Isaias 53:4 - Manobo Western Bukidnon OT

⁴ Benar iyan, mid-antus din is menge kemeresayan wey menge elentusen he para pezem kenitew. Piru kunaan tew ke midsilutan sikandin te Megbevayà tenged te menge salè din.

Isaias 53:4 ပူးပေါင်းရင်းမြစ်များ

Salmo 69:26

Su ebpesipelahan dan is menge etew he edsilutan nu, ne idantal zan is kebpekebmereǥen dutun te midsilutan nu.

Salmo 69:27

Ne iuman nu heeyan te menge salè dan ne kenè nu en sikandan libriya.

Salmo 69:8

Su in-iring a te langyew te menge kezuzumahi ku, ne is menge suled ku wazè e zan isipa he suled dan.

Isaias 53:10

Piru egkasuatan te Nengazen he edresayen wey ibpaantus sikandin. Piru minsan midhimu te Nengazen is untung din he pemuhat para meveyazi is salà te menge etew, egkeehè din ded is menge kevuwazan din wey ebpekaangken ded sikandin te meluǥayad he untung, ne pinaaǥi kandin egketuman is egkesuatan te Nengazen.

Leviticus 16:10

Piru is kambing he egkeripahan he para ki Azazel, ibpemuhat din heini he uuyag diyà te Nengazen ne ibpaawè din heini ziyà te sibsivayan, su wey melibri is menge etew puun te menge salè dan.

Zacarias 13:7

Migkaǥi is Nengazen he Mekeǥeǥehem te, “Endama is ispada! Himetayi is perevantey ku te menge kerehidu he suluǥuen ku. Himetayi sikandin su wey mekedsusuwey is menge kerehidu, is egkaayuayu he menge etew ku. Ne edsilutan ku sikandan.