Isaias 5:12 - Manobo Western Bukidnon OT

¹² Diyà te menge keemuran niw duen niw banda wey vinu. Piru wazè niw seǥipaa is menge vaal te Nengazen.

Isaias 5:12 ပူးပေါင်းရင်းမြစ်များ

Genesis 31:27

Maan is mid-ekalan a kenikew ne migenat kew he wazà mebpenanghid kedì? Angin pezem ke migkaǥi kew kedì, minsan pezem mekeǥenat kew ne edlipeylipey kiw he edsunetahan te tamburin wey alpa.

2 Samuel 19:35

Su 80 en is penuiǥen ku, ne kenè ku en egketuenan is meupiya wey kenà meupiya. Kenè ku en egkeǥezam is taam te egkeenen ku wey ed-inumen ku. Kenè ku en egkezineg is ebpemenganta. Egkerikuran ke zà kedì, Mahal he Hadì.

Job 34:27

Ebeelan din heini su ǥeina te mid-engked sikandan he edsunud kandin, wey wazè dan seǥipaa is menge paaǥi zin.

Salmo 28:5

Su wazè dan seǥipaa is menge mibeelan nu. Umbe zezeeti nu sikandan ne veleǥaza nu en sikandan dutun te kebpekesavuk dan.

Isaias 22:13

Piru midlipey kew wey midsilibra kew hinuun. Midlapè kew te menge vaka wey menge kerehidu, ne migkaan kew te usa wey mid-inum kew te vinu. Ke sikiyu te, “Egkaan kiw wey edlipey kiw su kela ke mebpatey kiw en keeselem.”

Isaias 24:8

ne kenè en egkezineg is egkezumahan te kelipey he tukar te menge tamburin wey menge alpa, wey is ugyab te menge etew he edsilibra.

Isaias 29:1

Migkaǥi is Nengazen te, “Mekehizuhizu is Jerusalem, kes inged he mid-ubpaan ni David! Edtulung edsilibra te menge pista is menge meǥinged kayi kada tuig,

Isaias 5:19

Ed-undaunda kew pa he ke sikiyu te, “Egègaanen te Waǥas he Megbevayà te Israel is kedsilut din sumalà te migkaǥi zin he ebeelan din, su wey zey maahà. Deyzey ke egkehitavù en is pelanu zin su wey zey metueni heini.”

Isaias 56:12

Ke sikandan te, “Hendini kew, su egkuwa kiw te inumen ne ebpelelangut kiw! Iring ded kayi is ed-ul-ulahan tew keeselem, ne edhimuwen tew he edhuna pa he zekelà is egkeinum tew!”

Ezekiel 26:13

Pinaaǥi kayi ibpeengked ku sikiyu te kegkanta wey kedtukar te menge alpa niw.

Daniel 5:23

mid-isip nu he lavew ka te Nengazen diyà te langit. Impekuwa nu is menge inumà he puun diyà te valey te Megbevayà ne mid-inuman nu heini zuma te menge meǥeliyug nu he memetikang is ked-etew, menge esawa nu he lavew, wey is menge esawa nu he kenè lavew. Ne liyu keniyan, mid-azap nu is menge ledawan he ed-ezapen he pelata, bulawan, brunsi, putew, kayu, wey vatu–menge ed-ezapen he kenà ebpekaahà, kenà ebpekezineg, wey kenà ebpekesavut. Piru wazè nu mulà deliǥa is Megbevayà he iyan migawed te untung nu wey iyan ebayàbayà ke hengkey is egketemanan nu.

1 Samuel 12:24

Kinahanglan he tehuza niw utew is Nengazen wey silbiyi niw te hustu pinaaǥi te tivuuk he gehinawa niw. Wey tentenuzi niw is egkein-inuwan he mibeelan din keniyu.