Isaias 5:11 - Manobo Western Bukidnon OT

¹¹ Mekehizuhizu kew is utew pa meselem he ed-enew en wey mekepuun en he ed-inum, ne taman te mezukilem is kebpelelengut niw.

Isaias 5:11 ပူးပေါင်းရင်းမြစ်များ

2 Samuel 19:35

Su 80 en is penuiǥen ku, ne kenè ku en egketuenan is meupiya wey kenà meupiya. Kenè ku en egkeǥezam is taam te egkeenen ku wey ed-inumen ku. Kenè ku en egkezineg is ebpemenganta. Egkerikuran ke zà kedì, Mahal he Hadì.

Erubasa 20:1

Is subra he ked-inum te vinu he ebpekelangut, iyan ibmesamuk te etew. Is etew he lelenguten kenà egkehimu he uluwanen.

Erubasa 23:32

Su emun egkelangut ke en, ne selakew en is egkeǥezam nu te lawa nu, iring te edhereg he uled he egkaǥat kenikew.

Isaias 22:13

Piru midlipey kew wey midsilibra kew hinuun. Midlapè kew te menge vaka wey menge kerehidu, ne migkaan kew te usa wey mid-inum kew te vinu. Ke sikiyu te, “Egkaan kiw wey edlipey kiw su kela ke mebpatey kiw en keeselem.”

Isaias 24:9

Kenè en egkezumahan te kanta is ked-inum dan, ne ebmepait is inumen dan.

Isaias 28:1

Mekehizuhizu is Samaria, he henduen be te kuruna he vulak, he ibpegalbu te menge lelenguten he menge pengulu te Israel. Heini he inged diyà mekepelastar te uuzaran he suǥud, piru egkaawà is kekempet din iring te vulak he egkeǥangu.

Isaias 28:3

Edtekutakan is Samaria, he henduen be te kuruna he vulak, he ibpegalbu te menge lelenguten he menge pengulu te Israel.

Isaias 5:22

Mekehizuhizu kew is buleǥuk te vinu, wey iyan layun edtimpla te menge inumen.

Isaias 56:12

Ke sikandan te, “Hendini kew, su egkuwa kiw te inumen ne ebpelelangut kiw! Iring ded kayi is ed-ul-ulahan tew keeselem, ne edhimuwen tew he edhuna pa he zekelà is egkeinum tew!”

Habakuk 2:15

“ ‘Mekehizuhizu kew su tenged te pauk niw mibpeel-elezan niw is menge etew ziyà te avey niw he menge nasyun. Henduen be te midlangut niw sikandan te vinu su wey maahà is kegkelevasi zan.

Habakuk 2:5

Benar iyan, kenà egkeseriǥan is ketiǥeyunan. Ne sikan is mepelavawen he menge etew he zekelà is kadar zan te ketiǥeyunan, ne kenà mevented wey kenè dan egkekuntintu. Iring sikandan te kemetayen he kenà egkeperahan. Ne iyan heeyan imbihaǥa zan te menge etew ziyà te mahabet he menge nasyun.

1 Samuel 25:36

Hein nekeuma si Abigail ziyà te valey zan, ne midtukud te keemuran si Nabal he henduen te hadì. Utew sikandin melipayen ne utew sikandin nehubug. Ne wazà sikandin tudtuli ni Abigail taman te egkepawà.