Isaias 41:4 - Manobo Western Bukidnon OT

⁴ Hentei man is mibaal kayi te langun? Hentei man is mibayàbayà te langun he nehitavù puun pa te nehuna he lapis te kevuwazan? Kenè be iyan a, is Nengazen he zaan en puun pa te kebpuunà te kelibutan ne kemulu gihapun taman te kegketapus te kelibutan.

Isaias 41:4 ပူးပေါင်းရင်းမြစ်များ

Salmo 102:27

Piru sikew mulà, ne iyan ke zed gihapun; wazè nu ketepusan.

Salmo 102:28

Is menge kevuwazan te menge etew nu he menge suluǥuen nu, ne kenà sikandan egkengezeetan te vangkit ne ebentayan nu sikandan.”

Isaias 40:12

Hentei is ebpeketakes te zaǥat diyà te palad din wey ebpekesukud te langit pinaaǥi te kedrengawa kayi? Hentei is igkaahuk din diyà te tekesà is langun he tanà, etawa ebpekehimu he edtimbang te menge vuntud wey menge vuvungan?

Isaias 40:26

Lingehè kew ziyà te langit! Hentei man is midlimbag keniyan te menge vituen? Is midlimbag keniyan iyan is Megbevayà. Midtigseselimbaha zin is kebpelepawa zin kandan ne migngezanan din te menge ngazan dan. Ne tenged te ǥehem din ne wazà minsan sevaha kandan he naawà.

Isaias 41:20

para maahà, metueni, wey mesavut te menge etew he iyan a is Nengazen, Waǥas he Megbevayà te Israel, ne iyan a midlimbag kayi.”

Isaias 41:26

Hentei keniyu is mibpezayag he egkehitavù heini su para metueni zey ne ebpekekaǥi key he hustu is impezayag din? Wazè minsan sevaha keniyu he mibpezayag mehitenged kayi, ne wazà nekezineg te migkaǥi niw mehitenged kayi.

Isaias 41:3

Edel-asen din sikandan ne wazà ebpekevelavag kandin, minsan diyà te menge lugar he sikan din pa meveyai.

Isaias 42:24

Hentei is midtuǥut he ebpenekawan wey ed-eǥawan te menge azen is menge Israilihanen? Kenè be iyan is Nengazen he neselaan tew? Su wazè kiw medsunud te menge paaǥi zin wey wazè kiw medtuman te kesuǥuan din.

Isaias 43:10

Sikiyu is menge etew ziyà te Israel, iyan kew menge tistiǥus ku. Mibpilì ku sikiyu he menge suluǥuen ku wey a keniyu mekilala, ne edtuu kew kedì ne egkesavut niw he iyan e zà Megbevayà. Ne wazè en duma he Megbevayà he nehuna kedì etawa ebpeketinundug kedì.

Isaias 43:13

Puun pe zengan iyan e en Megbevayà. Wazà ebpekelingkawas puun te ǥehem ku. Wazà ebpekehimu he edhalin te menge vaal ku.”

Isaias 46:10

Puunè pa, impezayag ku en is diyà te egkehunaan. Puun pa zengan, midtagnè ku en ke hengkey is egkehitavù. Egketuman is menge pelanu ku; ebeelan ku is langun he egkesuatan ku te ebaal.

Isaias 48:12

“Pemineg kew, is menge tig-Israel he menge pinilì ku. Iyan a Megbevayà; iyan a kes nehuna wey egkepengkusan te langun.

Deuteronomio 32:39

Ahaa niw is puriba ǥuntaan he iyan e zà Megbevayà! Wazè en duma he Megbevayà gawas kedì. Iyan a edhimatey ne iyan a zaan ebeǥey te untung; iyan a ebpalì wey iyan a zaan ebawì te palì, ne wazà egkelibri emun edezeetan ku.