Isaias 5:10 - Manobo Western Bukidnon OT

¹⁰ Is dezuwa he hiktaryas he perasan ne menge heenem dà he gelun he vinu is egkekuwa zuen. Ne is ingkeezek he sepulù he ǥantang ne senge-ǥantang dà is egkeraǥun duen.”

Isaias 5:10 ပူးပေါင်းရင်းမြစ်များ

Exodus 37:22

Haazà is menge zayandayan wey menge subpang, inredsè dà is kebpurmaha zuen te kebeeli zuen te lewahan te selevukà te sulù.

Isaias 32:13

Is tanà te menge etew ku edtuvuan dà te zuǥiyen he zezeisey he kayu wey menge sagbet. Ne egkaawà is melipayen he menge pemilya wey is inged he melipayen is menge etew zuen.

Isaias 7:23

Dutun daan he timpu, is pemuleey te paras he zuen duen 1,000 he puun he 1,000 he pelata is bali zin egkeeneb te zuǥiyen he zezeisey he kayu ne ebmeribpesen en heini.

Jeremias 48:33

Kenè en egkezineg diyà te tanà te Moab is kedlipey wey keguǥusà diyà te vevesukà wey menge pemuleey te paras. Wazè en edtudà he vinu ziyà te keresà. Wazè en egkeres te paras he ed-uruhuy tenged te kegkelipey zin. Duen hinuun kulehian piru kenà kulehian tenged te kegkelipey.

Joel 1:17

Nemematey is menge venì diyà te tanà. Ne tenged te kegkezeeti te menge trigu, wazè en taǥù te menge budiga, umbe egkengerundus en heini.

Leviticus 26:26

Egkurang is keenen niw, umbe sevaha zà he evuwan is egemiten te sepulù he vahi te kedlutù te supas, ne ebevehinen dan pa heini para keniyu. Uya, ebpekekaan kew piru kenè kew egkahantey.

Leviticus 27:16

Emun inhalad te etew ziyà te Nengazen is bahin te tanè din he nepengevilin din puun te menge kepuun din, ebeliyan heini te memumuhat te vali he ibpesikad te kezekelà te venì he igkepemula zutun te tanà: is kada egkepemulaan te liwazà te saku he venì ne iyan bali zin is 20 he vuuk he pelata.

Haggai 1:6

Dekelà is impemula niw piru zeisey zà is neraǥun niw. Duen niw keenen, piru kenà heini ereg. Duen niw inumen, piru kurang heini. Duen niw visti, piru kenà heini utew ebpekaalang te meǥenew. Duen egkezawat niw he suwildu, piru meǥaan dà heini egkaamin.

Haggai 2:16

Dutun te nehuna, emun edhendiyè kew te midtembuan te menge trigu he ebperateng kew he ebpekekuwa kew te 20 he takes, ne 10 dà he takes is egkekuwa niw. Ne emun edhendiyè kew te keresà te paras is ebperateng he ebpekekuwa te 50 he galun he vinu, ne 20 zà is egkekuwa niw.

Deuteronomio 28:38

“Dekelà is ibpemula niw piru zeisey zà is egkeraǥun niw su edterepanen heini.

Deuteronomio 28:39

Ebpemula kew te paras ne ed-elimahan niw heini, piru kenè kew ebpekepenrupù te veǥas kayi wey kenè kew ebpekeinum te vinu kayi, su ed-eraten heini.