salmo 22:17

Nenletew en is menge tulan ku; ne is menge etew, ne edtengtengan e zan dà.

Salmo 22:7

Is kada sevaha he ebpekaahà kedì ne ed-insultu kedì, ne ebpengelengkeleng is egkaǥi te,

Salmo 35:21

Imbensag dan kayi te kediey is pesangil zan, he ke sikandan te, “Neehè dey is mezaat he mibeelan nu.”

Salmo 69:12

Iyan a layun ed-ituka te menge etew he ebpemimpinuu ziyà te pultahan te inged, ne egkekanta is egkengelangut te kanta he idsudì kedì.

Exodus 9:17

Piru kemulu nu egkuntedaha is menge etew ku, wey kenè nu sikandan edtuǥutan te kegenat.

Isaias 1:4

Mekesesalà sikandan he nasyun, menge etew he utew subra is kelelalung dan, kevuwazan sikandan te mememaal te mezaat wey mesipala. Inselikwey zan wey mid-undaunda is Nengazen, kes Waǥas he Megbevayà te Israel, ne mid-iniyuǥan dan sikandin.

Isaias 10:15

Lavew ve is wasey etawa gavas te migamit duen? Iyan be egkevitbit te lagkut is migawed duen?

Isaias 30:1

Migkaǥi is Nengazen te, “Mekehizuhizu is menge anak ku he menge mesinukulen. Mibpelanu sikandan te menge pelanu he supak te egkesuatan ku. Nekid-uyun sikandan te zuma te kandan dà he ketau, ne kenà kediey. Umbe mid-iseg medekelà is salè dan.

Isaias 30:9

Su menge mesinupaken sikandan, menge teruen, wey kenà egkesuat he ebpemineg te menge penurù ku.

Isaias 37:23

Hentei is mid-insultuwan nu wey edwelwelien? Hentei is midhenggeran nu wey mibpehembuǥan? Kenè be iyan a is Waǥas he Megbevayà te Israel?

Isaias 37:29

Su nezineg ku is kegkepeuki nu kedì wey is kebpehambug nu, egkew-itan ku is izung nu wey ebusalan ku is bèbè nu, ne eguyuzen ku sikew ziyà te zalan he mibeyaan nu, su wey ka mekelikù diyà te ebpuunan nu.”

Isaias 48:8

Wazè niw mezineg wey mesavut heini he menge hitavù su puun pa zengan mibpevevengel kew en. Netuenan ku ke sengemenu is kemeluiven niw, su puun pa te kegkeetew niw ne menge mesinupaken kew en.

Isaias 57:5

Ed-ezapen niw is menge ed-ezapen pinaaǥi te kebpekidhilavet diyà te sihung te kada merapung he kayu. Ibpemuhat niw pa is menge anak niw ziyà te zal-ug he alug te menge kelendiǥan.

Jeremias 20:8

Su emun egkaǥi a ne ibpengulahì ku is kebpendaagdaag wey kezeetan. Ne iyan heini he menge lalag is ebpuun diyà te kenikew igkeengiti wey igkesudii kedì.

Ezekiel 2:4

Utew sikandan midtaman he mesinupaken. Iyan a, is Nengazen he MEGBEVAYÀ midsuǥù kenikew ziyà te kandan te kegkaǥi kandan te menge lalag ku he para kandan.

Hoseas 10:9

Migkaǥi is Nengazen te, “Sikiyu is menge etew te Israel mibpedayun kew mebaal te salà puun pa zutun te timpu te kebaal te salà te menge kepuun niw ziyà te Gibea. Wazè kew iyan meveǥu. Umbe sikiyu is menge kevuwazan te menge lalung ne edsurungen te Gibea?

Numero 16:11

Sikew wey is menge sumusunud kenikew, nekidsukulà te Nengazen ne kenà diyà te ki Aaron.”

Josue 10:21

Ne zutun midlikù is langun he sundaru ni Josue ziyà te kampu zan diyà te Makeda he zutun edtaǥad si Josue. Puun dutun, wazè en nekaaku he egkaǥi te mezaat he lalag he ebpekesuǥat te menge Israilihanen.