Isaias 53:5 - Manobo Western Bukidnon OT

⁵ Iyan tutuu is, mibpelian sikandin tenged te menge kedrapas tew; nevuǥel sikandin tenged te kelelalung tew. Is silut he mid-antus din iyan nekeveǥey kenitew te meupiya he kebpekesavuk; ne pinaaǥi te menge palì din nengeulian kiw.

Isaias 53:5 ပူးပေါင်းရင်းမြစ်များ

Genesis 3:15

Edhimuwen ku he kuntada nu haazà is bahi, ne ebpekigkuntada zaan is kevuwazan din te kevuwazan nu. Edrupeten din is ulu nu ne edkeǥaten nu is palu zin.”

Job 33:24

egkehizuwan sikandin te Megbevayà. Egkaǥi is Megbevayà te, ‘Libriya sikandin te kemetayen. Su nekaahà a te idlekat kandin.’

Salmo 30:2

Nengazen he Megbevayè ku, mibpetavang a kenikew tenged te zaru ku, ne mibewian a kenikew.

Erubasa 20:30

Is kedsilut te mekesesalà iyan ebpeketavang kandin su wey inyuǥi zin is mezaat.

Isaias 40:2

Lelaǥi niw te menayù is menge etew ziyà te Jerusalem. Tudtula niw kandan he nepasad en is kegkerasey zan wey nepesaylu en is menge salè dan. Su nezawat dan en is silut he para te langun he menge salè dan.”

Isaias 57:18

Neehè ku is mezaat he menge vaal zan, piru ebewian ku sikandan wey zan meulii. Egiyahan ku sikandan, wey edlipayen ku is egkengeseeng kandan.

Isaias 6:7

Ne indegkit din haazà diyà te vèbè ku; ke sikandin te, “Indegkit heini ziyà te vivig nu, ne ǥuntaan wazè nu en salà su mibpesaylu ke en.”

Daniel 9:24

“Midtelaan en te Megbevayà is 490 he tuig he para zuen te segradu he inged wey te menge zuma nu, su zutun he timpu egkeengked is kebpekidsukulè dan te Megbevayà, ne egkevelukasan sikandan te kegkeuripena kandan te salà, ne ebpeketezengen sikandan te Megbevayà te ketazeng he ebpedayun taman te taman, su para metuman sikan is nelewasan wey kes netagnà, wey para ikeuman ikepehinungud diyà te Megbevayà is baley zin.

Zacarias 13:7

Migkaǥi is Nengazen he Mekeǥeǥehem te, “Endama is ispada! Himetayi is perevantey ku te menge kerehidu he suluǥuen ku. Himetayi sikandin su wey mekedsusuwey is menge kerehidu, is egkaayuayu he menge etew ku. Ne edsilutan ku sikandan.

Deuteronomio 11:2

Tentenuzi niw ǥuntaan is nengeseǥazan niw he kebmansu keniyu te Nengazen he Megbevayè niw. Iyan kew nekesaǥad kayi ne kenà iyan is menge anak niw. Wazà sikandan mekesaksi te kegkelavew wey kegkemekeǥeǥehem te Nengazen,