Isaias 5:14 - Manobo Western Bukidnon OT

¹⁴ Egingange en is penlevengà. Edtaǥad en heini he ed-ahuk duen is dungganen he menge etew ziyà te Jerusalem, ragkes en is menge meǥinged kayi he ebpemen-ugyab wey edlilipeylipey.

Isaias 5:14 ပူးပေါင်းရင်းမြစ်များ

Habakuk 2:5

Benar iyan, kenà egkeseriǥan is ketiǥeyunan. Ne sikan is mepelavawen he menge etew he zekelà is kadar zan te ketiǥeyunan, ne kenà mevented wey kenè dan egkekuntintu. Iring sikandan te kemetayen he kenà egkeperahan. Ne iyan heeyan imbihaǥa zan te menge etew ziyà te mahabet he menge nasyun.

Erubasa 30:16

is iveyaan, is bahi he kenà ebpekaanak, is tanà su kenà egkeperahan te uzan wey hapuy su kenà daan heini egkeperahan te idtavun duen.

Erubasa 27:20

Kenà egkeengked is kebpemematey te etew; ne is suat te etew ne kenè daan egkeengked.

Salmo 55:15

Berakat he medtik-ew mebpematey is menge kuntada ku. Berakat he evelenga sikandan te penlevengà minsan uuyag dan pa. Su ziyà te kandan is kelelalung wey ziyè daan te menge ubpeey zan.

Isaias 30:33

Neuǥet en he naandam is lugar he zutun ebinsuli is hadì te Asiria. Meluag wey mezalem heini he lugar, ne zutun dekelà is hapuy wey kayu he tavun. Is gehinawa te Nengazen he iring te edriyubriyub he esupri ne iyan ebpekeregreg duen te tavun.

Isaias 14:9

“Is lugar te menge minatey edtaǥad kenikew he egkeǥalew; nengandam en heini te kesinuǥung kenikew. Is menge ǥimukud te menge etew he menge gemhanan dengan kayi te kelibutan, utew egkegalew kenikew. Nemenhitindeg puun te pinuuwà is menge ǥimukud te menge hadì su edsinuǥungen ke zan.

Isaias 21:4

Nekehuyabhuyab is kumeng ku su egkerkeren a tenged te kegkahandek ku. Kenà a ebpekehimeley ke mezukilem, tenged te kegkulbai kedì.

Erubasa 1:12

Is edsanggar ziyà te kenitew ne kenè tew en edsemaan te ǥehinawa.

Salmo 49:14

Netendek en is kebpatey zan iring te menge kerehidu. Ne is kemetayen iyan egiya kandan pehendiyà te penlevengà, iring te ed-elima he iyan egiya te menge kerehidu. Emun egkepawà, egkeveyveyaan sikandan duen te menge etew he midtinazeng. Egkengeredak is nemematey. Iyan en egkehimu he ubpeey zan, is leveng.

Daniel 5:30

Dutun dà he kezukileman, midhimetayan si Belshazar is hadì te menge tig-Babilonia.

Nahum 1:10

Iring kew te etew he nelangut he nesepinit diyà te zuǥiyen he zezeisey he kayu. Edezeetan kew iyan iring te ebinsulan he reǥami.

Isaias 14:11

Guntaan te minatey ke en, ne naawè en is kegkemekeǥeǥehem nu zuma te zaǥing te alpa he mibeǥey kenikew te zengeg. Menge tagkey is hizeǥaan nu ne menge tagkey zaan is malung nu.’

Isaias 24:8

ne kenè en egkezineg is egkezumahan te kelipey he tukar te menge tamburin wey menge alpa, wey is ugyab te menge etew he edsilibra.

Ezekiel 7:12

Uya, hapit en is timpu te kedsilut. Kenè en ereg he egkelipey is ebpememasa tenged te nekahangyù dan, wey kenè en ereg he egkeseeng is ebpemelegyà tenged te neǥansi sikandan, su is pauk ku egkeǥezaman te langun.