Isaias 52:3 - Manobo Western Bukidnon OT

^3-4 Su iyan heini egkeǥiyen te Nengazen he MEGBEVAYÀ, “Mibihag kew he henduen te uripen he imbelegyà he wazà beyazi, umbe ebelukasan ku zaan sikiyu te wazà bayad. Dengan midhendiyè kew te Ehipto su zutun kew ed-ubpà, ne midaagdaag kew ziyà. Ne hein neuǥet iyan en maan midaagdaag keniyu is menge tig-Asiria.

Isaias 52:3 ပူးပေါင်းရင်းမြစ်များ

Salmo 44:12

Sikami is menge etew nu, ne henduen be te imbelegyè key zà kenikew te veratu. Henduen te wazè dey pulus diyà te kenikew.

Salmo 44:13

Kenikew he ketau is kegkepeel-elezi kenami wey ked-eengiti kenami te siringan dey he menge nasyun.

Isaias 1:27

Pinaaǥi te metazeng he kukuman te Megbevayà, edlibriyen din is Jerusalem wey is menge meǥinged kayi he ed-iniyug te mezaat.

Isaias 45:13

Iyan a mismu mibpezumala ki Cyrus te kedtuman te metazeng he tuyù ku. Iyan a metau para hustu is langun he menge paaǥi zin. Ed-umanan din ebenguna is inged ku ne ebeǥayan din te vayàbayà is menge etew ku he menge vinihag. Ebeelan din heini, kenà tenged te edsuhulan sikandin etawa ebprimyuwan.” Iyan a, is Nengazen he Mekeǥeǥehem, is migkaǥi kayi.

Isaias 50:1

Migkeǥiyan te Nengazen is menge etew zin te, “Inselikwey ku ve is Jerusalem iring te maama he mid-engkezan din is esawa zin? Peǥumbenara niw! Impevihag ku ve sikiyu iring te etew he impeuripen din is anak din diyà te neutangan din su wey mekevayad? Wazà! Nevihag kew tenged te menge salè niw; inselikwey is Jerusalem tenged te menge kedrapas niw.

Isaias 62:12

Egngezanan sikandan te ‘Segradu he menge Etew’ wey ‘Menge Linuwas te Nengazen,’ ne is Jerusalem egngezanan he ‘Ebpengenduyen he Inged’ wey ‘Inged he Wazè en Iselikwey.’ ”

Isaias 63:4

Mibeelan ku heini su neume en is andew te kebelesi ku te menge kuntada ku ne edlibriyen ku is menge etew ku.

Jeremias 15:13

Ibpaaǥew ku te menge kuntada niw is menge ketiǥeyunan niw wey menge azen niw tenged te langun he salà he nehimu niw kayi te tivuuk he nasyun.

Ezekiel 16:31

Mibpehitindeg ka te menge simbahan diyà te menge suyuk te menge zalan wey menge pelasa he para te menge ed-ezapen nu. Tuwas pa he mezaat is baal nu te vaal te vahi he ebelegyà te zengeg dan su wazè ka mulà mebpevayad te nekidhilavet kenikew.

Ezekiel 34:27

Ebpemeǥas is menge kayu zan wey is duma pa he menge pinemula zan. Ne ebpengungubpaan sikandan he wazà ebpekekaid kandan. Egketuenan dan he iyan a Nengazen emun edlibriyen ku en sikandan puun te ǥehem te mid-uripen kandan.

Leviticus 25:54

Emun kenà sikandin egkelekat te iring kayi he paaǥi, egkelibri ǥihapun sikandin wey is menge anak din dutun te Tuig te Kebeǥey te Bayàbayà wey Ked-ulì.