Isaias 27:9 - Manobo Western Bukidnon OT

⁹ Wey zà sikandan egkepesaylu emun edrupeten dan is menge vatu he pemuhatè dan, ne ebekbeken dan heini, wey id-awè dan is menge tukud he simbulu te ed-ezapen he si Ashera, wey is menge pemuhatà he edtutungan dan te veyewà.

Isaias 27:9 ပူးပေါင်းရင်းမြစ်များ

2 Hadì 10:26

ne migkuwa zan dutun is tedeman he vatu ne mid-uwit dan diyà te gawas, ne mibinsulan dan.

2 Hadì 23:14

Midpenrupet ni Josia is tedeman he menge vatu wey mibpenamped din is menge tukud he simbulu te vahi he ed-ezapen he si Ashera. Ne midremerikan din heini he menge lugar pinaaǥi te kebpeyepati zuen te tulan te menge etew.

2 Hadì 25:9

Mibinsulan din is baley te Nengazen, is turuǥan, is langun he menge valey ziyà te Jerusalem, wey is langun he impurtanti he menge bilding.

2 Cronica 14:5

Imperundus din is menge simbahan diyà te metikang he menge lugar wey menge pemuhatà he edtutungan te menge veyewà diyà te langun he inged te Juda. Umbe zuen kelinew te ginhedian te Juda te timpu he iyan hadì si Asa.

2 Cronica 34:4

Mibpezèdeetan din daan is menge pemuhatà he para te menge ledawan te ed-ezapen he si Baal wey is menge pemuhatà he edtutungan te veyewà diyà te avey kayi. Imperuntek din is menge tukud he simbulu te vahi he ed-ezapen he si Ashera wey is duma he menge ed-ezapen wey menge ledawan, ne insawed din heini ziyà te menge leveng te menge etew he nemuhat kayi he menge ed-ezapen.

2 Cronica 36:19

Mibinsulan dan is baley te Megbevayà wey mibengkag dan is berengbeng te Jerusalem. Mibinsulan dan daan is langun he melig-en he vahin dutun te inged, ne migevè dan is langun he mahalen he menge azen.

Salmo 119:67

Hein aney he wazè e pa kenikew mensuwa, ne mid-awà a ziyà te kenikew, piru ǥuntaan midtuman ku en is lalag nu.

Salmo 119:71

Meupiya is kedsilut nu, su pinaaǥi kayi nepenurù a te menge penurù nu.

Exodus 34:13

Umbe, pemengkaǥa niw is menge pemuhatè dan, penrupeta niw is tedeman dan he menge vatu, wey penempeza niw is menge tukud dan he simbulu te vahi he ed-ezapen dan he si Ashera.

Erubasa 20:30

Is kedsilut te mekesesalà iyan ebpeketavang kandin su wey inyuǥi zin is mezaat.

Isaias 1:29

Egkepeel-elezan kew is menge tig-Jerusalem tenged te ked-azap niw ziyà te menge kayu he ulayan wey ziyà te pinilì niw he menge pemuleey.

Isaias 17:8

Kenè dan en edangep diyà te menge pemuhatà he mibeelan dan dà. Kenè dan en edseǥipaan is menge tukud he simbulu te ed-ezapen he si Ashera, wey is menge pemuhatà he edtutungan dan te veyewà, menge pemuhatà he vineelan dan dà daan.

Isaias 30:22

Igkeremerik niw en is menge ed-ezapen niw he mibpekeplaan te pelata wey vulawan. Idtimbag niw heini iring te meremerik he terapu, ne egkaǥi kew te, “Kenè ku en sikiyu egkesuatan te ed-ahà!”

Isaias 4:4

Pinaaǥi te ǥehem din edhukuman din wey edlumpiyuwan din is kelelalung te menge vahi ziyà te Jerusalem wey is kebpemenhimatey zutun.

Isaias 40:2

Lelaǥi niw te menayù is menge etew ziyà te Jerusalem. Tudtula niw kandan he nepasad en is kegkerasey zan wey nepesaylu en is menge salè dan. Su nezawat dan en is silut he para te langun he menge salè dan.”

Isaias 48:10

Pemineg kew! Edlumpiyuwan ku sikiyu, piru kenà iring te kedlumpiyuwi te pelata; su edlumpiyuwan ku sikiyu pinaaǥi te kemeresayan.

Ezekiel 11:18

Ne zutun te ked-ulì niw ziyà te keniyu he lugar, id-awè niw is langun he utew mezaat he menge ed-ezapen.

Ezekiel 20:38

Idtapid ku puun keniyu is menge midsupak kedì. Minsan ibpeǥawas ku sikandan puun te nasyun he mibihag kandan, piru kenè dan gihapun ebpekeseled diyà te tanà he Israel. Ne zutun egketuenan niw he iyan a Nengazen.’ ”

Ezekiel 6:4

Egkengevengkag is menge pemuhatè niw ragkes en is menge pemuhatà he edtutungan te menge veyewà, ne ebpenhimetayan ku is menge meǥinged diyà te keniyu diyà te etuvangan te menge ed-ezapen niw.

Daniel 11:35

Ebpesipelahan is duma he nekesavut te tutuu su para mehimu sikandan he lunsey wey egkelumpiyuwan sikandan taman te kegkeuma te ketepusan, he egkeuma emun egketuman en is timpu he netelaan.

Hoseas 14:8

“Is menge tig-Israel, kenè dan en edangep diyà te zuma he menge ed-ezapen. Iyan a edtavak te menge kebpengemuyù niw wey ed-elima keniyu. Edipinsahan ku sikiyu. Iring a te kayu he sipris he merapung, he ebpekelambung. Iyan a ebpeuswag keniyu.”

Leviticus 26:30

Edrundusen ku is menge simbahan niw ziyà te metikang he menge lugar ragkes is menge pemuhatà he tutungà te veyewà. Ne idtimbag ku sikiyu is ebpematey ziyà te zivavew te kenà egeǥehinawa he menge ed-ezapen, ne idselikwey ku sikiyu.

Micas 5:11

Edweǥayen ku is menge inged niw ragkes en is binerengbeng he menge inged.

Deuteronomio 12:3

Pemengkaǥa niw is menge pemuhatè dan, penrupeta niw is tedeman dan he menge vatu, peminsuli niw is menge tukud he simbulu te vahi he ed-ezapen dan he si Ashera, wey penrupeta niw is ledawan te ebpen-ezapen dan su para melipati en heini zutun he lugar.