Isaias 5:20 - Manobo Western Bukidnon OT

²⁰ Mekehizuhizu kew is iyan niw ed-isipen he mezaat is meupiya, ne is meupiya ne iyan niw ed-isipen he mezaat. Is kerusireman ne iyan niw egngezanan he kerayag, ne is kerayag iyan niw egngezanan he kerusireman. Is mepait edhimuwen niw he meemis ne is meemis edhimuwen niw he mepait.

Isaias 5:20 ပူးပေါင်းရင်းမြစ်များ

Job 17:12

Piru migkaǥi sikandan te kela ke mebmeupiya zed is kebpekesavuk ku te huziyan he timpu. Ke sikandan te, ‘Divaluy te merusirem ne zuen kerayag he ebpekeuma.’

Exodus 23:7

Kenè kew medsumbung te tarù he sumbung. Kenè niw hukumi te kemetayen is etew he kenà ereg he edhimetayan, etawa etew he wazà mekesalà, su edsilutan ku is minsan hentei he ebaal kayi.

Erubasa 17:15

Is kedlibriya te nekesalà wey is kedsiluti te wazà mekesalà, ne pudu kenà igkesuat te Nengazen.

Erubasa 4:17

Is mezaat he menge ulaula wey is kebpesipala, impeiring dan te keenen wey inumen.

Isaias 24:9

Kenè en egkezumahan te kanta is ked-inum dan, ne ebmepait is inumen dan.

Isaias 29:21

ragkes is langun he ebpen-ulug te kewusa, is edtuis te ketazeng diyà te hukmanan, wey is menge tistiǥus he edtarùtarù su para kenà mevaǥayì te hustu he kukuman is wazà mekesalà.

Isaias 30:10

Migkeǥiyan dan is menge ebpeneuven ku te, ‘Kenè niw en tudtula ziyà te kenami is impezayag te Megbevayà diyà te keniyu. Kenè key en keniyu keǥiyi te hustu. Iyan tudtula niw kenami is ebpekelipey kenami wey is menge nelewasan niw he kenà egkehitavù.

Isaias 32:5

Is menge tulebung kenè en ebeǥayan te zengeg, ne is menge limbungan kenè en edtehuzen.

Ezekiel 13:19

Mibpendezeisey a keniyu ziyà te etuvangan te menge etew ku tenged dà te nepipira he kemkem te barli wey nepipira he supas. Mibpenhimetayan niw is kenà ereg he edhimetayan, ne mibpesagdan niw he meuyag-uyag is ereg pezem he ebpatey.

Amos 5:7

Ne mekehizuhizu kew! Is meupiya wey hustu he kukuman, midhimu niw he mezaat ne wazè niw veliya is metazeng.”

Micas 3:2

Piru igkeepes niw is meupiya, ne mibmahal niw mulà is mezaat. Edèdaaǥen niw utew is duma ku he menge meǥinged; henduen be te mid-enisan niw sikandan, ne migkuwa niw is menge sapù dan diyà te menge tulan dan, ne mibpenggetad niw is menge tulan dan, ne mibpemisang niw is menge sapù dan, ne midhilutù niw wey migkaan.

Habakuk 1:4

Umbe, nehimu he wazè en pulus te kesuǥuan; wazè en ul-ulaha is hustu he kukuman su is menge etew he nekesalà, ne iyan ebpekezaag diyà te hukmanan ne kenà iyan is wazà mekesalà. Umbe nevulegkù en is hustu he kukuman.”

Malakias 2:17

Migkaǥi pa si Malakias te, “Neperahan en is Nengazen he ebpemineg te menge lalag niw. Ne ed-insè kew te, ‘Hengkey is mibeelan dey he iyan ingkeperahi te Nengazen te menge lalag dey?’ Migkaǥi kew te is langun he mibaal te mezaat ne meupiya is ked-ahaa kandan te Nengazen, ne nekepenunuat sikandan kandin. Migkaǥi kew pa te, ‘Hendei en buwa is Megbevayà he metazeng is kukuman din?’ ”

Malakias 3:15

Ke sikiyu zaan te, ‘Sumalà te neehè tew, iyan is menge mepelevawen nengezeyzey. Utew mid-uswag is mezaat is menge vaal zan, ne minsan sikan is midhinggat dan is Megbevayà he mepauk kandan pinaaǥi te mezaat he menge vaal zan ne wazà memenu.’ ”

Deuteronomio 25:1

“Penenglitan duen egketebekaayan te zezuwa he etew ne haazà he kasu mid-uwit dan diyà te kurti, ne midhukum is menge datù ke hentei kandan is nekesalà wey ke hentei is wazà mekesalà.