Isaias 51:5 - Manobo Western Bukidnon OT

⁵ Hapit ku en sikiyu ebeǥayi te kezeeǥan duma is ketazeng. Kenè en egkeuǥet ne edlibriyen ku en sikiyu. Edumelahan ku is menge nasyun. Is diyà te meziyù he menge lugar edtaǥad kediey wey ebperateng te gehem ku.

Isaias 51:5 ပူးပေါင်းရင်းမြစ်များ

Salmo 110:6

Edsilutan din is menge nasyun ne mahabet is ebpenhimetayan din. Edèdeetan din is ebpemendumala seled te tivuuk he kelibutan.

Salmo 67:4

Berakat he meǥalew he egkanta te kegkelipey is langun he menge etew kayi te tivuuk he kelibutan, tenged te ketazeng te kedhukum nu kandan wey kegiyahi nu kandan.

Salmo 85:9

Tutuu iyan he edlibriyen din is menge etew he edtahud kandin su para metuusi he kemulu edterebahu is gehem din kayi te tanè tew.

Salmo 96:13

ziyà te etuvangan te Nengazen. Su edhendini sikandin te kedhukum te menge etew kayi te kelibutan. Egkezumahan te ketazeng wey ketutuanan is kedhukum din.

Salmo 98:9

Egkelipey zan diyà te etuvangan te Nengazen su edhendini sikandin te kedhukum te menge etew kayi te kelibutan. Metazeng is kedhukumi zin kandan wey wazà bintahà.

Isaias 11:11

Dutun daan he timpu, ed-umanan egemita te Nengazen is gehem din te kebpeulì te nesamà he menge etew zin diyà te Asiria, Ehipto, Patros, Etiopia, Elam. Babilonia, Hamat, wey is diyà te menge pulu.

Isaias 24:15

Umbe, is menge etew ziyà te edsilaan wey is diyà te menge veyvey te zaǥat, ereg sikandan he edalig te Nengazen he Megbevayà te Israel.

Isaias 26:4

“Layun kew sarig te Nengazen, su is Nengazen iyan endilungè tew te wazè din pidtemanan.

Isaias 33:2

Nengazen, kehizuwi key. Midsarig key kenikew. Lig-eni key kada andew, wey libriya key zutun te timpu te kelised.

Isaias 33:22

Ebeelan heini te Nengazen su iyan sikandin perehukum tew, perevaal te kesuǥuan tew, wey edhadì kenitew. Ne iyan sikandin edlibri kenitew.

Isaias 40:10

Uya, nekeume en is Nengazen he MEGBEVAYÀ he mekeǥeǥehem, ne edhadì sikandin he mekeǥeǥehem. Ebpekeuma sikandin he ed-uwit te suhul he para te menge etew zin.

Isaias 42:4

Kenà sikandin egkeewaan te perateng wey kezasig taman te pinaaǥi kandin kenè en egkeengkezan te edtuman is hustu he kukuman kayi te kelibutan. Minsan is menge etew ziyà te meziyù he menge lugar ebperateng te menge penurù din.”

Isaias 46:13

Kenà egkeuǥet, ebeǥayan ku te kezeeǥan wey ketazeng is Jerusalem. Uya, meǥaan ku en heini edlibriya, ne ebeǥayan ku te zengeg is Israel.

Isaias 49:1

Pemineg kew kediey, sikiyu is diyà te meziyù he menge lugar. Hein wazà e pa ianak mid-umew e en te Nengazen te kedsilbi kandin.

Isaias 54:17

Is kada ǥumaan he mibeelan su igkuntra kenikew ne kenà ebpekekaid kenikew, ne egketavak nu is menge ibpesangil kenikew. Is egkepengevilin te menge suluǥuen ku, iyan is kezeeǥan duma is ketazeng. Iyan a, is Nengazen, is migkaǥi kayi.”

Isaias 56:1

Iyan heini egkeǥiyen te Nengazen: “Ipeehè niw is hustu he kukuman wey veeli niw is metazeng, su kenè en egkeuǥet edlibriyen ku en sikiyu wey egkeehè niw is ketazeng ku.

Isaias 59:16

Neinuinu sikandin hein neehè din he wazà minsan sevaha he edtavang te menge edèdaaǥen. Umbe migamit din is kandin he gehem te kedluwas kandan, wey is kandin mismu he ketazeng iyan neketavang kandin.

Isaias 62:11

Pemineg kew! Mibpeuwit is Nengazen kayi he menge lalag diyà te tivuuk he kelibutan: “Kegiyi niw is menge meǥinged diyà te Zion he ebpekeume en is Menluluwas dan, ne zuen din uwiten he suhul.

Isaias 63:5

Neinuinu a hein neehè ku he wazà minsan sevaha he mid-uǥup kedì pinaaǥi te kedtevangi zan te menge etew ku. Umbe iyan e zà midlibri te menge etew ku pinaaǥi te ǥehem ku. Is pauk ku iyan midtukù kedì te kedsilut te menge kuntada ku.

Joel 3:12

Migkaǥi is Nengazen te, “Kinahanglan he egkehinggat is menge etew ziyà te peliǥuy he menge nasyun te kedhendiyà te Suǥud ni Jehoshafat, su edhukuman ku sikandan dutun.

Zefanias 2:11

Utew sikandan ebpelihendeka te Nengazen su edezeetan din is langun he menge ed-ezapen kayi te kelibutan. Ne ed-azap kandin is menge etew ziyà te kada nasyun diyà te keugelingen dan he lugar.”

Deuteronomio 30:14

Heini he menge lalag diyà te keniyu, diyà mismu te vèbè niw wey ǥehinawa niw, umbe egkehimu niw heini te edtuman.

1 Samuel 2:10

Id-awè din is menge etew he edsukul kandin. Ibperuǥung din is langit he tuus te kegkepeuki zin te menge kuntada zin. Su is Nengazen, edhukuman din is tivuuk he kelibutan. Tenged kandin egkehimu he gemhanan is pinilì din he hadì.”