Isaias 3:2 - Manobo Western Bukidnon OT

² is menge bentuǥan he menge etew, is menge sundaru, is menge zatù, is menge ebpeneuven, is menge menenagnà, is menge edumala,

Isaias 3:2 ပူးပေါင်းရင်းမြစ်များ

1 Cronica 9:1

Is langun he menge Israilihanen ne nelista ziyà te Libru he Midsuratan te menge Keguǥuza te menge Hadì te Israel. Is menge etew ziyà te Juda ne nengevihag te Babilonia tenged te kenè dan kebpezumazuma te Nengazen.

Salmo 74:9

Wazè en tuus te kebpekiduma nu kenami; wazè en nesamà duen te ebpemeneuven nu, ne wazè en netau kenami ke keenu egkeengked heini is pesipala kenami.

Isaias 3:3

is menge pengulu te menge sundaru, is menge dungganen he menge etew, is menge sumesambag, is memetau he menge selemengkiru zan, wey menge veyilan.

Ezekiel 17:12

“Insai nu heini is mesinupaken he menge etew te Israel ke netuenan dan be is kehuluǥan duen te sempità. Keǥiyi nu sikandan te iyan heini kehuluǥan din: Midhendiyà is hadì te Babilonia te Jerusalem ne mibihag din is hadì kayi wey menge upisyal, ne miduma zin diyà te Babilonia.

Ezekiel 17:13

Mibpilì sikandin te sevaha zuen te menge kevuwazan te hadì te Juda ne nekid-uyun sikandin kandin, ne impepenangdù din heini he mebpenilbi kandin. Mibihag din daan is lavew he menge etew ziyà te Juda

Ezekiel 8:12

Ne migkaǥi is Megbevayà kayi te kedì te, “Sikew is etew, neehè nu en be ke hengkey is ebeelan he meeles te menge edumala te Israel? Diyà is kada sevaha kandan te ruǥu te ed-ezapen din, su ke sikandan te, ‘Kenè kiw egkaahà te Nengazen; inselikwey zin en is Israel.’ ”

Ezekiel 9:5

Ne nezineg ku is Megbevayà he migkeǥiyan din sikan is heenem he menge etew te, “Tunduǥa niw sikandin pehendiyà te inged ne penhimetayi niw is menge etew he wazà marka ziyà te vuked dan. Kenè niw sikandan kehizuwi.

Amos 2:3

Elin ebpatey is hadì dan wey is langun he menge upisyal zin. Iyan a, is Nengazen, is migkaǥi kayi.”