Isaias 51:9 - Manobo Western Bukidnon OT

⁹ Sigi en Nengazen, tevangi key en. Gemita nu is gehem nu te kedlibri kenami. Tevangi key iring te mibeelan nu zengan. Kenè be iyan ka midtadtad te dragun he si Rahab?

Isaias 51:9 ပူးပေါင်းရင်းမြစ်များ

Job 26:12

Tenged te ǥehem din egurigawen din is daǥat, ne pinaaǥi te ketau zin midèdeetan din is dragun he si Rahab.

Job 9:13

Wazà eǥena te Megbevayà is pauk din. Minsan si Rahab is umuuǥup te dragun, ne ebpekeseludu te Megbevayà tenged te egkehandek kandin.

Salmo 21:13

Nengazen, ereg ka he edeliǥen tenged te zesen nu. Umbe, egkanta key te idalig kenikew tenged te kegkemekeǥeǥehem nu.

Salmo 44:1

He Megbevayà, netudtul kenami te menge kepuun dey is mibpemeelan nu hein kaazen dan pa zutun te neuǥet en he timpu,

Salmo 44:2

he mibpenegseg nu is menge etew he wazà medtuu kenikew ne iyan nu impeubpà diyà te ed-ubpaan dan is menge kepuun dey. Impaantus nu haazà he menge etew ne impeuswag nu mulà is menge kepuun dey.

Salmo 44:23

Sigi en, Nengazen, waleng kad! Kenè key kenikew iniyuǥi taman te taman.

Salmo 44:24

Maan is mid-elesan key kenikew wey wazè key kenikew seǥipaa kayi te menge elentusen dey wey kedèdaaǥa kenami?

Salmo 59:4

Wazà neveelan ku he salà, piru andam sikandan he ed-surung kedì. He Nengazen he Megbevayà he Mekeǥeǥehem, Megbevayà te Israel, seǥipaa ad ne tevangi ad guntaan. Siluti nu en is menge etew he wazà medtuu kenikew. Kenè nu ikehizu is menge seligkep.

Salmo 7:6

Nengazen he Megbevayè ku, ipeehè nu en guntaan is pauk nu te menge kuntada ku he utew egkengepauk kedì, su iyan man ebpen-ahaan nu is hustu he kukuman.

Salmo 77:5

Ed-isipen ku is nemenlavey he menge andew wey is menge tuig he neuǥet en he nenlavey.

Salmo 78:65

Piru nehitavù he henduen be te neelimukawan is Nengazen; neiring sikandin te mezesen he etew he mibmevurut tenged te vinu.

Salmo 87:4

Ke sikandin te, “Emun idlista ku is menge nasyun he migkilala kedì, idragkes ku is Ehipto wey is Babilonia, idragkes ku zaan is Filistia, Tyre, wey Etiopia. Is menge etew he ebpemuun kayi he menge nasyun ed-isipen ku he hustu en he tig-Zion.”

Salmo 89:10

Midezeetan nu is dekelà he langgam he si Rahab ne mibpatey heini. Impedsusuwey nu is menge kuntada nu pinaaǥi te ǥehem nu.

Salmo 89:11

Kenikew is langit wey is kelibutan; mibeelan nu is kelibutan wey is langun he netaǥù kayi.

Salmo 93:1

Hadì ka, Nengazen; is bisti nu iyan is kegkemekeǥeǥehem nu wey is utew nu kegkelavew. Utew melig-en is kebenguna nu te kelibutan ne kenà heini egkehuyung.

Exodus 6:6

Umbe, keǥiyi nu is menge Israilihanen: ‘Iyan a Nengazen. Ne ibpeǥawas ku sikiyu te kegkeuripena keniyu te menge Ehiptohanen. Pinaaǥi te ǥehem ku, ebpurungan ku edsiluti is menge Ehiptohanen, ne edlibriyen ku sikiyu.

Isaias 27:1

Dutun he timpu, egemiten te Nengazen is meǥarang wey mekeǥeǥehem he ispada zin te kedhimatey te Leviatan, kes edlayewlayew he langgam diyà te zaǥat.

