Isaias 37:3 - Manobo Western Bukidnon OT

³ Ne hein nekeuma zan diyà te ki Isaias, migkaǥi sikandan diyà te kandin te, “Iyan heini egkeǥiyen ni Hezekia: ‘Menge andew heini te zekelà he samuk! Edsilutan kiw wey ebpeel-elezan. Iring kiw te vahi he ed-anak he wazè din en desen te ked-ineǥed para ilusad is anak din.’

Isaias 37:3 ပူးပေါင်းရင်းမြစ်များ

2 Hadì 19:3

Ne hein nekeuma zan diyà te ki Isaias, migkaǥi sikandan diyà te kandin te, “Iyan heini egkeǥiyen ni Hezekia: ‘Menge andew heini te zekelà he samuk! Edsilutan kiw wey ebpeel-elezan. Iring kiw te vahi he ed-anak he wazè din en desen te ked-ineǥed para ilusad is anak din.

2 Cronica 15:4

Piru hein edlised dan en, ne midangep dan diyà te Nengazen he Megbevayà te Israel, ne midtevangan din sikandan.

Salmo 50:15

Umawa a keniyu te timpu te kelised su edlibriyen ku sikiyu, ne zutun edeliǥen a keniyu.”

Salmo 91:15

Emun ed-umawen e zin, ne edtevaken ku sikandin; emun edlised sikandin, ne eduma a kandin; edlibriyen ku sikandin wey ebeǥayan ku te zengeg.

Salmo 95:8

ne kenè niw pekezesena is gehinawa niw iring te mibeelan te menge kepuun niw zengan hein diyà sikandan te Meriba, wey hein diyà sikandan te sibsivayan he Masa.

Isaias 22:5

Su iyan en heini timpu he midtelaan te Nengazen he MEGBEVAYÀ he Mekeǥeǥehem he timpu te kegkegurigew, kebpemelaǥuy, wey kegkengeliveǥi te menge etew ziyà te suǥud-suǥud he zutun duen egkengelewasan. Egkengetempag is menge verengbeng kayi, ne is kulehian te menge etew ebpekeuma is kegkezineǥa zuen diyà te menge vuvungan.

Isaias 25:8

Id-awà te Nengazen he MEGBEVAYÀ is gehem te kemetayen ne ebpunasen din is luhà te langun he menge etew. Id-awè din is keelezan te menge etew zin puun te tivuuk he kelibutan. Egkehitavù heini su iyan migkaǥi kayi is Nengazen

Isaias 26:16

Nengazen, mibmansu nu is menge etew nu, ne tenged te kedlised dan midangep dan wey mibpengumew-umew kenikew.

Isaias 29:2

piru edsurungen ku heini, ne ebpemekesineǥew wey ebpemenhulùhulù haazà is menge meǥinged. Ne edhimuwen ku haazà is tivuuk he inged he iring te pemuhatà he egkepenù te lengesa.

Isaias 33:2

Nengazen, kehizuwi key. Midsarig key kenikew. Lig-eni key kada andew, wey libriya key zutun te timpu te kelised.

Isaias 66:7

Egkaǥi pa is Nengazen te, “Is Jerusalem, iring te vahi he ed-anak he wazè pa ganì belilita ne midlusazan en.

Isaias 66:9

Kediey he suat he hapit en sikandan ianak. Ne ǥuntaan ed-eǥenen ku ve is ked-enaka kandan. Uya edtuǥutan ku sikandan! Kenè ku ed-eǥenen is ked-enaka kandan. Iyan a, is Megbevayè niw, is migkaǥi kayi.”

Jeremias 30:7

Utew subra is mekahandekhandek emun egkeume en heeyan he timpu! Wazè en ebpekeiring keniyan he timpu. Timpu heeyan te kelised te menge kevuwazan ni Jacob, piru ziyà te huziyan he timpu egkelibri sikandan keniyan he kebpekesavuk.

Hoseas 13:13

“Duen niw en penahun he ebeǥuwen niw is kebpengungubpaan niw. Piru tenged te wazè niw kedsavut, wazè niw heini beliya. Iring kew te vatà he kenà egkesuat he egawas diyà te getek dutun te idlusad en pezem sikandin.

Hoseas 5:15

Ne kegkepasad dutun edlikù a ziyà te lugar ku, taman te ed-engkenen dan is menge salè dan. Ne edangep dan kayi te kedì tenged te kegkerasey zan.”

Hoseas 5:9

Egkezeetan is Israel zutun te andew te kedsilut. Egkehitavù iyan is migkaǥi ku he ebpekesuǥat te menge tribu te Israel!