Isaias 40:7 - Manobo Western Bukidnon OT

⁷ Is sagbet egkeǥangu ne egketaktak is menge vulak din su egkeremaǥen heini te keramag he ibpekeramag te Nengazen. Tutuu he iring te sagbet is etew.

Isaias 40:7 ပူးပေါင်းရင်းမြစ်များ

Job 14:2

Iring key te vulak he ebekar ne kenà egkeuǥet ne egkeǥangu en, wey iring te alung he segugunà egkahanew.

Job 4:9

Egkengezeetan sikandan te sengehiyup dà te Megbevayà. Tenged te pauk din, egkepurung sikandan egkezeeti.

Job 41:21

Is gehinawa zin ebpekevaǥa te vurit, su hapuy is egawas diyà te vèbè din.

Salmo 102:4

Henduen ad te sagbet he neǥangu su migkires ad. Ne naawè en is gana ku te kegkaan

Salmo 103:15

Is untung tew te menge etew ne iring te sagbet. Ed-uswag kiw wey edekelà iring te ebpengevukad he vulak diyà te sibsivayan.

Salmo 103:16

Ne edhiyupen te keramag heini is kevukad, ne egketazin heini ne kenè en egkaahà.

Salmo 90:5

Edsevukan nu te ketepusan is untung dey iring heini te teǥeinep he meǥaan dà egkahanew.

Salmo 90:6

Wey iring te sagbet he edreteb wey edtuvù te meselem, ne emun mahapun en ne egkelay-ub ne egkeǥangu en.

Isaias 11:4

ebeǥayan din te metazeng he kukuman is menge pubri ne edlevanan din sikandan pinaaǥi te kebeǥey kandan te ketenged dan. Ne pinaaǥi te kebmandù din, edsilut sikandin kayi te kelibutan ne ebpematey is lalung he menge etew.

Isaias 37:27

Is menge meǥinged diyà te menge inged he mibpemengkag nu, naawè en is desen dan; nahandek sikandan wey nepeel-elezan. Neiring sikandan te menge sagbet diyà te pemuleey he meǥaan dà egkeǥangu dutun te kedtuvù dan etawa iring te menge sagbet he nenuvù diyà te atep he seǥuǥunè dà egkeǥangu zutun te kedtuvù dan.

Isaias 40:24

Neiring sikandan te pinemula he veǥu pa he midtuvù, he henduen te wazè pa mekependalid. Ne hein midhiyup te Nengazen ne neǥangu heini, ne neiring te ukap he inlayap te eribpures.

Isaias 51:12

Midtavak is Nengazen te, “Iyan a midasig wey midlipey keniyu. Ne maan is egkahandek kew te menge etew zà duen he ebpatey iring te sagbet?

Haggai 1:9

Migkaǥi pa is Nengazen he Mekeǥeǥehem te, “Dekelà is ebperetengen niw he sebpet piru zeisey zà is neraǥun niw. Ne zutun te ked-ulia niw kayi midezeetan ku heini. Mibeelan ku heini tenged te neregdas en is baley ku piru is kada sevaha keniyu mulà, ne egkevuhetanan te kedterebahu ziyà te kandin mismu he valey.