Isaias 54:7 - Manobo Western Bukidnon OT

⁷ Seled te mevavà he timpu mid-ewaan ku sikew, piru tenged te zekelà he hizu ku ed-umanan ku sikew egkuwaa.

Isaias 54:7 ပူးပေါင်းရင်းမြစ်များ

Salmo 30:5

Su melemu egkaawà is pauk din, iyan, is keupiya zin mulà, ebpedayun te wazà pidtemanan. Egkeseeng ki emun timpu te mezukilem, piru egkelipey ki zed emun ebmeselem en.

Micas 4:6

Migkaǥi is Nengazen te, “Keuzemà te huziyan he menge andew, edtiǥumen ku is menge etew ku he midsilutan ku, he iring te menge kerehidu he nengepiangan wey nekepeyapat. Edhimuwen ku he mekeǥeǥehem he nasyun is nesamà kandan. Ne edhedian ku sikandan diyà te Buvungan he Zion puun dutun he timpu ne taman en taman.

Isaias 26:20

Sikiyu is menge emurè ku te inged, seled kew ziyà te menge valey niw ne lelekeb kew. Eles kew zèpa taman te egkaawà is pauk te Nengazen.

Isaias 60:4

Tengteng ka ziyà te peliǥuy nu; netiǥum en is menge etew nu, ed-ulì en sikandan diyà te kenikew is ebpuun diyà te meziyù he menge lugar; henduen sikandan te menge vatà he edsepipiyen.

Deuteronomio 30:3

egkehizuwan kew te Nengazen he Megbevayè niw. Edtiǥumen kew zin puun te langun he menge nasyun he zutun kew zin ipevihag, ne zutun idlikù din is meupiya he kebpekesavuk niw.

Isaias 66:18

Netuenan ku is menge ulaula zan wey isip dan. Umbe edhendiyan a ne edtiǥumen ku is menge etew ziyà te langun he menge nasyun, ne egkeehè dan is gehem ku.

Isaias 56:8

Migkaǥi zaan is Nengazen he MEGBEVAYÀ he midtiǥum te menge vinihag he menge Israilihanen te, “Edtiǥumen ku pa is duma, gawas duen te zaan en he netiǥum ku.”

Ezekiel 36:24

Su egkuwaan ku sikiyu puun diyà te nekedseselekawà he menge nasyun ne ed-uwiten ku sikiyu ziyà te keugelingen niw he tanà.

Isaias 60:10

Migkeǥiyan te Nengazen is Jerusalem te, “Ebengunen te menge lumelengyawà is menge verengbeng nu, ne ebpenilbi kenikew is menge hadì dan. Minsan midsilutan ku sikew tenged te pauk ku, egkehizuwan ku zed sikew tenged te keupiya ku.

Isaias 40:11

Ed-etimanen din is menge etew zin iring te ked-etiman te ebantey te menge kerehidu: Edsepipiyen din is dezeisey pa he menge kerehidu ne meelima sikandin he egiya zuen te menge telenati.

Isaias 27:12

Emun egkeume en haazà, edtiǥumen te Nengazen is menge Israilihanen puun te Wahig he Eufrates taman te zal-ug te Ehipto he iring te kedtiǥum te ginunas he trigu.

Salmo 106:47

Libriya key, Nengazen he Megbevayè dey, ne kuwaa key puun te zuma he menge nasyun. Ne umana key tiǥuma ziyà te tanè dey, su para mekepeselamat key wey mekezalig key te kegkewaǥas nu.

Isaias 49:18

Ahaa nu is peliǥuy nu, is menge etew nu, midtiǥum en ne mid-uvey ziyà te kenikew. Siak, is uuyag he Nengazen, ebpenangdù a he igkepehivantug nu sikandan iring te kebpehivantug te vahi he ed-esewaan te menge zayandayan he egemiten din.

Isaias 11:11

Dutun daan he timpu, ed-umanan egemita te Nengazen is gehem din te kebpeulì te nesamà he menge etew zin diyà te Asiria, Ehipto, Patros, Etiopia, Elam. Babilonia, Hamat, wey is diyà te menge pulu.

