Isaias 51:7 - Manobo Western Bukidnon OT

⁷ Pemineg kew kediey is nengesayud ke hengkey is hustu wey edtuman te kesuǥuan ku! Kenè kew mahandek te kedsudì wey ked-eled-eled te menge etew keniyu.

Isaias 51:7 ပူးပေါင်းရင်းမြစ်များ

Salmo 37:31

Edtipiǥan din diyà te ǥehinawa zin is menge kesuǥuan te Megbevayè din ne kenè din heini edrepasen.

Salmo 40:8

Megbevayè ku, igkelipey ku is kedtuman te egkesuatan nu. Edtipiǥan ku ziyà te ǥehinawa ku is menge kesuǥuan nu.”

Isaias 25:8

Id-awà te Nengazen he MEGBEVAYÀ is gehem te kemetayen ne ebpunasen din is luhà te langun he menge etew. Id-awè din is keelezan te menge etew zin puun te tivuuk he kelibutan. Egkehitavù heini su iyan migkaǥi kayi is Nengazen

Isaias 33:22

Ebeelan heini te Nengazen su iyan sikandin perehukum tew, perevaal te kesuǥuan tew, wey edhadì kenitew. Ne iyan sikandin edlibri kenitew.

Isaias 37:6

migkaǥi si Isaias diyà te kandan te, “Keǥiyi niw is egalen niw he si Hadì Hezekia he iyan heini egkeǥiyen te Nengazen: Kenè ka mahandek te nezineg nu he ked-un-undaha kedì duen te menge sakup te hadì te Asiria.

Isaias 51:1

Migkaǥi is Nengazen te, “Pemineg kew kediey, sikiyu is egkesuat he egkelibri wey midangep kayi te kediey. Tentenuzi niw si Abraham wey si Sara he kepuun niw, iring sikandan te vatu he zutun kew tipaka etawa vudsi he zutun kew keluta. Hein mid-umew ku si Abraham, ne sebsevaha zin dà, piru midtuvazan ku sikandin ne mibeǥayan ku te mahabet he menge kevuwazan.

Isaias 54:4

Kenè ka mahandek su kenè ka egkepeel-elezan. Egkelipatan nu is kegkeeled-eled nu hein betan-en ke pa wey is kegkevalu nu.

Jeremias 1:17

Ne ǥuntaan, endama nu is keugelingen nu. Genat ka ne keǥiya nu kandan is langun he insuǥù ku kenikew. Kenè nu sikandan ikahandek. Su emun egkahandek ka, ibpeiseg ku pa is kegkahandek nu ziyà te etuvangan dan.

Ezekiel 2:6

Ne sikew is etew, ne kenè ka mahandek. Kenè ka mahandek minsan mesakit is ebpengeǥiyen dan iring te zuǥi etawa kineǥatan te venayew. Kenè ka mahandek emun edhulgaan ke zan, su netuenan nu en he mesinupaken sikandan he menge etew.

Deuteronomio 6:6

Kenè niw lipati heini is menge suǥù he imbeǥey ku keniyu ǥuntaan.