Isaias 57:1 - Manobo Western Bukidnon OT

¹ Emun ebpatey is sevaha he etew he metazeng, wazà ed-insà ke maan. Wazà utew ebpekesavut he egkuwaan te Megbevayà is menge etew he edsunud kandin su wey zan mekelikey te kezeetan.

Isaias 57:1 ပူးပေါင်းရင်းမြစ်များ

1 Hadì 14:13

Edlalew kandin is langun he tig-Israel, ne idleveng sikandin. Iyan dà sikandin sakup te pemilya ni Jeroboam he egkepurungan is kedlevenga zuen, su iyan dà sikandin sakup te pemilya ni Jeroboam he nekepenunuat te Nengazen he Megbevayà te Israel.

2 Hadì 22:20

mintras uuyag ke pa, kenè ku ebpeeǥiyan te kezeetan heini he lugar. Ebpatey ka he melinawen, ne ed-uwiten ku sikew ziyà te zivaluy he untung.” Ne migkeǥiyan dan sikan is hadì te tavak ni Hulda.

2 Cronica 32:33

Hein minatey en si Hezekia, inleveng sikandin diyà te egkevuvungan he vahin te penlevengà te menge kevuwazan ni David. Mibeǥayan sikandin te zengeg te langun he menge etew te Juda wey Jerusalem dutun te kebpatey zin. Ne iyan is anak din he si Manase iyan nekeilis kandin te kedhadì.

2 Cronica 34:28

mintras uuyag ke pa, kenè ku ebpeeǥiyan te kezeetan heini he lugar wey is menge meǥinged kayi. Ebpatey ka he melinawen, ne ed-uwiten ku sikew ziyà te zivaluy he untung.” Ne migkeǥiyan dan sikan is hadì te tavak ni Hulda.

2 Cronica 35:24

Umbe, migkuwa zan sikandin diyà te kerwahi zin, ne ingkarga zan te sevaha pa he kerwahi zin, ne mid-uwit dan diyà te Jerusalem. Minatey sikandin dutun, ne inleveng dan diyà te midlevengan te menge kepuun din. Midlalew para kandin is langun he menge etew ziyà te Juda wey Jerusalem.

Salmo 12:1

Tevangi a, Nengazen, su wazè en etew he nesamà he metinumanen wey egkeseriǥan.

Salmo 37:37

Ne ahaa nu purungi is etew he wazà duen igkesawey he ebpengungubpaan te hustu wey melinew. Duen din mulà meupiya he egkepaabut.

Isaias 42:25

Umbe impaahà te Nengazen kenitew is dekelà he pauk din pinaaǥi te kebpeentusa zin kenitew te tebek. Is pauk din iring te hapuy he nekevekuku wey neketutung kenitew, piru wazè tew heini isipa wey seǥipaa.

Isaias 47:11

Umbe, ebpekeuma ziyà te kenikew is kezeetan ne kenè nu egketuenan ke ebmenmenuwen nu te edsegseg pinaaǥi te kegkeselemengkiru nu. Ebpekeuma ziyà te kenikew is kezeetan he kenà egkehimu he ebayad ka para med-engked. Ebpeketik-ew ebpekeuma ziyà te kenikew is kezeetan he wazè nu isipa.

Isaias 47:7

Migkaǥi ke pa te is kegkerayna nu ne wazà pidtemanan! Umbe wazè nu en is-isipa heini is mibeelan nu te menge etew ku wey ke hengkey is egkehimu he rimeǥas kayi ziyà te kenikew.

Isaias 57:11

Migkaǥi is Nengazen te, “Hentei ves heini is menge ed-ezapen he utew niw igkahandek ne midterteruan a keniyu? Midlipatan ad keniyu ne wazà ad keniyu seǥipaa. Hengkey ves is hinungdan maan is wazè kew en medtahud kedì? Tenged be te mibpereremek e zà seled te meluǥayad he timpu?

Jeremias 18:11

“Umbe keǥiyi nu is menge etew ziyà te Jerusalem he iyan heini migkaǥi ku: ‘Pemineg kew! Mid-andam ku is mibpelanuwan ku he kezeetan para keniyu. Umbe engkezi niw en is mezaat he vetasan niw. Beǥuwe en te kada sevaha keniyu is menge vetasan din wey menge ulaula zin.’

Jeremias 22:10

Sikiyu is menge etew ziyà te Juda, kenè niw sineǥawi si Hadì Josia is minatey en, kekenà, iyan niw purungi sineǥawi is anak din he si Jehoahaz he mid-ilis kandin te kedhadì diyà te Juda, su mibihag sikandin ne kenè en ebpekelikù diyà te tanà he mid-enakan kandin. Su migkaǥi is Nengazen te, “Kenè en sikandin ebpekelikù.

Ezekiel 21:3

Keǥiyi nu sikandan he siak, is Nengazen he MEGBEVAYÀ, migkaǥi a te, ‘Ebpekigkuntada a keniyu! Edhulevuten ku is ispada ku ne ebpenhimetayan ku sikiyu is langun, meupiya man etawa lalung he etew.

Micas 7:2

Is ibpesavut ku iyan is, wazè en neehè ku he etew kayi te Israel he mepezumdumahan te Megbevayà. Wazè en nesamà he metazeng he etew. Is kada sevaha, edtaǥad te meupiya he timpu te kegkehimetayi zin te zuma zin he meǥinged, iring te etew he edtaǥad te kegkeutela zin te langgam he edhingutelen din.

Numero 23:10

Hentei is ebpekevilang te kahabet dan he iring te eliyavuk. Berakat he mebpatey a keuzemà iring te menge metazeng.”