Isaias 3:12 - Manobo Western Bukidnon OT

¹² Migkaǥi is Nengazen te, “Edèdaaǥen te menge vetan-en is menge etew ku. Iyan ebpengulu kandan is menge vahi. “Sikiyu is menge etew ku, edtezinen kew te menge pengulu niw. Diyè kew zan ibpeikul te kenà hustu he zalan.”

Isaias 3:12 ပူးပေါင်းရင်းမြစ်များ

2 Hadì 11:1

Hein netuenan ni Atalia he minatey en is anak din he si Hadì Ahazia he hadì te Juda, midisisyun sikandin he ebpenhimetayan din is langun he sakup te pemilya te hadì.

Job 30:13

Ebelevaǥan dan is beyeey ku te kedezaat kedì. Mibmezeeǥen dan minsan wazà midtavang kandan.

Erubasa 28:16

Is pengulu he mesipala te menge sakup din iyan kes pengulu he kenà metau. Piru is pengulu he kenà egkesuat he edsepian te kenà meupiya he paaǥi ne edluǥeyazan te untung.

Megwewali 10:16

Mekehizuhizu is nasyun he mid-aǥi te kegkeuripen is hadì duen, ne is menge pengulu kayi ne ebpetakè en ebpengemuran.

Isaias 19:14

Edlivegen te Nengazen is menge Ehiptohanen. Egkengeliveg sikandan te langun he ebeelan dan. Iring sikandan te egkelangut he ebpekeziregdireg is ebpekeutà.

Isaias 3:4

Ibpezizalem sikandan te Nengazen te ǥehem te menge vetan-en.

Isaias 51:22

Iyan heini egkeǥiyen te Nengazen he Megbevayè niw, kes Megbevayà he edlavan keniyu: “Pemineg kew! In-awè ku en is pauk ku keniyu he iring te inumen he ebpekelangut. Kenè ku en heini ibpeuman ibpeinum keniyu, kekenà,

Jeremias 5:31

Is menge ebpeneuven tarù is tagnè dan. Is menge memumuhat kandan he keǥehem is egemiten dan te kedumala zan. Ne nekaangey kayi is menge etew ku. Piru hengkey vuwa is ebeelan dan emun egkeume en is ketepusan he timpu?”

Micas 3:5

“Iyan heini migkaǥi te Nengazen mehitenged te menge ebpeneuven he nenazin te menge etew zin, he nenaad dan te meupiya he kebpekesavuk diyà te menge mibpekaan kandan, ne mibpahayag dan te kezeetan te menge wazà mebpekaan kandan:

Nahum 3:13

Tengtengi niw man is menge sundaru niw–meluya he iring te menge vahi! Is menge trangka te pultahan te inged niw ne nengetutung en, umbe melemu zà heini he edselezan te menge kuntada niw.