Isaias 32:3 - Manobo Western Bukidnon OT

³ Ebpen-ehè en wey ebpemineg en is menge etew te Megbevayà.

Isaias 32:3 ပူးပေါင်းရင်းမြစ်များ

Isaias 29:18

Dutun he timpu, is bengel ebpekezineg en te menge lalag he ebesahan diyà te libru. Ne is lakap he merusirem dà is egkeehè din ne ebpekeehè en.

Isaias 29:24

Is menge egkeliveg ebpekesavut en te tutuu, ne is layun ebegulbul ne igkelipey zin en is kebpenurua kandin.”

Isaias 30:26

Is kerayag te vulan egkehimu he iring te kerayag te andew, ne is kerayag te andew ne kepipitu egketakep, iring kerayag te kerayag te pitu he andew he impedtempuwà. Egkeulaula heini zutun te timpu te kebewii te Nengazen te menge palì he nehimu tenged te kedletiguwa zin keniyu te menge etew zin.

Isaias 42:16

Ed-eǥaken ku is lakap he menge etew ku pehendiyà te ketutuanan, diyà te zalan he wazè dan pa zuen hanew wey wazè dan pa meikul. Is kerusireman diyà te veyeey zan edhimuwen ku he kerayag, ne ebpetaǥen ku is menge ebpemukbuketur he menge lugar ziyà te edhipenawan dan. Ebeelan ku heini, ne kenè ku sikandan idselikwey.

Isaias 54:13

Iyan a mismu ebpenurù te menge etew nu, ne utew sikandan ed-uswag.

Jeremias 31:34

Wazè en egkaǥi ziyà te emurè din te inged etawa suled din te kinahanglan he egkilelaan nu is Nengazen. Su pudu en sikandan egkilala kedì, puun te kinemevevaan pehendiyà te kinetikangan is ked-etew zan. Su ebpeseyluwen ku sikandan te menge mezaat he neveelan dan, ne kenè ku en edtentenuzan is menge salè dan.” Iyan a, is Nengazen, is migkaǥi kayi.