Isaias 5:17 - Manobo Western Bukidnon OT

¹⁷ Is nevengkag he menge inged he iyan mid-ubpaan te menge sepian, egkehimu he penebtavà te kerehidu.

Isaias 5:17 ပူးပေါင်းရင်းမြစ်များ

Nehemias 9:37

Ne ǥuntaan, is dekelà he menge abut kayi te tanà, ne iyan ebpekezawat duen is menge hadì he impahadì nu kenami tenged te menge salè dey. Ebeelan dan diyà te kenami wey ziyà te menge uyaǥen dey is egkesuatan dan te ebaal, ne utew key nekebmereǥen.”

Salmo 119:70

Heini is menge gelbuwen, kenà sikandan ebpekesavut te kesuǥuan nu. Piru siak, igkelipey ku is kedtuman kayi.

Salmo 17:10

Wazè dan hizu, ne pinaaǥi te kegkagi zan, ebpelavew zan.

Salmo 17:14

Libriya a wey a kenà mekeizi kayi te menge etew he iyan dà ed-isipen dan is kelibutanen he menge vutang. Siluti nu sikandan te silut he inteǥana nu kandan, ne iragkes nu en daan is menge anak dan. Ne elin nu teǥenahi te silut is menge apù dan.

Salmo 73:7

Is menge ǥehinawa zan nepenù en te kelelalung, ne iyan dan dà layun egkeisip is kebaal te mezaat.

Isaias 1:7

Nehimu he mekevulungbulung is nasyun niw; ne nengevinsulan is menge inged niw. Ne nevembentayan niw is kebpenguwaa te menge veǥas te pinemula niw ziyà te vevesukè niw te menge etew ziyà te zuma he lugar. Edezeetan dan is tanè niw taman te kenè en heini egkepulusan.

Isaias 10:16

Umbe, is Nengazen he Mekeǥeǥehem ebpeeǥiyan din te zaru is menge sundaru te hadì te Asiria, he menge meupiya is kedlelawa. Ebinsulan te Nengazen is ketiǥeyunan kayi te edriyubriyub he hapuy.

Isaias 17:2

Wazè en ed-ubpà diyà te menge inged diyà te Aroer. Egkehimu zà heini he pepenebtavà te menge langgam, ne wazà ebuǥew kandan.

Isaias 32:14

Is inged he mezakel zengan is mid-ubpà duen, ne kenè en maan ed-ubpaan. Is melig-en he menge vahin kayi, ebey-anan en. Is mibuntud-buntud wey turi kayi egkeiring te sibsivayan minsan keenu. Edriǥuriǥu kayi is menge asnu ne ebpemenabtab is menge langgam.

Isaias 40:11

Ed-etimanen din is menge etew zin iring te ked-etiman te ebantey te menge kerehidu: Edsepipiyen din is dezeisey pa he menge kerehidu ne meelima sikandin he egiya zuen te menge telenati.

Isaias 65:10

Edtuvazan ku sikandan is midangep kayi te kediey. Is menge suǥud diyà te Sharon wey Acor egkehimu he penebtavà te menge uyaǥen dan.

Isaias 7:25

Wazè en edhendiyà te menge vuvungan dutun he hein aney ebpemulaan, su ǥeina te neeneb en heini te zuǥiyen he zezeisey he kayu. Egkehimu zà heini he penebtavà te menge vaka wey menge kerehidu.”

Jeremias 5:28

Midlambù dan wey mibmeupiya is lawa zan. Kenè en edtaman is kebaal zan te mezaat. Wazè dan beǥayi te hustu he kukuman is menge ilu, wazè dan depiǥi is ketenged te menge pubri he menge etew.

Penhulùhulù 5:2

Is menge tanè dey wey is menge valey zey, migkuwa te menge lumelengyawà.

Hoseas 4:16

Su utew mesinupaken is menge tig-Israel, iring sikandan te simadun he dumeraǥa he vaka. Umbe kenè ku sikandan egkaatur iring te menge kerehidu he ibpepenabtab diyà te penebtavà.

Hoseas 8:7

“Iring sikandan te nemula te keramag ne ebpekeraǥun sikandan te eribpures. Iring dan daan te trigu he wazè din pungu he kenà ebpekeveǥey te keenen. Piru minsan ebpekeveǥey heini te keenen, ne iyan egkaan duen is menge lumelengyawà.

Micas 2:12

Migkaǥi is Nengazen te, “Sikiyu is menge etew te Israel wey Juda he nengesamà he uuyag, edtiǥumen ku sikiyu iring te menge kerehidu ziyà te tudil etawa iring te grupu te menge uyaǥen diyà te pepenebtavà. Egkeeneb is tanè niw te etew.

Zefanias 2:14

Keniyan ebpemenleku is menge vaka, menge kambing, wey is duma pa he nekedseselekawà he menge langgam. Edlatun is menge ekang diyà te nengezeetan he menge tukud, ne is kegkaǥi zan egkezineg diyà te menge sulawà. Egkengeelangan is menge veyeey ne egkengetangtang is menge kayu he sidru.

Zefanias 2:6

Umbe, is tanè niw he uvey te zaǥat egkehimu he pepenebtavà wey tudil te menge kerehidu.

Deuteronomio 28:33

Is menge etew he wazè niw mekilala ne iyan ebpekekaan te langun he hineǥuan niw, ne layun kew edluplupiǥa wey ibpaantus.

Deuteronomio 32:15

Mid-uswag is menge Israilihanen piru nekidsukulè dan gihapun. Mibmelembù dan wey midekelà, iyan mid-iniyuǥan dan is Megbevayà he iyan midlimbag kandan, wey mid-engkezan dan is endilungè dan he vatu he iyan daan menluluwas dan.