Isaias 38:7 - Manobo Western Bukidnon OT

⁷ Iyan heini tuus he ibeǥey ku he kemetuuzan he edtumanen ku heini is insaad ku:

Isaias 38:7 ပူးပေါင်းရင်းမြစ်များ

Genesis 9:13

Idsavuk ku en is belugtu ziyà te menge ǥapun he iyan tuus te kebpekid-uyun ku keniyu.

1 Hadì 13:3

Dutun he andew, mibeǥey haazà is suluǥuen te Megbevayà te tuus he egketuman heini is migkaǥi te Nengazen. Ke sikandin te, “Egketempag heini he pemuhatà ne egkeulaan is avu kayi he pemuhatà.”

2 Cronica 32:31

Piru mibey-anan sikandin te Megbevayà hein nekeuma is menge upisyal he ebpemuun te Babilonia he nenginginsà mehitenged te egkein-inuwan he nehitavù diyà te Juda. Mibeelan heini te Megbevayà su wey metueni ke hengkey is diyà te gehinawa ni Hezekia.

Isaias 37:30

Ne migkeǥiyan ni Isaias si Hezekia te: Iyan heini tuus he edipinsahan te Nengazen is Jerusalem te kedezaat te menge tig-Asiria: Guntaan he tuig is egkekaan niw, iyan is menge veǥas te pinemula he nenuvù dà, ne ed-ilis he tuig iyan is beǥas te menge pinemula he nenuvù diyà te midtuvuan duen te nehuna. Piru te iketelu he tuig, ebpekepemula kew en te trigu ne ebpekeraǥun kew en. Ebpekepemula kew en daan te paras ne ebpekekaan kew te veǥas kayi.

Isaias 38:22

Ne mid-insà si Hezekia te, “Hengkey is tuus he tutuu he egkeulian a ne ebpekehendiyà a te valey te Nengazen?”