Isaias 48:6 - Manobo Western Bukidnon OT

⁶ Nezineg niw is menge tagnè ku wey neehè niw is kegketumana kayi, piru kenè niw edewaten he kediey he vaal haazà. Puun guntaan egkeǥiyan ku sikiyu te veǥu he egkengeulaula he wazè ku pa ikepezayag diyà te keniyu; ne wazè niw pa metueni.

Isaias 48:6 ပူးပေါင်းရင်းမြစ်များ

Salmo 107:43

Is menge uluwanen ereg he ebpurung ed-isip-isip mehitenged kayi; ereg he ed-isipen dan is dekelà he ǥaǥew te Nengazen.

Salmo 119:13

Edliklikuan ku te egkaǥi is menge suǥù nu he imbeǥey nu.

Isaias 21:10

Ne migkaǥi a te, “Sikiyu is menge emurè ku te inged he menge Israilihanen, he henduen be te trigu he migunas, edtudtulen ku keniyu is nezineg ku ziyà te Nengazen he Mekeǥeǥehem, he Megbevayà te Israel.”

Isaias 42:20

Mahabet en is neehè niw piru wazè niw seǥipaa. Ebpekezineg kew pezem piru kenè kew ebpemineg.”

Isaias 42:8

Iyan a Nengazen, iyan heeyan ngazan ku! Kinahanglan he kenà ibeǥey ziyà te minsan hentei is kediey he zengeg wey kenà idalig diyà te zuma he menge ed-ezapen is kedalig he para kediey.

Isaias 42:9

Is menge midtagnè ku ne nengetuman en, ne ǥuntaan ibpezayag ku is huziyan he egkengehitavù te kenè pa heini egkehitavù.”

Isaias 43:19

su beǥu en is menge ebeelan ku. Ne neveelan en heini, wazè niw ve maahà? Ebaal a te zalan wey menge teheb diyà te disirtu.

Isaias 48:7

Guntaan ku pa heini ebeeli; wazè niw pa heini mezineg dutun te nehuna he timpu su para kenè kew mekekaǥi te, ‘A, netuenan ku en heeyan!’

Jeremias 2:31

“Sikiyu is menge etew kayi he lapis te kevuwazan, pemineǥa niw is egkeǥiyen ku. Neiring e ve te disirtu ziyà te Israel etawa neiring a te utew merusirem he lugar? Maan is migkaǥi kew te, ‘Ebeelan dey en is minsan hengkey he egkesuatan dey te ebaal. Ne kenè key en ed-uvey ziyà te Megbevayà.’

Jeremias 33:3

“Umawa a kenikew su edtevangan ku sikew. Ne ibpezayag ku ziyà te kenikew is egkengein-inuwan wey in-eles he wazè nu pa metueni.

Jeremias 50:2

“Ipetueni nu ziyà te menge nasyun is tudtul! Ne ivayew is bendirà ne ipetueni te langun: ‘Egkezeetan is Babilonia! Egkerupet wey egkepeel-elezan is menge ed-ezapen kayi he si Bel wey si Marduk.’

Amos 3:6

Kenè be egkerkeren te kegkahandek is menge etew emun edaǥing is menge vudyung te kebpesayud he zuen menge kuntada he edsurung? Emun egkeumahan te kezeetan is inged kenè be ketau te Nengazen is kebpekeuma zutun?

Micas 6:9

Pemineǥa niw is migkaǥi te Nengazen diyà te inged he Jerusalem, su is edtahud kandin iyan duen din hustu he ketau: “Sikiyu is menge sakup te tribu te Juda, tiǥum kew ziyà te inged he Jerusalem ne pemineg kew.