Isaias 32:7 - Manobo Western Bukidnon OT

⁷ Mezaat is menge paaǥi te limbungan he etew. Ed-isip sikandin he edezeetan din is menge pubri pinaaǥi te kedtarùtarù, minsan dutun te timpu he ebuyù te hustu he kukuman is menge pubri.

Isaias 32:7 ပူးပေါင်းရင်းမြစ်များ

Salmo 119:95

Is menge lalung ed-ayan te kedhimatey kedì, piru egngunngunuen ku is menge penurù nu.

Isaias 1:23

Is menge pengulu nu ne mibpekidsukulà wey miduma te menge tekawen. Egkesuat dan he layun edsipsip, wey ebuyù sikandan te menge gasa. Wazè dan levani is ketenged dutun te menge ilu wey wazè dan pemineǥa is riklamu te valu he menge vahi.

Isaias 11:4

ebeǥayan din te metazeng he kukuman is menge pubri ne edlevanan din sikandan pinaaǥi te kebeǥey kandan te ketenged dan. Ne pinaaǥi te kebmandù din, edsilut sikandin kayi te kelibutan ne ebpematey is lalung he menge etew.

Isaias 26:10

Minsan egkehizuwan nu is lalung he menge etew, wazà gihapun sikandan mebpenginenau te metazeng he kebpengungubpaan. Minsan diyà sikandan ed-ubpà te tanà te menge metazeng, edsigudu zan gihapun ebaal te mezaat, ne wazè dan kilelaa is kegkemekeǥeǥehem nu.

Isaias 29:21

ragkes is langun he ebpen-ulug te kewusa, is edtuis te ketazeng diyà te hukmanan, wey is menge tistiǥus he edtarùtarù su para kenà mevaǥayì te hustu he kukuman is wazà mekesalà.

Isaias 5:23

Edlibriyen niw is ebpekesalà tenged te sipsip, piru wazè niw veǥayi te hustu he kukuman is wazà mekesalà.

Isaias 55:7

Ipeengked en is menge lalung te kedlalunglalung, ne ipeengkezi kandan is mezaat he ked-isip-isip dan. Ipelikù en sikandan diyà te Nengazen he Megbevayè tew su egkehizuwan din sikandan wey ebpeseyluwen.

Isaias 59:15

Uya, naawè en is ketutuanan, ne is menge edlikey te kebaal te mezaat ne ebpesipelahan. Naahà heini te Nengazen, ne wazè din ikelipey is kenà ked-ikul te hustu he kukuman.

Isaias 61:1

Is Mulin-ulin te Nengazen he MEGBEVAYÀ ne kayi te kediey. Su mibpilì e zin he ibpewali te meupiya he tudtulanen diyà te menge pubri. Midsuǥù e zin te kedlipey te egkengeseeng wey kebpenudtul ziyà te menge vihag wey menge pirisu he ebpekeǥawas dan en.

Jeremias 18:18

Ne migkaǥi is menge etew te, “Hendini kew, su ebpen-ehè kiw te paaǥi wey tew ikepeengked si Jeremias te kegkaǥi! Duen tew man daan menge memumuhat he ebpekepenurù kenitew te kesuǥuan wey menge ebpeneuven he ebpekeseysey ziyà te kenitew te menge lalag te Megbevayà. Umbe ebaal kiw te serupet he tudtul he ebpekezezaat kandin ne kenè tew en ebpemineǥen is ebpengeǥiyen din.”

Daniel 12:10

Mezakel is nekesavut te tutuu he edlumpiyuwan sikandan, ne egkesavut dan is mibpengaǥi ku. Piru is menge lalung ebpedayun te kebaal te kelelalung, ne kenè dan egkesavut is mibpengaǥi ku.

Micas 2:1

Kehizu niw te egkepurang he ebpelanu te mezaat. Ne kegkemeselem ebeelan niw is mezaat he pelanu niw su egkehimu niw is kebaal kayi.

Micas 2:11

Is egkesuatan niw he megwewali iyan sikan is egkaǥi te wazè din pulus, limbungan, wey teruen, he iyan heini idwali zin: ‘Ed-uzaren kew te vinu wey zuma pa he inumen.’ ”