Isaias 4:4 - Manobo Western Bukidnon OT

⁴ Pinaaǥi te ǥehem din edhukuman din wey edlumpiyuwan din is kelelalung te menge vahi ziyà te Jerusalem wey is kebpemenhimatey zutun.

Isaias 4:4 ပူးပေါင်းရင်းမြစ်များ

Salmo 51:2

Lùlui nu is kegkezaat ku; lumpiyuwi a te menge salè ku.

Solomon 3:11

Gawas kew en is menge vahi te Jerusalem, ne ahàa niw si Hadì Solomon is midseluub te kuruna. Ingkuruna heini kandin te iney zin dutun te andew he utew sikandin melipayen, he iyan kes andew te eseweey zin.

Isaias 1:15

“Emun ebpengemuyù kew ne kenè ku sikiyu ebpemineǥen. Kenà a ebpemineg minsan kepipira kew pa med-ampù, su mahabet en is mibpenhimetayan niw he menge etew.

Isaias 1:25

Edsilutan ku sikiyu su wey kew melumpiyuwi iring te pelata he edlunsayen pinaaǥi te hapuy.

Isaias 1:31

Is menge gehemanen diyà te keniyu egkeiring te kayu he neǥangu he melemu zà egkevinsuli, ne is mezaat he menge vaal zan egkeiring te regreg he iyan ebpekevinsul kandan, ne wazà ebpekeevuk keniyan he hapuy.

Isaias 27:9

Wey zà sikandan egkepesaylu emun edrupeten dan is menge vatu he pemuhatè dan, ne ebekbeken dan heini, wey id-awè dan is menge tukud he simbulu te ed-ezapen he si Ashera, wey is menge pemuhatà he edtutungan dan te veyewà.

Isaias 28:6

Ebeǥayan din is menge zatù te tinguhà te layun kebeǥey te hustu he kukuman. Wey ebeǥayan din te kevurut is menge sundaru he ebantey su wey kenà ebpekeseled is menge edsurung diyà te inged.

Isaias 9:19

Tenged te pauk te Nengazen he Mekeǥeǥehem, egkevinsulan is tanè dan, ne egkehimu sikandan he tavun he ed-epuren te hapuy. Kenè dan egkehizuwan minsan is iring dan he menge Israilihanen.

Isaias 9:5

Egkelipey zaan sikandan su egkeengked en is kebpetebtebekà. Ebinsulan is menge yunipurmi te menge sundaru he nengelupit te lengesa, ragkes en is menge butas dan.

Jeremias 9:6

Pudu kedlimbung is menge vaal zan, ne wazè dan en megkilala kediey.

Penhulùhulù 1:9

Is keremerik din naahà te langun. Wazè din isipa zengan is egkehitavù kandin. Utew sikandin nezeeti, ne wazà midtavang kandin. Umbe migkaǥi sikandin te, “He Nengazen, seǥipaa nu is kegkerasey ku, su nezaag a te kuntada.”

Ezekiel 22:15

Ibpeyapat ku sikiyu ziyà te nekedseselekawà he menge nasyun, ne ibpeengked ku sikiyu te kebaal te nekeremerik keniyu.

Ezekiel 36:25

Ed-itisan ku sikiyu te lumpiyu he wahig para maawà diyà te keniyu is langun he meremerik, ne kenè kew en ed-uman ed-azap te zuma he menge ed-ezapen.

Ezekiel 36:29

Edlumpiyuwan ku sikiyu te langun he keremerik niw. Ebeǥayan ku sikiyu te zekelà he trigu ne kenè kew en ebitilen.

Joel 3:21

Ibpenimales ku is kebpenhimetayi te menge etew ku; edsilutan ku is mibaal kayi ziyà te kandan. Iyan a, is Nengazen, ed-ubpà diyà te Zion.”

Zefanias 3:1

Migkaǥi si Zefanias te, “Mekehizuhizu is Jerusalem! Is menge meǥinged kayi nekidsukulà te Megbevayà wey mibaal te mezaat he menge vaal, ne is menge pengulu kayi midlisedlised dan is menge etew.

Zacarias 13:1

Migkaǥi pa is Nengazen he Mekeǥeǥehem te, “Dutun he andew ibpetudà is serebseb para te kevuwazan ni David wey te menge meǥinged diyà te Jerusalem, su edlumpiyuwan sikandan tenged te menge salè dan wey kegkeremeriki kandan. Id-awè ku is menge ed-ezapen diyà te tanà he Israel ne kenè en heini egketenuzan. Ibpaawè ku puun te Israel is menge etew he uvag kun ebpeneuven, wey is mezaat he menge mulin-ulin he edumala kandan.

Zacarias 13:9

Is egkesamà he iketelu he vahin, ne edlumpiyuwan ku he iring te pelata he edhimuwen he lunsey pinaaǥi te hapuy. Ne egezaman ku sikandan iring te kegezam te kegkelunsey te vulawan he pinaaǥi te hapuy. Ed-ampù dan kayi te kedì ne ebpemineǥen ku sikandan. Egkaǥi a te, ‘Menge etew ku sikandan,’ ne egkaǥi zaan sikandan te, ‘Is Nengazen iyan Megbevayè dey.’ ”

Malakias 4:1

Migkaǥi is Nengazen he Mekeǥeǥehem, “Siguradu iyan he egkehitavù is kegkeuma te andew te Nengazen he Mekeǥeǥehem. Ne iring is kegkehitevùa kayi te rapug he egkiràkirà. Is langun he mepelevawen wey menge lalung, ne egkeiring sikandan te ebinsulan he kayu he wazà egkesamà he subpang wey zalid.