Isaias 48:4 - Manobo Western Bukidnon OT

⁴ Netuenan ku ke sengemenu is kebmesinupaken niw. Is tengel niw igkepetug-iring te kezesen te putew ne is buked niw igkepetug-iring te kezesen te brunsi.

Isaias 48:4 ပူးပေါင်းရင်းမြစ်များ

2 Hadì 17:14

Piru kenà sikandan edtuman. Utew sikandan mesinupaken; iring sikandan te menge kepuun dan he wazà medsarig te Nengazen he Megbevayè dan.

2 Cronica 30:8

Kenè kew mebmesinupaken iring te menge kepuun niw, kekenà, pesakup kew te Nengazen. Hendiyè kew te Baley te Nengazen he midhimu zin he segradu te wazà pidtemanan. Ne silbiyi niw is Nengazen he Megbevayè niw, su wey maawà is dekelà he pauk din keniyu.

2 Cronica 36:13

Nekidsukulà daan sikandin ki Hadì Nebucadnezar, minsan pa te impepenangdù din sikandin pinaaǥi te ngazan te Megbevayà he kenà sikandin medluib kandin. Utew mesinupaken si Zedekia. Kenà sikandin edlikù diyà te Nengazen he Megbevayà te Israel.

Nehemias 9:28

“Piru emun ebmeupiyè en is kebpekesavuk dan ne ed-uman dan en maan ebaal te mezaat diyà te etuvangan nu. Ne ebey-anan nu sikandan diyà te ǥehem te menge kuntada zan su para meveyveyai sikandan. Ne emun ebuyù en maan sikandan te tavang diyà te kenikew, ne ebpemineǥen nu sikandan diyà te langit. Ne tenged te hizu nu kandan layun nu sikandan edlibriya.

Salmo 75:5

Migkeǥiyan ku sikandan he engkezi zan en is kebpezalig dan.”

Salmo 78:8

Ne kenà sikandan egkeiring te menge kepuun dan he menge supekiru, kenà menge metinumanen, kenà melig-en is kedsarig dan te Megbevayà, wey kenè dan mepezumdumahan kandin.

Exodus 32:9

Ne migkaǥi pa is Nengazen diyà te ki Moises te, “Utew mesinupaken heeyan he menge etew.

Exodus 33:3

Haazà he tanà, ne meupiya wey selebpeten egkeerubasa he ebpuunan te edtudà he ǥatas wey teneb. Piru kenà a mulà eduma keniyu su geina te utew kew mesinupaken ne kela ke kenà a meketigker ne egkezeetan kew kediey te kenè kew pa ebpekeuma.”

Exodus 33:5

Su geina te mibpekeǥiyan sikandan te Nengazen ki Moises te, “Utew kew mesinupaken he menge etew ne emun eduma a keniyu te minsan meǥaan dà ne egkezezeetan ku en sikiyu tenged te kenè ku kebpekaantus. Ne pemul-uta niw is menge elahas niw ne iyan e en metau ke hengkey is ebeelan ku ziyà te keniyu.”

Exodus 9:7

Ne zuen impesusi te hadì te Ehipto he menge etew ke zuen be nemematey te uyaǥen te menge Israilihanen. Piru minsan ke netuenan din en he tutuu heini, iyan, wazà mahalin is gehinawa zin, ne wazè din gihapun tuǥuti te kegenat is menge Israilihanen.

Erubasa 29:1

Is etew he kenà ebpezumazuma minsan layun en edewaya, ne iyan egkepengkusan din is egkerumpak sikandin diyà te kezeetan ne wazè en paaǥi wey meǥaud sikandin dutun.

Isaias 30:9

Su menge mesinupaken sikandan, menge teruen, wey kenà egkesuat he ebpemineg te menge penurù ku.

Isaias 46:12

Pemineg kew kediey, is utew menge mesinupaken. Kenè kew ebpekaangken te metazeng he kezeeǥan.

Jeremias 19:15

“Pemineg kew, su iyan heini migkaǥi te Nengazen he Mekeǥeǥehem, he Megbevayà te Israel: Ibpaaǥi ku kayi he inged wey ziyà te menge inged he nekeelingkus kayi is kezeetan he nekaǥi ku he idezaat kandan, geina te utew sikandan mesinupaken ne wazè dan mebpemineg te menge lalag ku.”

Jeremias 3:3

Tenged keniyan, wazà med-uzan diyà te keniyu minsan timpu pezem te tipenguzan, su iring kew te vahi he ebelegyà te zengeg din he kenà egketau he egkeeled.

Jeremias 5:3

Ne zutun migkaǥi a te, “He Nengazen, kenè be nengeehè ka te etew he egkeseriǥan? Mibpesekitan nu is menge etew nu, piru wazè dan heini seǥipaa. Midsilutan nu sikandan wey zan mepenurù, piru kenè dan egkesuat he ebpenuruen. Wazè dan en keelezan ne kenè en sikandan ed-engked te kebaal te mezaat.

Jeremias 7:26

Piru wazè niw sikandan pemineǥa wey tuuwi. Edhuna kew pa he menge mesinupaken wey edhuna pa he mezaat is menge vaal niw kenà te menge kepuun niw.

Ezekiel 2:4

Utew sikandan midtaman he mesinupaken. Iyan a, is Nengazen he MEGBEVAYÀ midsuǥù kenikew ziyà te kandan te kegkaǥi kandan te menge lalag ku he para kandan.

Daniel 5:20

Piru geina te mebpagalbu wey mibpelavew sikandin, impaawà sikandin te kegkahadì

Deuteronomio 10:16

Umbe, beǥuwa niw en is gehinawa niw ne engkezi niw en is kebmesinupaken niw.

Deuteronomio 31:27

Su netuenan ku ke sengemenu is kebpekidsukulè niw wey kebmesinupaken niw. Minsan guntaan te zume e pa keniyu, ebpekidsukulè kew en te Nengazen, ne lavew en ke ebpatey ad!