Isaias 5:16 - Manobo Western Bukidnon OT

¹⁶ Piru is Nengazen mulà he Mekeǥeǥehem edeliǥen tenged te kedhukum din. Pinaaǥi te metazeng he kedhukum din, ibpeehè din he waǥas sikandin he Megbevayà.

Isaias 5:16 ပူးပေါင်းရင်းမြစ်များ

1 Cronica 29:11

Gemhanan ka, telehuzen ka, dungganen wey ereg he edeliǥen. Su kenikew is langun diyà te langit wey zini te tanà. Iyan ka hadì, he Nengazen, wey lavew ka te langun.

Salmo 21:13

Nengazen, ereg ka he edeliǥen tenged te zesen nu. Umbe, egkanta key te idalig kenikew tenged te kegkemekeǥeǥehem nu.

Salmo 46:10

Migkaǥi sikandan te, “Engked kew en he ebpetebtebekà. Ne kilelaa a keniyu is Megbevayà. Ebentuǥen a te menge nasyun kayi te tivuuk he kelibutan.”

Salmo 9:16

Impekilala te Nengazen ke hentei sikandin pinaaǥi te metazeng he kedhukum din, ne is lalung he menge etew, iyan nekezezaat kandan is mezaat he menge vaal zan.

Isaias 12:4

Emun egkeuma en haazà he andew, ne egkanta kew te: “Deliǥa niw is Nengazen! Ezapa niw sikandin! Tudtula niw ziyà te menge etew is menge vaal zin. Penudtul kew he ereg sikandin he edeliǥen.

Isaias 2:11

Egkeuma is andew he iyan dà is Nengazen edeliǥen. Ibpekevavè din is ked-etew te menge hembugiru wey menge mepelevawen.

Isaias 2:17

Dutun he andew iyan dà edeliǥen is Nengazen. Ibpekevavè din is ked-etew te menge hembugiru wey menge mepelevawen.

Isaias 2:9

Umbe, ebminusen is ked-etew te kada sevaha kandan wey ebpeel-elezan nu. Kenè nu sikandan peseyluwa, Nengazen!

Isaias 28:17

Edhimuwen ku he sukud is hustu he kukuman ne edhimuwen ku he tuntun is ketazeng. Ibpelayap ku te vagyu wey ed-enuzen ku te zalem is kedtarùtarù he edseriǥan niw he iyan egkeendilungan niw.

Isaias 29:23

Su emun egkeehè dan is menge vaal ku para kandan, ne edtehuzen e zan is Waǥas he Megbevayà ni Jacob, ne egkilelaan dan is kegkewaǥas ku. Igkahandek e zan is Megbevayà te Israel.

Isaias 30:18

Piru edtaǥad is Nengazen te ked-uvey niw ziyà te kandin su para ikepeehè din is hizu zin keniyu. Andam sikandin he ebpaahà te kegkeipeng din keniyu. Su is Nengazen, metazeng he Megbevayà, ne utew zeyzey is langun he midsarig diyà te kandin.

Isaias 33:10

Migkaǥi is Nengazen te, “Iyan en heini timpu te kedwaleng ku, ne ebeǥayan a te zengeg te menge etew.

Isaias 33:5

Is Nengazen, lavew te langun! Su ziyà sikandin ed-ubpà te langit. Kenè din id-awà diyà te Jerusalem is hustu he kukuman wey ketazeng.

Isaias 57:15

Iyan daan heini egkeǥiyen te Utew Lavew he Megbevayà, kes Waǥas he Megbevayà he wazà pidtemanan te untung din: “Diyà a ed-ubpà te metikang wey segradu he lugar, piru ed-ubpa a zaan duma te menge etew he kenà ebpelavew wey mid-iniyug te mezaat he ulaula su wey ku sikandan melig-eni.

Isaias 6:3

Ne ebpekegkeǥiyà sikandan te: “Waǥas, waǥas, waǥas is Nengazen he Mekeǥeǥehem he is kebpekiduma zin nekeeneb te tivuuk he kelibutan.”

