Isaias 52:2 - Manobo Western Bukidnon OT

² Kenè ke en meseeng he iring te etew he edungdungerù diyà te tanà, kekenà, hitindeg ka hinuun wey pengandam ka te kedumala. Ne sikiyu is menge meǥinged diyà te Jerusalem, engked kew en he ebpeuripen.

Isaias 52:2 ပူးပေါင်းရင်းမြစ်များ

Isaias 10:27

Dutun he andew, ibpeǥawas ku sikiyu puun te ǥehem te Asiria he henduen be te meveǥat he uwiten he midtiang niw wey iring te eyuǥu he nekeveǥat te tengel niw. Ebpekeǥawas kew puun te ǥehem din su egkehimu kew he gemhanan.”

Isaias 14:25

Edezeetan ku is menge tig-Asiria emun diyà sikandan te Israel he tanè ku. Edtekutakan ku sikandan diyà te menge vuvungan ku. Ne kenè dan en uripen is menge etew ku.

Isaias 29:4

Egkezeetan heini, ne egkeiring te ǥimukud he ebpengumew, iyan, ebpekenaasnaas dà diyà te zizalem te tanà.

Isaias 3:26

Duen edlalew wey ebpemenineǥew ziyà te menge pultahan dutun te inged. Ne haazà is inged egkeiring te vahi ha nekezuzungul ziyà te tanà he nahanew is langun he azen din.

Isaias 49:21

Ne egkaǥi ka ziyà te gehinawa nu te, ‘Hentei ves is mid-anak kandan para kediey? Neǥerà is mahabet he menge etew ku, ne tenged kayi neseeng a. Is duma kandan mibihag pehendiyà te zuma he lugar, ne sebsevaha ku zà te nesamà. Ne hendei heini sikandan ebpuun? Hentei is mid-anak-anak kandan?’ ”

Isaias 51:14

Kenè en egkeuǥet ibpaawè en is menge vinihag keniyu. Kenè dan ebpatey ziyà te mibpirisuwan kandan, wey kenè dan egkeewaan te keenen.

Isaias 51:23

diyè ku heini ibpeinum te midrasey keniyu, wey midsuǥù keniyu te kedlangkab su wey kew zan meǥieki, midhimu zan is peka niw he iring te zalan he zutun dan ed-ikul.”

Isaias 60:1

Enew ka, Jerusalem, ne silè ka iring te andew su neume en is kegkelibri nu, ne midsilè en diyà te kenikew is mekeǥeǥehem he kebpekiduma te Nengazen.

Isaias 61:1

Is Mulin-ulin te Nengazen he MEGBEVAYÀ ne kayi te kediey. Su mibpilì e zin he ibpewali te meupiya he tudtulanen diyà te menge pubri. Midsuǥù e zin te kedlipey te egkengeseeng wey kebpenudtul ziyà te menge vihag wey menge pirisu he ebpekeǥawas dan en.

Isaias 9:4

Su ibpekeziyù nu sikandan diyà te midlupiglupig kandan. Iring sikandan te uyaǥen he ebedtien nu is id-eyuǥu zuen wey is tuked he idlagkut duen. Is ebeelan nu kandan iring te mibeelan nu zengan hein midaag nu is menge Midianhen.

Jeremias 51:45

“Sikiyu is menge etew ku, pekeziyù kew ziyà te Babilonia! Libriya niw is untung niw mintras wazè ku pa ipeǥezami kandan is pauk ku.

Jeremias 51:50

“Sikiyu is nekelikey te kemetayen, awè kew en keniyan te Babilonia. Kenè kew en ubpà keniyan! Tentenuzi niw is Nengazen wey is Jerusalem minsan nekeziyù kew.

Jeremias 51:6

“Sikiyu is menge tig-Juda wey tig-Israel, ewai niw is Babilonia su wey kew melibriyi! Kenè kew pekimatey tenged dà te salà te menge tig-Babilonia. Timpu en he ebelesan ku sikandan te ereg te mibeelan dan.

Ezekiel 34:27

Ebpemeǥas is menge kayu zan wey is duma pa he menge pinemula zan. Ne ebpengungubpaan sikandan he wazà ebpekekaid kandan. Egketuenan dan he iyan a Nengazen emun edlibriyen ku en sikandan puun te ǥehem te mid-uripen kandan.

Zacarias 2:6

Migkeǥiyan te Nengazen is menge Israilihanen te, “Impeyapat ku sikiyu ziyà te minsan hendei he vahin te kelibutan. Piru ǥuntaan pemelaǥuy kew, ragkes kew en is mibihag pehendiyà te Babilonia, ne likù kew ziyà te Jerusalem.”