Isaias 4:3 - Manobo Western Bukidnon OT

³ Egngezanan he menge segradu is menge etew he egkesamà diyà te Zion, he iyan is inged he Jerusalem.

Isaias 4:3 ပူးပေါင်းရင်းမြစ်များ

Salmo 69:28

Penasa nu is menge ngazan dan diyà te libru he edlistahan nu te menge uuyag, ne kenè nu sikandan ilista zuma te menge metazeng.

Salmo 87:6

Idlista te Nengazen is menge etew zin, ne idragkes din is menge etew he ziyà ebpemuun te zuma he menge nasyun he mid-isip din he hustu en he tig-Zion.

Isaias 1:27

Pinaaǥi te metazeng he kukuman te Megbevayà, edlibriyen din is Jerusalem wey is menge meǥinged kayi he ed-iniyug te mezaat.

Isaias 28:5

Dutun he timpu, is Nengazen he Mekeǥeǥehem, egkehimu he iring te mekempet he kuruna he vulak te nesamà he menge etew zin.

Isaias 35:8

Ebeelan dutun te disirtu is meluag he kersada, ne egngezanan heini te “Segradu he Zalan.” Wazà mekesesalà wey tulebung he ebpekeikul zutun. Su para zà haazà te menge etew he edsunud te menge paaǥi te Megbevayà.

Isaias 46:3

Pemineg kew kediey is menge kevuwazan ni Jacob, wey sikiyu is langun he nesamà he menge etew te Israel. Mid-atur ku sikiyu puun pa te kegkeetew niw.

Isaias 52:1

He Zion, enew ke en, wey mebpekelig-en! Sikew is segradu he inged he Jerusalem, ipeehè nu is kegkemekeǥeǥehem nu! Su is menge kuntada nu he kenà menge Israilihanen he ed-isipen he meremerik, kenè en ebpekeseled diyà te kenikew.

Isaias 6:13

Minsan mesamè pa is ikesepulù he vahin te menge Israilihanen diyà te tanà te Israel, edezeetan ǥihapun sikandan. Piru zuen mibpilì ku ziyà te kandan ne iyan sikandan egkesamà. Egkeiring sikandan te tued te kayu he ulayan he mibpiley.”

Isaias 60:21

Is langun he menge etew nu egkehimu he metazeng, ne egkaangken dan is tanà he Israel taman te taman. Midlimbag ku sikandan; iring sikandan te pinemula he impemula ku su wey a meveǥayi te zengeg.

Isaias 62:12

Egngezanan sikandan te ‘Segradu he menge Etew’ wey ‘Menge Linuwas te Nengazen,’ ne is Jerusalem egngezanan he ‘Ebpengenduyen he Inged’ wey ‘Inged he Wazè en Iselikwey.’ ”

Ezekiel 13:9

Edsilutan ku sikandan is menge ebpeneuven he kenà tutuu is nengelewasan dan wey tarù is menge tagnè dan. Kenà sikandan egkilelaan he zuma te menge etew ku, ne is menge ngazan dan kenà idsurat diyà te listahan te menge etew ziyà te Israel, ne kenà sikandan ebpekeseled diyà te tanà te Israel. Ne human niw egketuenan he iyan a Nengazen he MEGBEVAYÀ.

Ezekiel 43:12

Iyan heini edhuna he menge kesuǥuan dutun te valey te Nengazen: Kinahanglan he segradu is langun he lugar ziyà te zivavew te vuvungan he ebpekeliǥuy te nehitindeǥan te valey te Nengazen.

Joel 3:17

Menge tig-Juda, egketuenan niw he iyan a, is Nengazen he Megbevayè niw, mid-ubpà a ziyà te Zion he segradu he vuvungan ku. Ne egkeuman en maan egkehimu he segradu is Jerusalem; kenè ne heini ed-umanan edsurunga te menge etew ziyà te zuma he menge nasyun.

Obadias 1:17

“Piru zuen egkesamà he menge Israilihanen diyà te Buvungan te Zion, ne egkeuman heini egkehimu he segradu he lugar. Ne egkeuman egkaangken te kevuwazan ni Jacob is menge tanà he kandan dengan.

Zacarias 14:2

Su edtiǥumen te Nengazen is menge etew ziyà te langun he menge nasyun su wey zan mekepekidtebek diyà te Jerusalem. Ed-eǥawen dan heini he inged, egkuwaan dan is menge azen diyà te menge valey, ne edleyuǥen dan is menge vahi. Ed-uwiten dan diyà te zuma he lugar is ketengà te menge meǥinged keniyan he inged. Piru is duma, egkesamà keniyan te inged.

Malakias 3:16

Duen menge etew zutun he zuen dan kegkehandek te Nengazen. Hein nezineg dan heini is menge lalag, mibpelelelaǥè dan ne nemineg kandan is Nengazen, ne nezineg din sikandan. Ne ziyà te etuvangan din duen belesahan he midsuratan te mehitenged duen te zuen dan kegkehandek wey kedtahud te Nengazen.