Isaias 51:4 - Manobo Western Bukidnon OT

⁴ “Pemineg kew kediey! Sikiyu is menge etew ku, pemineǥa a keniyu, sikiyu is nesakup te nasyun ku! Ibeǥey ku is belaud ku, ne ebpekeveǥey heini te kerayag diyà te menge nasyun.

Isaias 51:4 ပူးပေါင်းရင်းမြစ်များ

Salmo 106:5

su wey e zaan mekesaǥad te keuswagan te pinilì nu he nasyun, su wey e zaan mekaambit te kelipey zan ne ebpekezalig a kenikew duma kandan.

Salmo 147:20

Wazè din heini ul-ulaha ziyà te zuma he menge nasyun; wazè dan mulà haazà metueni is menge suǥù din. Deliǥa is Nengazen!

Salmo 33:12

Utew zeyzey is nasyun he iyan Megbevayè din is Nengazen. Utew zeyzey is menge etew he migaked te Nengazen.

Salmo 50:7

Migkaǥi pa is Megbevayà te, “Sikiyu is menge etew ku, pemineǥa niw is egkeǥiyen ku. Iyan a Megbevayà, kes Megbevayà he iyan ed-ezapen niw; iyan a ebpenistiǥus te ebpekesuǥat keniyu te menge tig-Israel.

Salmo 78:1

Sikiyu is menge lumunè ku te inged, pemineǥa niw is menge penurù ku.

Exodus 19:6

piru egkehimu kew he ǥaked ku he pinilì he menge etew, ne egkehimu kew he ginhedian he ebpenilbi kediey pinaaǥi te kegkememumuhat niw.’ Iyan heini keǥiya nu ziyà te menge Israilihanen.”

Exodus 33:13

Emun tutuu he nekepenunuat a kenikew, penurua a te menge paaǥi nu su para mekilala ku sikew su wey med-iseg pa is kebpekepenunuat ku kenikew. Tentenuzi nu he menge etew nu heini is menge kevuwazan ni Israel.”

Erubasa 6:23

Su heini is menge suǥù dan wey menge penurù iring te sulù he ed-anlag diyà te kenikew. Ne is menge kedawey zan kenikew, ebpeketandang te vetasan nu, ebpekeuǥup wey ebpekepeluǥayad te untung nu.

Isaias 1:27

Pinaaǥi te metazeng he kukuman te Megbevayà, edlibriyen din is Jerusalem wey is menge meǥinged kayi he ed-iniyug te mezaat.

Isaias 2:3

Egkaǥi sikandan te, “Hendini kew en, su edtekezeg kiw ziyà te vuntud te Nengazen, diyà te valey te Megbevayà ni Jacob. Su ebpenuruen kiw zin te menge paaǥi zin su wey tew metuman heini.” Umbe, ed-ulì is menge etew he ebpuun diyà te Zion, he iyan is inged he Jerusalem, ne ed-uwiten dan is kesuǥuan te Nengazen.

Isaias 26:2

Puwasi is menge pultahan te inged su wey mekeseled is metazeng he menge etew ziyà te menge nasyun, menge etew he mepezumdumahan te Nengazen.

Isaias 26:8

Nengazen, edsunuzen dey is menge suǥù nu, ne midsarig key kenikew. Iyan penganduy zey he meveǥayi ka te zengeg.

Isaias 33:22

Ebeelan heini te Nengazen su iyan sikandin perehukum tew, perevaal te kesuǥuan tew, wey edhadì kenitew. Ne iyan sikandin edlibri kenitew.

Isaias 42:21

Egkesuatan te Nengazen he ikepaahà is ketazeng din, su wey meveǥayi te zengeg is kesuǥuan din.

Isaias 42:6

Migkaǥi sikandin diyà te suluǥuen din te, “Iyan a, is Nengazen, midtawag kenikew su ibpeehè ku is ketazeng ku. Edtevangan ku wey ebpengelangan ku sikew ne pinaaǥi kenikew ebaal a te kebpekid-uyun ku te menge etew. Edhimuwen ku sikew he iring te sulù he ebpeketeyew te menge nasyun,

Isaias 49:6

Migkaǥi sikandin te, “Sikew is suluǥuen ku, zuen pa zekelà he vuluhaten ku he ebpeveelan ku kenikew, gawas te kebpelikùa nu te menge Israilihanen he ebpengelangan ku. Edhimuwen ku pa sikew he iring te sulù he ebpeketayew te menge nasyun, su para zuen kelibriyanan kayi te tivuuk he kelibutan he egkaangken te menge etew.”

Isaias 55:3

Uvey kew wey mebpemineg kediey su wey kew meuyag. Ebpekid-uyun a keniyu te wazà pidtemanan. Ibpeehè ku keniyu is gaǥew wey kebmetinumanen ku he insaad ku ki David.

Isaias 63:8

Migkaǥi is Nengazen te, “Tutuu iyan he menge etew ku sikandan; menge anak ku sikandan he kenà edluib kedì.” Umbe midlibri zin sikandan.

Micas 4:2

Ke sikandan te, “Hendini kew en, su edtekezeg kiw ziyà te vuntud te Nengazen, diyà te valey te Megbevayà ni Jacob. Su ebpenuruen kiw zin te menge paaǥi zin su wey tew metuman heini.” Umbe, ed-ulì is menge etew he ebpuun diyà te Zion, he iyan is inged he Jerusalem, ne ed-uwiten dan is kesuǥuan te Nengazen.

Deuteronomio 18:18

Edsuǥù a ziyà te kandan te ebpeneuven ku he iring kenikew, su zuma zan he Israilihanen. Ne ibpekaǥi ku kandin is langun he egkesuatan ku te egkaǥi ziyà te kandan.