Isaias 54:11 - Manobo Western Bukidnon OT

¹¹ “He Jerusalem, he henduen be te migkusukusu te vagyu. Nerasey ka ne wazà midlipey wey midasig kenikew. Piru ed-umanan ku sikew ebenguna he ziyà ibpehitindeg te menge vatu he sepiru, ne egemiten ku is mahalen he menge vatu te kebaal te menge elavat te menge valey nu.

Isaias 54:11 ပူးပေါင်းရင်းမြစ်များ

1 Hadì 5:17

Ne tenged te mandù ni Solomon, ebasbas dan te zezekelà wey meupiya he klasi te menge vatu he para te pundasyun te valey te Nengazen.

1 Hadì 6:30

Minsan is saag dutun te zezuwa he ruǥu mibpeepizan din te vulawan.

1 Cronica 29:2

Mibeelan ku is taman te egkehimu ku te ked-andam te menge gamit para te valey te Megbevayè ku: menge vulawan, pelata, brunsi, putew, kayu, mahalen he menge vatu he uniks, ismiralda, menge vatu he nekedseselekawà is barek, wey zuma pa he utew menge mekempet he menge vatu wey mehabet he menge marmul.

2 Cronica 3:6

Mibpezeyzeyanan din daan haazà is baley te Nengazen te mahalen he menge vatu wey vulawan he ebpuun pa ziyà te Parvaim.

Job 28:16

Kenà ebpekerepeng te vali kayi is bali te lunsey he vulawan etawa mahalen he menge vatu he uniks wey sapiru.

Salmo 34:19

Minsan mahabet is menge mereǥen he egkehitavù diyà te etew he metazeng, iyan, edlibriyen sikandin te Nengazen te langun dutun.

Exodus 2:23

Ne hein neuǥet en, mibpatey en sikan is hadì te Ehipto. Ne is menge kevuwazan ni Israel kemulu ǥihapun is kegkengereǥeni zan tenged te ked-uripena kandan. Ne nengemuyù sikandan wey zan metevangi, ne nekeuma haazà diyà te Megbevayà.

Exodus 24:10

Ne neehè dan is Megbevayà te Israel, he ziyà mekehitindeg te iring te saag he sapiru he henduen te mehiǥawan he langit.

Exodus 3:2

Ne zutun mibpaahà kandin is belinsuǥuen te Nengazen pinaaǥi te egkeregreg he hapuy ziyà te teliwazà te dezeisey he kayu. Naahà ni Moises haazà ne minsan pa te egkeregreg haazà, iyan, kenà egketutung.

Exodus 3:7

Migkaǥi is Nengazen te, “Neehè ku is kemereǥenan te menge etew ku ziyà te Ehipto. Nezineg ku is kebuyù dan te tavang tenged te kebpesipelahi kandan te menge edumala kandan te edterebahu, ne edtevangan ku su egkehizuwan ku sikandan.

Solomon 5:14

Is menge vekelawan din, ne henduen be te kebilya he vulawan he zuen duen mahalen he menge vatu. Is lawa zin henduen be te impesinew he ungal te ilipanti he nezeyzeyanan te menge vatu he sepiru.

Isaias 14:32

Hengkey is idtavak tew te menge menunudtulà he ebpuun te Filistia? Egkeǥiyan tew sikandan te, “Is Nengazen iyan mibangun te Jerusalem, ne dengepà heini te menge etew zin he nengerasey.”

Isaias 28:16

Umbe, iyan heini egkeǥiyen te Nengazen he MEGBEVAYÀ: “Pemineg kew! Idsavuk ku ziyà te Zion is batu he pundasyun; batu he egkeseriǥan, melig-en wey mevali. Is midtuu kandin ne kenà meǥègaanen te menge ebeelan dan.

Isaias 44:28

Migkeǥiyan ku si Cyrus te, “Iyan ka ed-elima te menge etew ku, ne veeli nu is langun he egkesuatan ku. Ne suǥù ka he ed-umanan ebenguna is Jerusalem wey is baley kayi.”

Isaias 49:14

Piru migkaǥi is menge etew ziyà te Jerusalem te, “Inselikwey key en te Nengazen; midlipatan key zin en.”

Isaias 51:21

Umbe, sikiyu is nengerasey wey nengelangut te kenè binu, pemineǥa niw heini.

Isaias 51:23

diyè ku heini ibpeinum te midrasey keniyu, wey midsuǥù keniyu te kedlangkab su wey kew zan meǥieki, midhimu zan is peka niw he iring te zalan he zutun dan ed-ikul.”

Isaias 54:12

Egemiten ku is menge vatu he rubi he para te turi nu, wey is mekempet he menge vatu te kebaal te menge pultahan wey menge verengbeng nu.

Isaias 54:6

“Jerusalem, iring ka te vetan-en he vahi he midlalew su mid-ewaan te esawa zin. Iyan, guntaan ed-umawen ku sikew he likù ka kayi te kedì.

Isaias 60:15

Minsan inselikwey ka wey midumutan, wey wazà edseǥipà kenikew zengan, edhimuwen ku he mevantug ka te wazà pidtemanan, wey igkelipey te langun he lapis te kevuwazan.

Jeremias 30:17

Piru sikiyu ebewian ku mulà, edtembaran ku is menge palì niw. Minsan egkaǥi is duma te, sikiyu is menge tig-Jerusalem inselikwey wey mibey-anan en.”

Penhulùhulù 1:21

Nezineg te menge etew is kedag-es ku, piru wazà minsan sevaha he midlangan kedì. Nezineg te langun he menge kuntada ku heini is kegkerasey ku, ne ingkelipey zan heini is kedresaya nu kedì. Deyzey pezem ke egkeume en is andew he insaad nu he edsilutan nu sikandan, su wey zan daan meiring kedì.

Ezekiel 1:26

Ne zuen dutun henduen be te pinuuwà te hadì he iyan mibeelan is menge vatu he sepiru, ne zuen mibpinuu kayi he henduen be te etew.

Ezekiel 10:1

Dutun te edtengteng a, duen neehè ku he henduen be te pinuuwà te kedhadì he vatu he sepiru ziyà te zivavew te tambun he kristal he ziyà te zivavew te ulu zuen te menge kirubin.

Micas 7:11

Migkeǥiyan ni Micas is menge tig-Jerusalem te, “Egkeuma is timpu he ed-umanan niw ebenguna is menge verengbeng niw ne zutun he timpu ne ebmeluag pa is tanà he egkesakup niw.

Deuteronomio 31:17

Dutun he andew egkepeukan ku sikandan ne ed-engkezan ku sikandan. Ed-iniyuǥan ku sikandan ne egkengezeetan dan. Mahabet he menge kemeresayan wey menge kemereǥenan he ebpekeuma ziyà te kandan, ne zutun he timpu ebpekeinsè sikandan te, ‘Iyan be ingkeul-ulaha te menge kemereǥenan diyà te kenitew is tenged te wazè en mebpekiduma kenitew is Megbevayà?’