Isaias 42:4 - Manobo Western Bukidnon OT

⁴ Kenà sikandin egkeewaan te perateng wey kezasig taman te pinaaǥi kandin kenè en egkeengkezan te edtuman is hustu he kukuman kayi te kelibutan. Minsan is menge etew ziyà te meziyù he menge lugar ebperateng te menge penurù din.”

Isaias 42:4 ပူးပေါင်းရင်းမြစ်များ

Genesis 49:10

Pedayun ka he edumala, Juda. Ebpuun te kevuwazan nu is egkehimu he menge sineriǥan. Umbe ebeǥey is menge nasyun te vuhis diyà te kenikew wey ebpevayèbayè dan kenikew.

Salmo 22:27

Egketenuzan ka te langun he menge etew ziyà te minsan hendei kayi te tivuuk he kelibutan ne edlikù dan diyà te kenikew, Nengazen, ne ed-ezapen ke zan,

Isaias 40:22

Iyan midhimu kayi is Megbevayà he ebpimpinuu ziyà te pinuuwè din te kedhadì diyà te zivavew te kelibutan, ne is kandin he ked-ahaa te menge etew kayi te zizalem henduen dà te menge lemetik. Mibekar zin is langit iring te kurtina. Mibekar zin heini he iring te tulda su para meubpai.

Isaias 40:28

Wazè niw ve metueni wey mezineg he is Nengazen iyan kes wazà pidtemanan he Megbevayà he midlimbag te tivuuk he kelibutan? Kenè sikandin egkeveley wey edluyahan, ne wazà ebpeketegkad te isip din.

Isaias 41:5

“Is menge etew ziyà te meziyù he menge lugar, minsan is diyà te kinemeziyuan he vahin te kelibutan, nekaahà te menge vaal ku, ne migkerker sikandan te kegkahandek. Midtiǥum sikandan

Isaias 42:10

Kentahi niw is Nengazen te veǥu he kanta! Kanta kew te menge idalig kandin, minsan sikiyu is diyà te meziyù he vahin kayi te kelibutan. Deliǥa niw sikandin, sikiyu is ebpemen-untud te varku wey is langun he menge linimbag diyà te zaǥat, wey sikiyu is diyà ed-ubpà te meziyù he menge lugar.

Isaias 42:12

Beǥayi niw te zengeg wey deliǥa niw is Nengazen, sikiyu is diyà te meziyù he menge lugar.

Isaias 42:21

Egkesuatan te Nengazen he ikepaahà is ketazeng din, su wey meveǥayi te zengeg is kesuǥuan din.

Isaias 49:1

Pemineg kew kediey, sikiyu is diyà te meziyù he menge lugar. Hein wazà e pa ianak mid-umew e en te Nengazen te kedsilbi kandin.

Isaias 51:4

“Pemineg kew kediey! Sikiyu is menge etew ku, pemineǥa a keniyu, sikiyu is nesakup te nasyun ku! Ibeǥey ku is belaud ku, ne ebpekeveǥey heini te kerayag diyà te menge nasyun.

Isaias 51:5

Hapit ku en sikiyu ebeǥayi te kezeeǥan duma is ketazeng. Kenè en egkeuǥet ne edlibriyen ku en sikiyu. Edumelahan ku is menge nasyun. Is diyà te meziyù he menge lugar edtaǥad kediey wey ebperateng te gehem ku.

Isaias 55:5

Ed-umawen niw is menge etew ziyà te menge nasyun he kenè niw zuma, ne egaangaan sikandan edhendiyà te keniyu su iyan a is Nengazen he Megbevayè niw, he Waǥas he Megbevayà te Israel mibeǥey keniyu te zengeg.”

Isaias 66:19

Ibpeehè ku sikandan te singyal. Ne is egkesamà kandan, edhimuwen ku he menge menunudtulà, ne edsuǥuen ku sikandan diyà te menge nasyun diyà te Tarshish, Pul, Lud (he nevantug is menge etew zuen te kegkemememanè dan), Tubal, Grecia, wey ziyà te zuma pa he meziyù he menge lugar he is menge etew zuen he wazà mekezineg te ventuǥan ku wey wazà mekaahà te ǥehem ku. Edtudtulen dan is gehem ku ziyà te menge nasyun.

Isaias 9:7

Wazà pidtemanan is ked-uswag te kedumala zin, ne layun dà melinawen heini. Ebpengevilinen din is ginhedian ni David. Ibpemelig-en din heini ne edhedian din he zuen hustu he kukuman wey ketazeng he wazà pidtemanan. Edsigureduwen te Nengazen he Mekeǥeǥehem he metuman heini.

Daniel 9:24

“Midtelaan en te Megbevayà is 490 he tuig he para zuen te segradu he inged wey te menge zuma nu, su zutun he timpu egkeengked is kebpekidsukulè dan te Megbevayà, ne egkevelukasan sikandan te kegkeuripena kandan te salà, ne ebpeketezengen sikandan te Megbevayà te ketazeng he ebpedayun taman te taman, su para metuman sikan is nelewasan wey kes netagnà, wey para ikeuman ikepehinungud diyà te Megbevayà is baley zin.