Isaias 5:8 - Manobo Western Bukidnon OT

⁸ Mekehizuhizu kew is mibpekezakel te menge valey wey mibpekeluag te tanà taman te wazè en lugar para te zuma, ne iyan kew zà nesamà he ed-ubpà kayi he tanà.

Isaias 5:8 ပူးပေါင်းရင်းမြစ်များ

Job 15:28

ebpekeubpà sikandin diyà te menge valey he wazà duen ed-ubpà he henduen te egkerundus en, he ziyà te nezeetan he menge inged.

Job 20:21

Wazè en egkesamà diyà te kandin he egkekaan din, su egkahanew is ketiǥeyunan din.

Erubasa 15:27

Is etew he leǥezen, egkesemukan is pemilya zin tenged kandin, ne is etew he kenà ebpesipsip, edluǥeyazan te umur.

Ezekiel 11:15

“Sikew is etew, is menge etew he nesamà diyà te Jerusalem, iyan heini lalag dan mehitenged keniyu te menge zuma zan he nengevihag, ‘Meziyù dan en te Nengazen; ne heini he tanà, imbeǥey en kenitew te Nengazen he egkaangken tew.’

Ezekiel 33:24

“Sikew is etew, is menge etew he ed-ubpà diyà te nevengkag he menge inged diyà te Israel egkaǥi te, ‘Sebsevaha zà si Abraham, ne imbeǥey ziyà te kandin is tivuuk ha tanà. Ne mahabet kiw mulà, umbe siguradu he egkaangken tew ǥihapun heeyan he tanà.’

Amos 1:13

Iyan heini migkaǥi te Nengazen mehitenged te Ammon: “Tenged te kedtulung kebaal te salà te menge tig-Ammon, edsilutan ku sikandan. Su midsirian dan is memeǥingey he menge vahi ziyà te Gilead, su wey zan maangken heini he tanà.

Micas 2:1

Kehizu niw te egkepurang he ebpelanu te mezaat. Ne kegkemeselem ebeelan niw is mezaat he pelanu niw su egkehimu niw is kebaal kayi.

Micas 2:2

Ed-eǥawen niw is menge vevesukà wey menge valey he egkesuatan niw. Edlimbungan niw is menge etew wey niw mekuwa is baley zan wey is tanà he kevilin dan.

Habakuk 2:6

Piru edsudien sikandan keniyan te menge etew ziyà te menge nasyun pinaaǥi te mesakit he menge lalag he edhenduen te, “ ‘Kehizu niw te ebpenguwa te menge azen he kenà keniyu, wey edtiǥum te ketiǥeyunan pinaaǥi te kebpenapì. Taman pa te keenu is ked-ul-ulaha niw keniyan?