Isaias 48:18 - Manobo Western Bukidnon OT

¹⁸ Angin pezem ke midtuman niw is menge suǥù ku, su egkeiring pezem te wahig he edtudà diyà te keniyu is menge keupiyaanan, ne ebpekedtutundug dà pezem is menge kezeeǥan niw iring te menge vaǥel he ebpenhendiyà te veyvey.

Isaias 48:18 ပူးပေါင်းရင်းမြစ်များ

Salmo 119:165

Ebmeupiya utew is kebpekesavuk te menge etew he ebmahal te kesuǥuan nu. Ne wazà ebpekezezaat kandan.

Salmo 36:8

Nengeperahan sikandan te idsegkayà he keenen diyà te valey nu; ipeinum nu sikandan te metaam he wahig nu.

Isaias 33:21

Kayi he lugar ibpeehè te Nengazen kenitew he mekeǥeǥehem sikandin. Is Jerusalem, egkeiring te sevaha he lugar he meluag is menge zezekelà wey zezeisey he menge wahig duen he edtudà, ne kenà ebpekehimu he edlayun duen is untuzà te menge kuntada.

Isaias 42:24

Hentei is midtuǥut he ebpenekawan wey ed-eǥawan te menge azen is menge Israilihanen? Kenè be iyan is Nengazen he neselaan tew? Su wazè kiw medsunud te menge paaǥi zin wey wazè kiw medtuman te kesuǥuan din.

Isaias 45:8

Ebeǥey a te kezeeǥan duma is ketazeng, iring te kebeǥey te langit etawa kivel te uzan. Ne edewaten heini te menge etew kayi te kelibutan. Ebpekelepew is keluwasan wey is kezeeǥan duma is ketazeng iring te pinemula he edtuvù. Iyan a, is Nengazen midhimu kayi.

Isaias 54:13

Iyan a mismu ebpenurù te menge etew nu, ne utew sikandan ed-uswag.

Isaias 61:10

Utew ku igkelipey is Nengazen he Megbevayè ku, su iring te mibistiyan e zin te kelibriyanan wey kezeeǥan duma is ketazeng. Iring a te ebpengesawa he zuen din mekempet he tengkulu wey te ed-esewaan he midsun-ud te menge elahas.

Isaias 61:11

Is tanà ebpetuvù te venì ne is Nengazen he MEGBEVAYÀ ebeǥey te kezeeǥan duma is ketazeng, ne edeliǥen sikandin te menge etew ziyà te langun he menge nasyun.

Isaias 62:1

Tenged te pelanggè ku is Zion, kes inged he Jerusalem, kenà a ebpereremek taman te ebpekeuma is kezeeǥan din duma is ketazeng he iring te edsilà he andew, wey taman te egkaangken din is kelibriyanan din he iring te edsiǥa he sulù.

Isaias 66:12

Su migkaǥi is Nengazen te, “Ibpeuswag ku is Jerusalem; iring te edeleman te menge ketiǥeyunan, su ed-uwiten diyà te kandin is menge ketiǥeyunan te menge nasyun. Ed-etimanen kew te Jerusalem iring te vatà he edsepipiyen, ibpesusu, wey edsekepuwen te iney zin.

Hoseas 10:12

Migkeǥiyan ku sikiyu te, ‘Ipemelemineg niw is gehinawa niw iring te tanà he mid-eradu. Pemula kew te ketazeng ne ebpekeraǥun kew te kebmahal. Su timpu en heini te kedangep niw kayi te kedì taman te ebpekeuma a ne ibpeseǥazan ku keniyu is kelibriyanan he iring te uzan.’

Amos 5:24

Piru ipeehè niw is hustu he kukuman ne veeli niw is metazeng; kenè niw heini engkezi iring te wahig he kenà ed-engked he edtudà.

Deuteronomio 32:29

Ke metau zan pa pezem ne egkesavut dan ke hengkey is egketemanan dan diyà te menge egkehuziyan he timpu.

Deuteronomio 5:29

Ne zeyzey ke layun dan edtahud kedì wey edtumanen dan is menge suǥù ku su para mebmeupiya is kebpekesavuk dan wey te menge kevuwazan dan te taman te taman.