Isaias 38:16 - Manobo Western Bukidnon OT

¹⁶ Pinaaǥi kayi Nengazen, ebmelig-en is untung te etew, ne siak mismu, mibmelig-en a. Neulian a te kebewii nu kedì ne intuǥut nu he meuyag a.

Isaias 38:16 ပူးပေါင်းရင်းမြစ်များ

Salmo 119:25

Henduen be te ebpatey ad, umbe pekeluǥeyaza nu pa is untung ku sumalà te insaad nu.

Salmo 119:71

Meupiya is kedsilut nu, su pinaaǥi kayi nepenurù a te menge penurù nu.

Salmo 119:75

Netuenan ku, Nengazen, he metazeng is menge suǥù nu. Ne ǥeina te metinumanen ka te egkeǥiyen nu, umbe mibmansu a kenikew.

Salmo 30:3

Midlibri a kenikew te kemetayen. Wazà nu ituǥut he mepatey a.

Salmo 39:13

Kena ad kenikew kepeuki, su para mebmelipayen a te kenè e pa ebpatey.

Salmo 71:20

Minsan ibpesaǥad a kenikew te mahabet he menge elentusen, ne ebeǥayan a ǥihapun kenikew te veǥu he untung; egkeiring a te minatey he ebenhawen nu zed.

Isaias 64:5

Edewaten nu is menge etew he igkelipey zan is kebaal te metazeng, wey ed-ikul te menge paaǥi nu. Piru nepeukan key kenikew su mibpedayun key te kedsupak te menge paaǥi nu. Egkehimu ve ke egkelibri key?

Deuteronomio 8:3

Midhimu zin he kenè kew mekepelavew pinaaǥi te kebpesaǥad keniyu te kegkevitil, ne zutun mibeǥayan kew zin te ‘manna’–kelasi te keenen he sikiyu wey is menge kepuun niw wazè pa mekeǥezam kayi puun pa te nehuna he timpu. Midhimu heini te Nengazen su impenurù din keniyu he kenà iyan dà igkeuyag te etew is keenen, kekenà, elin is kada lalag he egkeǥiyen te Nengazen.