Isaias 3:9 - Manobo Western Bukidnon OT

⁹ Is dagwey zan midtistiǥus te ebpekesuǥat kandan. Utew keladu is kebaal zan te salà iring te mibeelan te menge tig-Sodom. Wazè dan heini ieles. Mekehizuhizu sikandan! Iyan dan mismu mid-uwit te kandan he kezeetan.

Isaias 3:9 ပူးပေါင်းရင်းမြစ်များ

Genesis 13:13

Ne is menge meǥinged dutun te Sodom, utew menge mekesesalà. Utew mezaat is menge salè dan he supak te Nengazen.

Genesis 19:34

Ne hein nepawà, migkaǥi haazà is kakey ziyà te hazi zin te, “Geina te mezukilem, iyan a midhulid ki amà. Kengkuwan te mezukilem edlenguten te en maan sikandin, ne iyan kad maan hulid kandin su wey zuen te zed kevuwazan pinaaǥi te amey ta.”

Genesis 4:5

piru wazè din mulà dewata si Cain wey is kandin he impemuhat. Ne zutun utew nepauk si Cain ne mibmerembunut is dagwey zin.

2 Hadì 9:30

Ne midhendiyà si Jehu te Jezreel. Ne hein netuenan haazà ni Jezebel mibpeguwapa sikandin ne midsulew ziyà te sulawà duen te turuǥan.

Salmo 10:4

Tenged te kegkemepelevawen te menge lalung, ne kenè en sikandan ebpetavang kenikew. Kenè dan ed-isipen is mehitenged kenikew.

Erubasa 15:32

Is etew he kenè din idtetenged is penurù kandin pinaaǥi te kedsewaya kandin, iring te iyan dà sikandin mezesen he edsudì te keugelingen din. Iyan, emun ebpemineg sikandin te penurù, ebmetau sikandin.

Erubasa 30:13

Duen menge etew he utew en hembugiru, minsan is kebpenirapsirap dan ne henduen te hentei sikandan.

Erubasa 8:36

Piru is etew he wazà meketuredu kedì, edezeetan din is keugelingen din. Ne is langun he egkeepes kedì, ne iyan dan egkesuatan is kemetayen.”

Isaias 1:10

Sikiyu is menge ebpemendumala wey menge etew ziyà te Jerusalem, he iring te menge tig-Sodom wey tig-Gomora, pemineǥa niw is lalag wey kesuǥuan te Nengazen he Megbevayè tew.

Isaias 3:16

Migkaǥi pa is Nengazen te, “Gelbuwen is menge vahi ziyà te Jerusalem. Henduen be te hentei sikandan emun edhipanew zan wey edtitikes sikandan te menge elahas. Ne emun edtengteng sikandan ne ebpezumahan dan te kebpengendat.

Isaias 57:20

Piru is menge lalung, ne wazè dan kelinew; iring sikandan te ebpemaǥel he zaǥat he edtampil te menge sagbet wey menge meremerik diyà te veyvey.

Isaias 59:12

Su mahabet en is menge salè tew ziyà te etuvangan te Megbevayà, ne iyan heini ebpeǥumbenar he ereg kiw he edsilutan. Uya, netuenan tew he layun kiw ebaal te salà.

Jeremias 2:19

Tenged te kelelalung niw wey ked-iniyuǥi niw kedì, edsilutan ku sikiyu. Purungi niw is-isipa ke hengkey is ikezaat wey ikereǥen te kedselikwaya niw wey kenè niw kedtehuza te Nengazen he Megbevayè niw. Iyan a, is Nengazen he MEGBEVAYÀ he Mekeǥeǥehem, is migkaǥi kayi.

Jeremias 3:3

Tenged keniyan, wazà med-uzan diyà te keniyu minsan timpu pezem te tipenguzan, su iring kew te vahi he ebelegyà te zengeg din he kenà egketau he egkeeled.

Jeremias 6:15

Neeled dan be tenged te utew mezaat he vetasan dan? Wazà! Su wazè dan en keelezan, minsan deisek! Umbe egkezeetan daan sikandan iring te kezekelan. Egkezeetan sikandan dutun te timpu te kedsiluti ku kandan. Iyan a, is Nengazen, is migkaǥi kayi.”

Jeremias 8:12

Ingkeeled dan be haazà is utew mezaat he vaal zan? Wazà! Su wazè dan en keelezan! Umbe ebpematey sikandan iring te zuma he menge etew. Ebpematey sikandan dutun te timpu te kedsiluti ku kandan. Iyan a, is Nengazen, is migkaǥi kayi.

Penhulùhulù 5:16

Naawè en is dengeg dey. Mekehizuhizu key su geina te nekesalà key.

Ezekiel 16:30

“ ‘Siak, is Nengazen he MEGBEVAYÀ, migkaǥi a te utew ka meluya umbe nehimu nu heini he menge vaal. Iring ka te vahi he wazè din keelezan he ebelegyà te zengeg din.

Ezekiel 16:49

Is salà te suled nu he Sodom iyan is kebpelavew. Dekelà is keenen din wey is menge anak din he vahi wey meupiya is ked-ubpè din, piru wazè din tevangi is menge pubri.

Ezekiel 23:16

Umbe, impehendiyè din te Babilonia is menge menunudtulà te ked-imbita kayi he menge upisyal te kedhendiyà te kandin.

Daniel 7:20

Ne mid-insaan ku zaan sikandin ke hengkey is kehuluǥan duen te sepulù he sungey zuen te ikeepat he langgam wey sikan is sevaha he sungey he midlepew he nekerupù duen te tetelu he sungey. Heini he sungey, zuen din menge mata wey vèbà ne ebpegalbu. Ne emun ed-ahaan ta, ne edhuna haazà he mekeǥeǥehem duen te zuma he menge sungey.

Hoseas 13:9

Edezeetan ku sikiyu is menge tig-Israel, su ǥeina te migkuntada a keniyu is iyan pezem edtavang keniyu.

Hoseas 5:5

Is kegkemepelevawen niw iyan ebpengintutuu he ereg kew he edsilutan. Ne tenged te menge salè niw ne egkezeetan kew is menge tig-Israel zuma te menge tig-Juda.

1 Samuel 15:32

Migkaǥi si Samuel te, “Guntaan uwita niw kayi te kedì si Agag he hadì te menge Amalikanhen.” Mid-uvey si Agag diyà te ki Samuel he wazà kulbai. Kunaan din ke kenà sikandin edhimetayan.