Isaias 11:12

Ibayew te Nengazen is sevaha he bendirà su ibpeehè din te menge nasyun he edtiǥumen din en is menge etew zin diyà te Israel wey Juda he ebpuun te nekedseselekawà he vahin te kelibutan.

Isaias 12:1

Emun egkeume en haazà he andew megkanta kew te: “Nengazen, edeliǥen ku sikew. Nepeukan a kenikew, piru ǥuntaan naawè en is pauk nu, ne edlipeyen a kenikew.

Isaias 14:1

Benar iyan, egkehizuwan te Nengazen is menge tig-Israel ne ed-umanan din sikandan ebpilia he menge etew zin. Ne ibpeuman din sikandan ibpeubpà diyà te keugelingen dan he tanà, ne zuen menge lumelengyawà he ed-ubpà duma kandan.

Isaias 27:8

Impevihag te Nengazen is menge etew zin su iyan silut din kandan. Midsegseg din sikandan pinaaǥi te kegkesuǥata kandan te mevendes he keramag he ebpuun te edsilaan.

Isaias 49:13

Kanta ka te kegkelipey, is langit! Lipey ka, is kelibutan! Kanta kew is menge vuvungan! Su edlipayen wey egkehizuwan te Nengazen is menge etew zin he nengerasey.

Isaias 49:21

Ne egkaǥi ka ziyà te gehinawa nu te, ‘Hentei ves is mid-anak kandan para kediey? Neǥerà is mahabet he menge etew ku, ne tenged kayi neseeng a. Is duma kandan mibihag pehendiyà te zuma he lugar, ne sebsevaha ku zà te nesamà. Ne hendei heini sikandan ebpuun? Hentei is mid-anak-anak kandan?’ ”

Isaias 50:1

Migkeǥiyan te Nengazen is menge etew zin te, “Inselikwey ku ve is Jerusalem iring te maama he mid-engkezan din is esawa zin? Peǥumbenara niw! Impevihag ku ve sikiyu iring te etew he impeuripen din is anak din diyà te neutangan din su wey mekevayad? Wazà! Nevihag kew tenged te menge salè niw; inselikwey is Jerusalem tenged te menge kedrapas niw.

Isaias 62:4

Kenè ke en egngezanan he “Sinelikwey” etawa “Mekevulungbulung,” kekenà, egngezanan ke en he “Kelipey te Megbevayà” etawa “Esawa te Megbevayà,” su ingkelipey ka te Nengazen ne iring te mibpees-eseweey kew.

Isaias 63:7

Edtudtulen ku is gaǥew te Nengazen. Edeliǥen ku sikandin tenged te langun he mibeelan din kenitew. Mezakel is meupiya he mibeelan din diyà te kenitew te menge etew ziyà te Israel tenged te zekelà he hizu zin wey kebmahala zin kenitew.

Jeremias 51:5

Su siak, is Nengazen he MEGBEVAYÀ he Mekeǥeǥehem, wey Waǥas he Megbevayà te Israel, wazè ku iselikwey is Israel wey Juda minsan pa te nekeeneb kayi he tanà is kelelalung.

Penhulùhulù 3:31

Su is Nengazen ne kenà taman te taman is kedselikwaya zin kenitew.

Salmo 30:6

Nengazen, tenged te keupiya nu in-iring a kenikew te vuntud su midlig-enan a kenikew. Ne tenged te melig-en is kebpekesavuk ku, ne ziyà te ǥehinawa ku ebpekekaǥi a te, “Kenà ad iyan egkemenu.” Piru hein wazà a kenikew seǥipaa, neǥezam ku is kegkahandek.

Salmo 107:3

Su midtigum kew zin puun te menge tanà diyà te edsilaan, edsenlepan, dizaya, wey zivavà.

Penhulùhulù 3:32

Minsan ebeǥey sikandin te kelised, ibpeehè din gihapun is hizu zin tenged te kezekelà te kebmahal zin he wazà pidtemanan.