Isaias 32:4 - Manobo Western Bukidnon OT

⁴ Is meǥègaanen ebpurung en ed-isip-isip su wey zin metueni ke hengkey is ereg he ebeelan din. Is etew he kenà egketau ke hengkey is egkeǥiyen din, ebpekekaǥi en te hustu wey keladu.

Isaias 32:4 ပူးပေါင်းရင်းမြစ်များ

Exodus 4:11

Ne migkaǥi is Nengazen diyà te kandin te, “Hentei ves is mibaal te vèbà te etew? Hentei is midhimu kandin he vengel etawa emew? Hentei is midhimu kandin he ebpekaahà etawa midhimu kandin he lakap? Kenè be iyan a, is Nengazen?

Solomon 7:9

Is menge hazek nu iring is keemis din te kinemeupiyahan he vinu. Heini he vinu ednaneynaney edtudà diyà te menge vivig wey ngipen te minahal ku.

Isaias 29:24

Is menge egkeliveg ebpekesavut en te tutuu, ne is layun ebegulbul ne igkelipey zin en is kebpenurua kandin.”

Isaias 35:4

Kegiyi niw is menge egkahandek te, “Mebpekelig-en kew wey kenè kew mahandek. Ebpekeuma is Megbevayè niw su ebelesan din is menge kuntada niw, ne edlibriyen kew zin.”

Isaias 35:5

Ne zutun ebpekeehè en is lakap wey ebpekezineg en is bengel.