Isaias 40:4 - Manobo Western Bukidnon OT

⁴ Is kada lis-evu, edtembakan te tanà, ne is kada vuntud etawa buvungan, ne ebpenhayen, ragkes is menge lugar he ebpemukbuketur.

Isaias 40:4 ပူးပေါင်းရင်းမြစ်များ

Erubasa 2:15

Mezaat is ulaula zan; ne midsuwey zan puun te hustu he zalan.

Isaias 40:3

Duen menunudtulà he ebpemensag diyà te sibsivayan. Ke sikandin te, “Endama niw is beyeey ziyà te sibsivayan he zutun ed-ikul is Nengazen. Tendanga niw is dalan he ed-ikulen te Megbevayè tew.

Isaias 40:5

Ne ibpezayag is mekeǥeǥehem he kebpekiduma te Nengazen, ne egkaahà heini te langun he menge etew. Su iyan mismu migkaǥi is Nengazen kayi.”

Isaias 42:11

Deliǥa niw sikandin, sikiyu is diyà te menge inged he ziyà te sibsivayan wey sikiyu is menge meǥinged diyà te Kedar. Kanta kew tenged te kegkelipey, is menge etew ziyà te Sela. Ugyab kew ziyà te puntur te menge vuntud.

Isaias 45:2

Ebpetelihuna a su ed-endamen ku is beyeey nu, ne ebpetaǥen ku is menge vuvungan. Ebengkaǥen ku is menge pultahan he brunsi wey is putew he menge trangka kayi.

Isaias 49:11

Ebeelan ku he zalan is menge vuvungan ku su para veyeey zan. Ne is metikang he menge lugar egkehimu he meluag he menge zalan.

Isaias 62:10

Sikiyu is menge etew ziyà te Jerusalem, gawas kew ziyà te menge pultahan keniyan te inged niw, ne endama niw is egkeveyaan te zuma pa he menge zuma niw. Hiǥewani niw heini; iawè niw is menge vatu, ne ipekayabkayab niw is bendirà he iyan ebpetuus te menge etew ziyà te menge nasyun he ibpelikù en te Nengazen is menge etew zin.

Ezekiel 17:24

Ne egketuenan te langun he menge kayu kayi te tanà he iyan a is Nengazen edtamped te metawis he menge kayu wey ebpeketawis te mevavà he menge kayu. Iyan a zaan egangu te merapung he menge kayu wey ed-uman ebpetuvù te neǥangu he menge kayu. Iyan a, is Nengazen, midsaad kayi ne edtumanen ku heini.”

Ezekiel 21:26

Siak, is Nengazen he MEGBEVAYÀ migkaǥi a te: Puwasa nu is tengkulu nu wey kuruna nu, su egkahalin en is egkeulaula. Is deisey is pid-etawan din iyan en egkehimu he gemhanan, ne is gemhanan iyan en egkehimu he zeisey is pid-etawan din.

Zacarias 4:7

Minsan iring pa kezekelà te vuntud is menge velavag he ed-etuvangen nu, ne egkepanhey heeyan. Egkepasad iyan is baley ku, ne zutun te kebpelestara te ketepusan he vatu he egkeǥamit kayi, igkulahì te menge etew is lalag te, ‘Nengazen, penubtuvazi nu heini!’ ”

1 Samuel 2:8

Ed-enawen din is menge pubri zutun te utew zan kegkeayuayu. Ibpepinuu zin sikandan duma te menge metikang is pid-etawan dan ne edhimuwen din he telehuzen. Iyan sikandin teǥiǥaked te pundasyun ne zutun din isavuk is kelibutan.