Isaias 41:9 - Manobo Western Bukidnon OT

⁹ midtawag ku sikew wey migkuwa puun te utew meziyù he vahin te kelibutan, ne migkeǥiyan ku sikew te iyan ka suluǥuen ku. Mibpilì ku sikew ne wazè ku sikew iselikwey.

Isaias 41:9 ပူးပေါင်းရင်းမြစ်များ

Salmo 135:4

Deliǥa niw sikandin su mibpilì din is menge etew te Israel he menge kevuwazan ni Jacob, para mehimu he ispisyal he menge etew zin.

Salmo 94:14

Su kenè nu ed-engkezan, Nengazen, is menge etew he ǥaked nu.

Isaias 11:11

Dutun daan he timpu, ed-umanan egemita te Nengazen is gehem din te kebpeulì te nesamà he menge etew zin diyà te Asiria, Ehipto, Patros, Etiopia, Elam. Babilonia, Hamat, wey is diyà te menge pulu.

Isaias 14:1

Benar iyan, egkehizuwan te Nengazen is menge tig-Israel ne ed-umanan din sikandan ebpilia he menge etew zin. Ne ibpeuman din sikandan ibpeubpà diyà te keugelingen dan he tanà, ne zuen menge lumelengyawà he ed-ubpà duma kandan.

Isaias 41:2

Hentei is mid-umew zin is metazeng wey mezeeǥen puun te edsilaan para mekepenilbi kandin? Hentei is mibeǥey ziyà te kandin te meǥinged diyà te menge nasyun wey te menge hadì kayi? Ebpendezeetan din sikandan pinaaǥi te ispada zin wey panà; neiring sikandan te eliyavuk wey ukap he inlayap te keramag.

Isaias 41:8

“Piru sikew Israel, is suluǥuen ku wey pinilì, he iyan menge etew nu is menge kevuwazan ni Abraham te emiǥu ku,

Isaias 42:1

Migkaǥi is Nengazen te, “Heini zed is suluǥuen ku he edlig-enan ku. Mibpilì ku heini ne ingkelipey ku sikandin. Midumala ku sikandin te Mulin-ulin ku, ne edhimuwen din diyà te menge nasyun is paaǥi he wazà duen egkevintahaan.

Isaias 44:1

“Piru ǥuntaan, pemineg ka, Israel is suluǥuen ku, kes menge etew he mibpilì ku, he menge kevuwazan ni Jacob.

Isaias 45:4

Midtawag ku sikew su wey nu metevangi is Israel he suluǥuen ku, he iyan kes menge etew he pinilì ku. Mibeǥayan ku sikew te zengeg minsan wazè ka mekekilala kedì.

Malakias 1:2

Migkaǥi is Nengazen te, “Mahal ku sikiyu. Piru mid-insè kew pa te, ‘Mibmenumenu key kenikew te ebmahal?’ Tentenuzi niw he minsan te telesuled en si Esau wey si Jacob, mahal ku si Jacob

Deuteronomio 14:2

Su iyan kew menge etew he intapid puun te zuma he menge etew para te Nengazen he Megbevayè niw. Diyà te langun he menge etew kayi te kelibutan, iyan kew mibpilì te Nengazen he Megbevayè niw he para mehimu he ispisyal he menge etew zin.

1 Samuel 12:22

Kenè kew ed-iniyuǥan te Nengazen, su kenè din egkesuatan he mepeel-elezi is ngazan din. Wey ingkelipey zin utew is kegkehimuwa zin keniyu he menge sakup din.