Isaias 51:1 - Manobo Western Bukidnon OT

^1-2 Migkaǥi is Nengazen te, “Pemineg kew kediey, sikiyu is egkesuat he egkelibri wey midangep kayi te kediey. Tentenuzi niw si Abraham wey si Sara he kepuun niw, iring sikandan te vatu he zutun kew tipaka etawa vudsi he zutun kew keluta. Hein mid-umew ku si Abraham, ne sebsevaha zin dà, piru midtuvazan ku sikandin ne mibeǥayan ku te mahabet he menge kevuwazan.

Isaias 51:1 ပူးပေါင်းရင်းမြစ်များ

2 Cronica 15:2

Ne mibpekid-ahà sikandin ki Asa ne migkeǥiyan din te, “Pemineǥa a keniyu Hadì Asa, wey sikiyu is langun he tig-Juda wey tig-Benjamin. Is Nengazen ne kenà edsuwey keniyu emun kenè kew edsuwey kandin. Emun edangep kew kandin ne egkeehè niw is keupiya zin. Piru ke ed-iniyuǥan niw sikandin, ne ed-iniyuǥan kew zin daan.

2 Cronica 15:4

Piru hein edlised dan en, ne midangep dan diyà te Nengazen he Megbevayà te Israel, ne midtevangan din sikandan.

Salmo 24:6

Iyan heeyan kelasi te etew he egkehimu he ed-aput wey edsimba te Megbevayà ni Jacob.

Salmo 94:15

Siguradu he egkeuman egkehitavù is metazeng he menge kedhukum, ne ebpekeuyun kayi is langun he midtinazeng.

Erubasa 15:9

Egkeepesan te Nengazen is etew he ed-ulaula te mezaat, piru ebmahalen din mulà is ebpeninguhà he mekeulaula te metazeng.

Erubasa 21:21

Is etew he egkesuat he meupiya is ked-ubpè din wey metazeng, ebmeluǥayad is untung din, wey ebmezeeǥen, ne egkezeliǥan sikandin.

Isaias 45:19

Wazè ku ieles is kegkaǥi ku, he wazà duen netau. Wazè ku keǥiyi is menge kevuwazan ni Jacob he medangep dan kayi te kedì he wazè dan egkepupulus. Siak, is Nengazen, egkeǥiyen ku is tutuu. Ibpehayag ku ke hengkey is hustu.”

Isaias 48:1

“Pemineg kew is menge kevuwazan ni Jacob, he egngezanan te Israel, he ebpuun diyà te tribu ni Juda. Nenangdù kew pinaaǥi te ngazan te Nengazen, wey mid-umew niw is Megbevayà te Israel. Piru kenà heini ebpuun diyà te gehinawa niw, su kenè kew menge metazeng.

Isaias 48:12

“Pemineg kew, is menge tig-Israel he menge pinilì ku. Iyan a Megbevayà; iyan a kes nehuna wey egkepengkusan te langun.

Isaias 51:4

“Pemineg kew kediey! Sikiyu is menge etew ku, pemineǥa a keniyu, sikiyu is nesakup te nasyun ku! Ibeǥey ku is belaud ku, ne ebpekeveǥey heini te kerayag diyà te menge nasyun.

Isaias 51:7

Pemineg kew kediey is nengesayud ke hengkey is hustu wey edtuman te kesuǥuan ku! Kenè kew mahandek te kedsudì wey ked-eled-eled te menge etew keniyu.

Isaias 55:6

Dangep kew ziyà te Nengazen ne umawa niw sikandin mintras wazè pa med-awà sikandin is edtavang keniyu.

Isaias 65:10

Edtuvazan ku sikandan is midangep kayi te kediey. Is menge suǥud diyà te Sharon wey Acor egkehimu he penebtavà te menge uyaǥen dan.

Amos 5:6

Sikiyu is menge kevuwazan ni Jose, dangep kew kayi te kediey su wey kew meuyag-uyag. Su emun kenà, ne edsurungen ku sikiyu he iring a te hapuy. Umbe egkezeetan is Betel ne wazè en ebpekeeǥen kayi.

Zefanias 2:3

Ne sikiyu is kenà mepelavawen he menge etew kayi te nasyun, he edsunud te menge suǥù te Nengazen, dangep kew ziyà te kandin. Ipedayun niw is kebaal niw te metazeng wey is kenè niw kebpelavew. Su kela ke kenè kew mulà mekeizi zutun he andew te kebpeǥezama te Nengazen te pauk din.”