Isaias 40:5 - Manobo Western Bukidnon OT

⁵ Ne ibpezayag is mekeǥeǥehem he kebpekiduma te Nengazen, ne egkaahà heini te langun he menge etew. Su iyan mismu migkaǥi is Nengazen kayi.”

Isaias 40:5 ပူးပေါင်းရင်းမြစ်များ

1 Hadì 14:11

Is menge sakup te pemilya nu he ebpemematey ziyà te inged egkeenen te menge asu, ne is ebpemematey ziyà te vevesukà egkeenen te menge tagbis. Egkehitavù heini, su iyan a, is Nengazen, is migkaǥi kayi.”

Salmo 102:16

Su ed-umanan ebenguna te Nengazen is Zion; ne ibpeehè din is mekeǥeǥehem he kebpekiduma zin.

Salmo 102:17

Edtevaken din is ampù te menge mekehizuhizu; kenè din ebpekewezaan is ked-ampù dan.

Salmo 72:19

Ereg he edeliǥen is kegkemekeǥeǥehem din te wazà pidtemanan. Berakat he maahà te menge etew kayi te tivuuk he kelibutan is kegkemekeǥeǥehem din. Amen! Amen!

Salmo 96:6

Diyà te kandin is kegkemekeǥeǥehem wey kegkelavew, ne ziyà te valey zin is desen wey kekempet.

Salmo 97:6

Impahayag te langit he metazeng sikandin, ne naahà te langun he menge etew is kegkemekeǥeǥehem din.

Exodus 16:7

ne zutun te meselem egkeehè niw is mekeǥeǥehem he kebpekiduma te Nengazen. Su nezineg din en is menge riklamu niw. Hentei key is edriklemuwan niw? Is tutuu, is Nengazen, iyan edriklemuwan niw.”

Isaias 1:20

Piru emun edsupak kew wey ebpekidsukulè kew, ne siguradu ebpemematey kew. Egkehitavù heini, su iyan a, is Nengazen, is migkaǥi kayi.”

Isaias 11:9

Wazè en ebpesipala etawa ebpendezaat te segradu he vuvungan ku. Su is menge linimbag kayi te kelibutan egkepurung egketeǥui te keuluwanen mehitenged te Nengazen, iring te kegkepenua te zaǥat te wahig.

Isaias 26:15

Nengazen, impeiseg nu is kezekelà te nasyun dey; impemeluag nu heini pinaaǥi te kebpeiseǥa nu te menge zulunà kayi, ne nekeveǥey heini kenami te zengeg,

Isaias 34:16

Ahaa niw is libru te Nengazen ne vesaha niw. Wazà minsan hengkey he migkaǥi ku he kenà egketuman. Wazà minsan sevaha he egkaawà kayi he menge langgam, ne wazà sevaha kandan he wazè din paris. Su iyan heini kebayà te Nengazen, ne iyan mismu sikandin edtiǥum kayi he menge langgam.

Isaias 35:2

Iring heini te etew su egkanta zaan wey ed-ugyab te kegkelipey, ne ebpemekar is mahabet he menge vulak kayi. Ne egkehimu heini he mekempet iring te Buntud he Lebanon. Ne uuzaran heini iring te pemuleey iring te Carmel wey Sharon. Ne egkaahà dutun is gehem wey utew kegkelavew te Nengazen he Megbevayè tew.

Isaias 40:4

Is kada lis-evu, edtembakan te tanà, ne is kada vuntud etawa buvungan, ne ebpenhayen, ragkes is menge lugar he ebpemukbuketur.

Isaias 41:20

para maahà, metueni, wey mesavut te menge etew he iyan a is Nengazen, Waǥas he Megbevayà te Israel, ne iyan a midlimbag kayi.”

Isaias 49:6

Migkaǥi sikandin te, “Sikew is suluǥuen ku, zuen pa zekelà he vuluhaten ku he ebpeveelan ku kenikew, gawas te kebpelikùa nu te menge Israilihanen he ebpengelangan ku. Edhimuwen ku pa sikew he iring te sulù he ebpeketayew te menge nasyun, su para zuen kelibriyanan kayi te tivuuk he kelibutan he egkaangken te menge etew.”

Isaias 52:10

Ibpaahà te Nengazen is nekeviza he ǥehem din diyà te langun he menge nasyun, ne egkaahà kayi te tivuuk he kelibutan is kedlibriya kenitew te Megbevayè tew.

Isaias 58:14

ebmelipayen kew te kebpenilbi niw kedì. Ebeǥayan ku sikiyu te zengeg kayi te tivuuk he kelibutan, ne ebpezaharan ku sikiyu te menge abut te tanè he nepengevilin niw ziyà te kepuun niw he si Jacob. Egkehitavù heini, su iyan a, is Nengazen, is migkaǥi kayi.”

Isaias 6:3

Ne ebpekegkeǥiyà sikandan te: “Waǥas, waǥas, waǥas is Nengazen he Mekeǥeǥehem he is kebpekiduma zin nekeeneb te tivuuk he kelibutan.”

Isaias 60:1

Enew ka, Jerusalem, ne silè ka iring te andew su neume en is kegkelibri nu, ne midsilè en diyà te kenikew is mekeǥeǥehem he kebpekiduma te Nengazen.

Isaias 66:16

Su edsilutan din pinaaǥi te hapuy wey ispada zin, is langun he mekesesalà he menge etew, ne mahabet is egkepatey zin.

Isaias 66:18

Netuenan ku is menge ulaula zan wey isip dan. Umbe edhendiyan a ne edtiǥumen ku is menge etew ziyà te langun he menge nasyun, ne egkeehè dan is gehem ku.

Isaias 66:23

Ne kada kebpuun te hayag wey kada Andew te Kedhimeley ne ed-azap kedì is langun he menge etew. Iyan a, is Nengazen, is egkaǥi kayi.

Jeremias 32:27

“Siak is Nengazen he Megbevayà te langun he menge etew. Duen be kenè ku egkehimu?

Jeremias 9:12

Mid-insaan ku is Nengazen, “Hentei is uluwanen he etew he ebpekesavut kayi he menge hitavù? Hentei is midseysayan nu mehitenged kayi he iyan ebpekepesavut kayi? Ke maan is nezeetan heini he tanà he henduen be te nehimu he sibsivayan he wazè en duen ebayà?”

Joel 2:28

“Diyà te huziyan he timpu ibeǥey ku is Mulin-ulin ku ziyà te langun he kelasi te etew. Is menge anak niw he maama wey vahi ebpenudtulen dan is menge lalag ku. Is meǥurang keniyu he menge maama ibpeteǥeinep ku. Is menguhed keniyu he menge maama duen menge ibpelewasan ku kandan.

Micas 4:4

Is kada etew ebpinuu ziyà te sihung te pinemula zin he paras wey kayu he higus he wazè din igkahandek. Egkehitavù iyan heini su iyan mismu is Nengazen he Mekeǥeǥehem migkaǥi kayi.

Habakuk 2:14

Su is menge etew kayi te kelibutan, egkepenù te keuluwanen vahin te gehem te Nengazen, iring te zaǥat he nepenù te wahig.

Zacarias 2:13

Ebmelinawen is langun he menge etew ziyà te etuvangan te Nengazen, su ebpekeuma sikandin puun te segradu he ubpeey zin.