Isaias 5:9 - Manobo Western Bukidnon OT

⁹ Nezineg ku he migkaǥi is Nengazen he Mekeǥeǥehem te, “Heeyan is dezekelà wey mekempet he menge valey, kenè en egkeubpaan.

Isaias 5:9 ပူးပေါင်းရင်းမြစ်များ

2 Cronica 36:21

Umbe, netuman is migkaǥi te Nengazen pinaaǥi te ebpeneuven he si Jeremias he egkehimu he mekevulungbulung haazà is tanà ne ebpekehimeley heini seled te 70 he tuig.

Job 15:28

ebpekeubpà sikandin diyà te menge valey he wazà duen ed-ubpà he henduen te egkerundus en, he ziyà te nezeetan he menge inged.

Job 20:21

Wazè en egkesamà diyà te kandin he egkekaan din, su egkahanew is ketiǥeyunan din.

Erubasa 15:27

Is etew he leǥezen, egkesemukan is pemilya zin tenged kandin, ne is etew he kenà ebpesipsip, edluǥeyazan te umur.

Isaias 22:14

Migkaǥi is Nengazen he Mekeǥeǥehem kayi te kediey te heini is salè niw kenè din ebpeseyluwen taman te kebpatey niw.

Isaias 27:10

Nevengkag en is inged he neliǥuy te verengbeng. Nehimu en heini he mekevulungbulung iring te sibsivayan, ne wazè en ed-ubpà kayi. Nehimu zà heini he penebtavà wey himelayà te menge vaka. Ed-eminen edtebtava te menge vaka is menge zahun te menge subpang.

Isaias 5:6

Ebpesegdanen ku en heini he pemuleey. Kenè ku en ebpenempezen is subpang etawa edterebehuwen is tanà duen. Etuvuan dà heini te menge sagbet wey duǥiyen he dezeisey he kayu. Ne egkeǥiyan ku is menge ǥapun he kenè dan heini petiǥisi te uzan.”

Amos 3:7

Benar iyan, wazà minsan hengkey he ebeelan te Nengazen he MEGBEVAYÀ emun wazè din ikehuna ikepezayag diyà te menge suluǥuen din he menge ebpeneuven.

Amos 5:11

Midaagdaag niw is menge pubri ne midteǥel niw he mebeǥey ziyà te keniyu te neraǥun dan. Umbe kenè niw en egkeubpaan is dezekelà he menge valey he mibangun niw, wey kenè kew en ebpekeinum te vinu he ebpuun diyà te impemula niw he menge paras.

Amos 6:11

Benar iyan, emun iyan en ebmandù is Nengazen, edrunteken din is langun he menge valey, deisey se zekelà.