Isaias 61:8

“Su siak, is Nengazen, dekelà diyà te gehinawa ku is hustu he kukuman. Egkeepesan ku is kebpenakew wey zuma pa he mezaat he vaal. Tenged te kebmetinumanen ku ebeǥayan ku te suhul is menge etew ku wey ebpekid-uyun a kandan te uyun he wazà pidtemanan.

Isaias 8:13

Siak, is Nengazen he Mekeǥeǥehem, kinahanglan he egkilelaan a keniyu he waǥas. Iyan a ereg he egkehendekan niw.

Ezekiel 20:41

Emun egkekuwa ku en sikiyu puun diyà te nekedseselekawà menge nasyun he zutun kew mekepeyapat, edewaten ku sikiyu he iring te pemuhat he veyewà he mehemut. Pinaaǥi kayi te ebeelan ku ziyà te keniyu igkepeehè ku ziyà te keniyu is kegkewaǥas ku egkaahà heini te menge zuma he nasyun.

Ezekiel 28:22

Keǥiyi nu is Sidon he iyan a is Nengazen he MEGBEVAYÀ migkaǥi te: Migkuntada ku sikew is Sidon. Edeliǥen a te menge etew emun edsilutan ku en sikew, ne egketuenan dan he iyan a Nengazen, wey egkeehè dan is kegkewaǥas ku.

Ezekiel 28:25

Migkaǥi zaan is Nengazen he MEGBEVAYÀ te, “Ed-umanan ku te edtiǥum is menge etew te Israel puun te menge nasyun he zutun sikandan mekepeyapat. Pinaaǥi kandan igkepetuusan ku ziyà te menge nasyun is kegkewaǥas ku. Dutun he timpu ebpekeubpè en is menge Israilihanen diyà te keugelingen dan he tanà, he iyan kes tanà he imbeǥey ku ziyà te suluǥuen ku he si Jacob.

Ezekiel 36:23

Iyan a, is Nengazen he MEGBEVAYÀ, migkaǥi te ibpeehè ku ke sengemenu is kegkewaǥas te zengeg te ngazan ku ziyà te menge nasyun he zutun niw pendezeisaya heini. Ne egketuenan te menge etew keniyan he menge nasyun he iyan a Nengazen emun igkepeehè ku en kandan is kegkewaǥas ku pinaaǥi te ebeelan ku ziyà te keniyu.

Ezekiel 38:16

Edsurungen nu is menge etew ku he Israilihanen he henduen kew te ǥapun he ebpeketambun te tanà. Uya, ibpesurung ku kenikew Gog, is nasyun ku te huziyan he timpu. Ne pinaaǥi te ebpeveelan ku kenikew, igkepeehè ku ziyà te menge nasyun is kegkewaǥas ku. Ne egketuenan dan he iyan a Nengazen.’ ”

Ezekiel 38:23

Pinaaǥi kayi is kebpaahaa ku ziyà te langun he menge nasyun te kegkemekeǥeǥehem ku wey kegkewaǥas. Ne egketuenan dan he iyan a Nengazen.”

Daniel 4:37

Umbe, ǥuntaan edeliǥen ku wey ebeǥayan ku te zengeg is hadì diyà te langit, su hustu wey metazeng is langun he menge vaal zin ne ibpekevavè din is minsan hentei he ebpelavew.”

Leviticus 10:3

Ne migkeǥiyan ni Moises si Aaron te, “Iyan heini ibpesavut te Nengazen hein migkaǥi sikandin te, ‘Kinahanglan he egkilelaan te menge memumuhat is kegkewaǥas ku, wey kinahanglan he ebeǥayan a te zengeg te langun he menge etew ku.’ ” Wazà meketavak si Aaron.

Numero 20:13

Haazà he lugar migngezanan te serebseb te Meriba su mibpekidlalis is menge Israilihanen te Nengazen kayi he lugar, wey kayi zaan ipaahà te Nengazen kandan is kegkewaǥas din.