Isaias 5:1 - Manobo Western Bukidnon OT

¹ Egkanta a mehitenged te minahal ku, mehitenged te pemuleey zin te paras: Duen pemuleey te paras te minahal ku ziyà te vuvungan he meupiya is tanà duen.

Isaias 5:1 ပူးပေါင်းရင်းမြစ်များ

Salmo 101:1

Nengazen, egkanta a mehitenged te ǥaǥew nu wey hustu he kukuman. Egkanta a te menge idalig kenikew.

Salmo 45:1

Is isip ku nepenù te mekempet he menge lalag hein idseysey ku en is ebpemulvulakan he menge lalag he para zuen te hadì. Ne is ketau ku te kegkaǥi ne iring te ketau zuen te utew metau he menunurat.

Salmo 60:5

Luwasa key pinaaǥi te ǥehem nu. Tevaka nu is menge kebpengemuyù dey su para melibri key is menge minahal nu.

Salmo 80:8

Sikami is menge etew nu, neiring key te pinemula he paras he migkuwa nu ziyà te Ehipto ne impemula nu ziyà te tanà te menge etew he midsegseg nu.

Solomon 2:16

Kediey zà is minahal ku, ne kandin e zà. Ibpepenabtab din is menge uyaǥen din diyà te zuen duen menge liryu.

Solomon 5:16

Meupiya he edhezekan is bivig din, ne utew sikandin mekempet. He menge vahi te Jerusalem, iyan sikandin minahal ku; iyan sikandin emiǥu ku.

Solomon 5:2

Dutun te nekelipezeng a ne neketeǥeinep a. Nezineg ku he ebpeneǥuktuk is minahal ku. Ke sikandin te, “Puwasi a, pelanggè ku he mekempet. Su nahames en is ulu ku te zehemug.”

Solomon 6:3

Kediey zà is minahal ku, ne kandin e zà. Ibpepenabtab din is menge uyaǥen din diyà te zuen duen menge liryu.

Jeremias 12:10

Midezeetan te mahabet he menge pengulu is Juda he mid-isip ku he pemuleey ku te paras. Midtekutakan dan heini is mekempet he tanè ku ne midhimu zan he sibsivayan.

Jeremias 2:21

Iring kew man pezem te meupiya he klasi te paras he impemula ku. Piru neiring kew te leew he paras he wazè din pulus.

Ezekiel 15:2

“Sikew is etew, hengkey he paaǥi is igkehimu te subpang te paras he lavew te minsan hengkey he subpang te kayu?

Ezekiel 19:10

“Is iney nu neiring daan te paras he impemula ziyà te kilid te wahig. Mahabet is menge subpang kayi wey menge veǥas din su ebpekesupsup man te wahig.

Hoseas 10:1

“Is menge tig-Israel, iring te pinemula he paras he merapung wey mahabet is menge veǥas din. Dutun te ked-uswag dan, mezakel he menge pemuhatà is mibeelan dan, ne mibpekekempet dan is tedeman he menge vatu he ed-ezapen dan.

Deuteronomio 8:10

Emun ebpekekaan kew en te minsan hengkey he egkesuatan niw, ne zeliǥa niw is Nengazen he Megbevayè niw tenged te kebeǥayi zin keniyu te utew meupiya he tanà.

Deuteronomio 8:7

Su ed-uwiten kew te Nengazen he Megbevayè niw ziyà te meupiya he tanà, he zuen duen edtudà he menge wahig wey menge teheb diyà te menge suǥud wey ziyà te menge vuvungan.