Isaias 38:14 - Manobo Western Bukidnon OT

¹⁴ Mibpetavang a he is laǥeng ku henduen be te kegkaǥi te tagbis he sayaw etawa dugwak. Midag-es a he is laǥeng ku henduen be te kegkaǥi te merepatik. Neveley is menge mata ku te kedlingehè ku ziyà te langit. Ke siak te Nengazen, tevangi a kayi he kelised.

Isaias 38:14 ပူးပေါင်းရင်းမြစ်များ

Job 17:3

He Megbevayà, tevangi a wey a melibri. Wazè en duma he ebpeketavang kedì, kekenà, iyan ke zà.

Job 30:29

Is laǥeng ku henduen be te taul te leew he asu wey kegkaǥi te ekang.

Salmo 119:82

Mibmerusirem en is ked-ehè ku te kedtulung ku kedtaǥad te pesarig nu. Nekeinsà a te, “Keenu e pa vuwa kenikew edlig-eni wey edlipaya?”

Salmo 143:7

Segugunà a tevaka, Nengazen. Naawè en is perateng ku. Kenà a kenikew elesi su kela ke ibpatey ku.

Salmo 55:2

Pemineǥa a ne tevaka a. Egkeliveg ad te kegkesemuki ku.

Salmo 69:3

Neveley ad te kebuyù te tavang ne mesakit en is bekereng ku. Mibmerusirem en is ked-ehè ku te kedtaǥad te tavang nu, Megbevayè ku.

Isaias 59:11

Tenged te kegkeseeng tew nekezag-es kiw he henduen kiw te edhiniǥer he bir wey egkaǥi he merepatik. Ebperateng kiw he edsilutan te Megbevayà is menge kuntada tew ne edlibriyen kiw zin, piru wazà heini mehitavù.

Penhulùhulù 4:17

Ebmerusirem en is ked-ehè dey te kedtaǥad te tavang te kezapig dey he menge nasyun, piru wazà sikandan medtavang kenami. Ebantey key ziyà te menge turi zey te kebpekeuma te ebpuun diyà te nasyun he kenà daan ebpekelibri kenami.

Ezekiel 7:16

Ne emun duen ebpekelingkawas te kemetayen he ebpekepelaǥuy ziyà te menge vuvungan, ebpekezag-es iring te merepatik, tenged te menge salè dan.

Nahum 2:7

Ingkepahayag en he ebihaǥen kew ne edumahan diyà te zuma he lugar. Henduen be te egkuter he merepatik is sineǥawan te suluǥuen niw he menge vahi zutun te edtebpien dan is kumeng dan tenged te kedlalew zan.

Nahum 2:8

Is menge etew he ebpemelaǥuy puun te Nineve ne henduen be te edtudà he wahig he ebpuun diyà te nevusuwangan he peneng. Is menge ebpemelaǥuy ibpelikù te menge zuma zan piru wazè en egkeluvus he edliku.