Isaias 56:2 - Manobo Western Bukidnon OT

² Utew zeysey is etew he ebaal wey edtuman te ebpeveelan ku zutun te Andew te Kedhimeley. Wey zeyzey zaan is etew he wazà mebaal te mezaat.”

Isaias 56:2 ပူးပေါင်းရင်းမြစ်များ

Isaias 58:13

“Kinahanglan he edtumanen niw is menge ebpeveelan ku zutun te Andew te Kedhimeley. Kenè niw veeli is menge vaal he para zà te keugelingen niw he kelipey zutun te segradu he andew. Ikelipey niw is Andew te Kedhimeley, ne pekeveǥata niw heini pinaaǥi te kenà kebpetuyang te egkesuatan niw, wey ked-engked kegkaǥi te menge lalag he wazè din pulus. Emun ebeelan niw heini,

Ezekiel 20:12

Impetuman ku zaan kandan is Andew te Kedhimeley he tuus te paaǥi te kedepitè dey. Ebpetanudtanud heini kandan he iyan a, is Nengazen mibpilì kandan wey zan mehimu he menge etew ku.

Salmo 112:1

Deliǥa is Nengazen! Utew zeyzey is etew he edtahud te Nengazen, wey igkelipey zin is kedtuman te menge suǥù din.

Ezekiel 20:20

Isipa niw he segradu is Andew te Kedhimeley su tuus heini te paaǥi te kedepitè tew, ne ebpetanudtanud heini keniyu he iyan a is Nengazen Megbevayè niw.”

Exodus 20:10

iyan, is ikepitu he andew he iyan Andew te Kedhimeley ne isipa niw he para heeyan kediey, kes Nengazen he Megbevayè niw. Dutun he andew ne kenè kew medterebahu te minsan hengkey. Kinahanglan daan he kenà medterebahu is menge anak niw, menge suluǥuen niw, wey minsan is kenà menge Israilihanen he mid-ubpà diyà te inged niw. Kenè niw zaan iterebahu is menge ayam niw.

Salmo 106:3

Utew zeyzey is etew he ebaal te hustu wey metazeng seled te langun he timpu.

Erubasa 16:17

Is etew he metandang is menge ulaula zin edlikey te mezaat, ne is ebentayan din is keugelingen din ebpekelikey te kezeetan.

Erubasa 16:6

Emun mahal ta is Nengazen he metinumanen, ebpeseyluwen din is menge salè ta. Emun edtehuzen ta sikandin, egkelikayan ta is mezaat he egkeulaula.

Erubasa 14:16

Is etew he uluwanen, ne ed-empingan din is keugelingen din ne edlikey sikandin te samuk, piru is tulebung, melemu egkepauk ne ebeyveyanan din is hustu.

Erubasa 4:27

Pengungubpaan ka he metazeng; likayi nu is kebaal te mezaat.

Erubasa 4:13

Pekezeseni nu te egawed is penurù ku; kenè nu ituǥut he maawà diyà te kenikew, pekeventayi nu su iyan heini untung nu.

Salmo 119:101

Midlikayan ku is langun he mezaat he vaal su wey ku metuman is lalag nu.

Leviticus 19:30

Tumana niw is ebpeveelan ku keniyu zutun te Andew te Kedhimeley, ne tehuza niw is lugar he zutun a keniyu ed-ezapa. Iyan a kes Nengazen.

Exodus 20:8

“Tumana niw is ebpeveelan ku zutun te Andew te Kedhimeley, ne isipa niw haazà he segradu he andew para kediey.

Isaias 56:6

“Edtuvazan ku zaan is kenà menge Israilihanen he insarig dan kediey is untung dan su edsilbiyan e zan, ebmahalen e zan, wey ed-ezapen e zan, ne edtumanen dan is menge ibpetuman ku zutun te Andew te Kedhimeley, wey edtumanen dan is kebpekid-uyun ku.

Salmo 128:1

Utew kew zeyzey is menge edtahud te Nengazen, he nengungubpaan he ed-ikul te menge paaǥi zin.

Salmo 37:27

Likayi niw is mezaat ne veeli niw is meupiya su para taman te taman is kebpekeubpè niw kayi te tanà he Israel.

Salmo 34:14

Likayi niw is mezaat he vaal, ne iyan niw veeli is meupiya. Himuwa niw is paaǥi para layun melinew is kebpekidepitè niw te zuma.

Nehemias 13:17

Umbe, mid-etuvang ku is menge pengulu ziyà te Juda, ne migkeǥiyan ku te, “Hengkey heini is mezaat ebeelan niw? Wazè niw isipa he segradu is Andew te Kedhimeley!

Isaias 56:4

Su iyan heini egkeǥiyen te Nengazen: “Edtuvazan ku is migkapun he menge etew he edtuman te ebpeveelan ku mehitenged te Andew te Kedhimeley, wey ebaal te menge vaal he ebpekelipey kediey wey edtuman te kebpekid-uyun ku.

Megwewali 7:18

Kenè nu haazà pesubrahi; kinahanglan he ziyè ke zà te liwezaan, su kenà ebpesubra is etew he edtahud te Megbevayà.