Isaias 48:9 - Manobo Western Bukidnon OT

⁹ Ne para meveǥayi a te zengeg, ed-eǥenen ku is pauk ku keniyu, su wey kew kenà mezeeti.

Isaias 48:9 ပူးပေါင်းရင်းမြစ်များ

Salmo 106:8

Piru midlibri nu sikandan para te zengeg nu wey te kebpaahà kandan te ǥehem nu.

Salmo 143:11

Luwasa a, Nengazen, su wey ka mezeliǥi. Geina te metazeng ka, luwasa a te kelised ku.

Salmo 25:11

Nengazen, minsan mahabet is menge salè ku, peseyluwa a kenikew, su para mezeliǥi ka.

Salmo 78:38

Minsan pa te iyan heini, hihizuwen gihapun kandan is Megbevayà. Mibpesaylu zin sikandan te menge salè dan ne wazè din sikandan dèdeeti. Layun din ed-eǥena is pauk din kandan minsan utew en sikandin egkepauk.

Salmo 79:9

Tevangi key kenikew, Megbevayà he Menluluwas dey, su wey ka mezeliǥi. Luwasa key wey peseyluwa key te menge salè dey su wey ka mevantug.

Erubasa 19:11

Tenged te ketau te etew, egkehimu sikandin he mepelevayen. Ne igkelipey zin is kebpesaylu zin te nekesalà diyà te kandin.

Isaias 30:18

Piru edtaǥad is Nengazen te ked-uvey niw ziyà te kandin su para ikepeehè din is hizu zin keniyu. Andam sikandin he ebpaahà te kegkeipeng din keniyu. Su is Nengazen, metazeng he Megbevayà, ne utew zeyzey is langun he midsarig diyà te kandin.

Isaias 37:35

Edipinsahan ku wey edlibriyen ku heini he inged para meveǥayi a te zengeg wey tenged te penaad ku ki David he suluǥuen ku.”

Isaias 43:25

“Iyan a mismu mid-awà te menge salè nu su para meveǥayi a te zengeg, ne kenè ku en heini edtentenuzan.

Isaias 48:11

Ebeelan ku heini para te zengeg ku. Kenè ku idtuǥut he mepeel-elezi a. Kenè ku idtuǥut he iyan egkeveǥayan te zengeg is duma he menge ed-ezapen.

Isaias 65:8

Migkaǥi zaan is Nengazen, “Wazà dèdeeti is mezaat he rupung dutun te menge paras su zuen pa zutun beǥas he egkepulusan, ne iring keniyan is ebeelan ku te menge etew ku, kenè ku zaan ed-eminen te edezaat is langun he menge etew ku. Edlibriyen ku is menge nenilbi kediey.

Jeremias 14:7

Migkaǥi is menge etew te, “He Nengazen, nekesalè key ziyà te kenikew. Layun dey sikew ed-iniyuǥi, ne ereg key he edsilutan. Piru tevangi key para meveǥayi ka te zengeg.

Ezekiel 20:14

Piru wazè ku heini leusa te ebaal su egkepeel-elezan a ziyà te menge nasyun he zutun netuenan he impeǥawas ku is menge Israilihanen puun te Ehipto.

Ezekiel 20:22

Piru wazè ku heini leusa te ebaal su egkepeel-elezan a ziyà te menge nasyun he zutun netuenan he impeǥawas ku is menge Israilihanen puun te Ehipto.

Ezekiel 20:44

He menge etew te Israel, egketuenan niw he iyan a Nengazen, emun ebpurungan ku sikiyu para te zengeg ku minsan mezaat wey meremerik is menge vaal niw. Iyan a, is Nengazen he MEGBEVAYÀ, is migkaǥi kayi.”

Ezekiel 20:9

Piru wazè ku heini himuwa, su midlevanan ku is dengeg ku su wey a kenà mependezeisey te menge etew ziyà te menge nasyun he nekeelingkus te Israel su netuenan dan he impahayag ku ziyà te menge Israilihanen he ibpeǥawas ku sikandan puun te Ehipto.

Ezekiel 36:21

Ingkeseeng ku is kebpendezeisaya te menge etew te Israel te waǥas he ngazan ku ziyà te minsan hendei he nasyun he egkeveyaan dan.

Josue 7:9

Emun egkezineg heini te menge Canaanhen wey zuma pa he meǥinged kayi ne edliǥuyan key zan, ne ebpenhimetayan key zan. Ne emun iyan haazà, hengkey is ebeelan nu para kenà mezeeti is dengeg nu?”

1 Samuel 12:22

Kenè kew ed-iniyuǥan te Nengazen, su kenè din egkesuatan he mepeel-elezi is ngazan din. Wey ingkelipey zin utew is kegkehimuwa zin keniyu he menge sakup din.