Isaias 51:8 - Manobo Western Bukidnon OT

⁸ Su iring dan dà te manggad he egketketen te dezeisey he menge keranapranap. Piru is ibeǥey ku he kezeeǥan duma is ketazeng wey kelibriyanan ebpedayun te wazà pidtemanan.”

Isaias 51:8 ပူးပေါင်းရင်းမြစ်များ

Job 13:28

Umbe, iring a te repuk he egkeredak en wey visti he egketketen te zezeizey he keranapranap.”

Job 4:19

ne iyan pe be is menge etew he tanè dà is mibpuunan te kedlimbaǥa zuen, ne melemu zà he edrunteken iring te menge zezeizey he keranapranap!

Isaias 14:11

Guntaan te minatey ke en, ne naawè en is kegkemekeǥeǥehem nu zuma te zaǥing te alpa he mibeǥey kenikew te zengeg. Menge tagkey is hizeǥaan nu ne menge tagkey zaan is malung nu.’

Isaias 45:17

Piru edlibriyen nu mulà, Nengazen, is Israel, ne wazà pidtemanan te kelibriyanan dan. Kenè en sikandan egkepeel-elezan taman te taman.

Isaias 46:13

Kenà egkeuǥet, ebeǥayan ku te kezeeǥan wey ketazeng is Jerusalem. Uya, meǥaan ku en heini edlibriya, ne ebeǥayan ku te zengeg is Israel.

Isaias 50:9

Pemineg kew! Is Nengazen he MEGBEVAYÀ, iyan midtavang kedì. Hentei is ebpekepengintutuu he nekesalà a? Ebmerunut dan iring te manggad he egketketen te dezeisey he menge keranapranap.

Isaias 51:6

Ahaa niw is langit wey is kelibutan. Egkahanew is langit iring te evel, ne ebmerunut is kelibutan iring te manggad, ne ebpematey is menge meǥinged kayi iring te menge dezeisey he menge keranapranap. Piru is kelibriyanan he ibeǥey ku, ebpedayun te wazà pidtemanan. Is kezeeǥan duma is ketazeng, egkaangken niw taman te taman.

Isaias 54:9

“Iyan ked-isipa ku kayi is, iring te timpu ni Noe he zutun nenangdù a he kenè ku en ibpeuman ibpelapey is wahig kayi te kelibutan. Ne ǥuntaan ebpenangdù a zaan he kenè ku en sikew egkepeukan wey edsilutan.

Isaias 66:24

Ne emun egawas dan diyà te Jerusalem is ebpemen-azap dutun, egkeehè dan is menge lawa te mibpematey he menge etew he nekidsukulà kediey. Is menge tagkey he egkaan kandan ne kenà ebpatey, ne is hapuy he ebpeketutung kandan ne kenà egkeevukan. Ne igkelimezangi sikandan te langun he menge etew.”

Daniel 9:24

“Midtelaan en te Megbevayà is 490 he tuig he para zuen te segradu he inged wey te menge zuma nu, su zutun he timpu egkeengked is kebpekidsukulè dan te Megbevayà, ne egkevelukasan sikandan te kegkeuripena kandan te salà, ne ebpeketezengen sikandan te Megbevayà te ketazeng he ebpedayun taman te taman, su para metuman sikan is nelewasan wey kes netagnà, wey para ikeuman ikepehinungud diyà te Megbevayà is baley zin.

Hoseas 5:12

Iring a te dezeizey he keranapranap he egketket te Israel wey Juda.