Isaias 30:7

Is tavang te nasyun he Ehipto, ne wazè din pulus. Umbe egngezanan ku heini te “Dragun he Midleku.”

Isaias 51:17

Enew ke en Jerusalem! Is pauk te Nengazen iring te inumen he mid-amin nu inuma taman te nekeziregdireg ka te kegkelangut nu.

Isaias 51:5

Hapit ku en sikiyu ebeǥayi te kezeeǥan duma is ketazeng. Kenè en egkeuǥet ne edlibriyen ku en sikiyu. Edumelahan ku is menge nasyun. Is diyà te meziyù he menge lugar edtaǥad kediey wey ebperateng te gehem ku.

Isaias 52:1

He Zion, enew ke en, wey mebpekelig-en! Sikew is segradu he inged he Jerusalem, ipeehè nu is kegkemekeǥeǥehem nu! Su is menge kuntada nu he kenà menge Israilihanen he ed-isipen he meremerik, kenè en ebpekeseled diyà te kenikew.

Isaias 52:10

Ibpaahà te Nengazen is nekeviza he ǥehem din diyà te langun he menge nasyun, ne egkaahà kayi te tivuuk he kelibutan is kedlibriya kenitew te Megbevayè tew.

Isaias 53:1

Hentei is ebpeketuu te menge lalag dey? Hentei is mibpeheyaǥan te Nengazen te ǥehem din he midtuu?

Isaias 62:8

Nenangdù is Nengazen he pinaaǥi te gehem din ebeelan din heini. Ke sikandin te, “Kenè ku en ibpekaan is menge trigu niw te menge kuntada niw he lumelengyawè, ne kenè dan en ed-inumen is binu he midheǥuan niw.

Ezekiel 29:3

Keǥiyi nu sikandin he iyan a is Nengazen he MEGBEVAYÀ migkaǥi te: Kuntada ku sikew, Faraon he hadì te Ehipto. Neiring ka te zekelà he vuaya he ed-ubpà diyà te menge wahig diyan te Ehipto. Migkaǥi ka te kenikew is Wahig he Nilo, ne mibeelan nu heini para mismu kenikew.

Micas 7:15

Ipeehè key kenikew te menge egkein-inuwan iring te mibeelan nu zengan hein impeǥawas key kenikew puun diyà te Ehipto.

Habakuk 2:19

Kehizu niw te egkaǥi ziyà te ledawan he kayu etawa vatu te, “Kepukew ke en ne tevangi key.” Kenè ganì heeyan ebpekepenurù keniyu. Minsan mibpekeplaan heeyan te vulawan wey pelata, piru kenà heeyan uuyag.

Habakuk 3:13

su edlibriyen nu is pinilì nu he menge etew. Midhimetayan nu is pengulu te mezaat he ginhedian ne mibpurungan nu zezeeti is menge etew zin.

Zacarias 10:11

Edleyunen dan is ebpemaǥel he zaǥat piru ed-engked is menge vaǥel. Minsan is Wahig he Nilo ne egkemezahan. Is gelbuwen he Asiria ne ibpekevavà. Ne is gehem te Ehipto egkahanew.

Zacarias 2:13

Ebmelinawen is langun he menge etew ziyà te etuvangan te Nengazen, su ebpekeuma sikandin puun te segradu he ubpeey zin.

Deuteronomio 4:34

Duen be selakew en he Megbevayà he migkuwa zin is grupu te menge etew puun te sevaha he nasyun pinaaǥi te penggezam, egkengein-inuwan he menge hitavù, tebek, dekelà he ǥehem, wey mekeǥeǥehem he menge vaal para maangken din? Wazà! Piru iyan heeyan mibeelan te Nengazen he Megbevayè niw ziyà te Ehipto, ne neseksiyan niw heeyan.

Zatù 6:13

Midtavak si Gideon te, “Datù, emun duma zey is Nengazen ne maan is iring kayi is kebpekesavuk dey? Maan is wazà sikandin mebaal te egkengein-inuwan, iring te mibeelan din dengan hein impeǥawas din puun te Ehipto is menge kepuun dey, sumalà is netudtul zan kenami? Iyan, guntaan mibey-anan key en te Nengazen ne imbeǥey key zin diyà te menge Midianhen.”