Isaias 27:7 - Manobo Western Bukidnon OT

⁷ Wazà siluti wey wazà penhimetayi te Nengazen is menge tig-Israel iring te kedsiluti zin wey kebpenhimetayi zin te menge kuntada zan.

Isaias 27:7 ပူးပေါင်းရင်းမြစ်များ

Isaias 10:12

Piru iyan heini migkaǥi te Nengazen he egkehitavù emun egkepasad din en is ebeelan din he ebpekesuǥat te Buvungan he Zion wey ziyà te Jerusalem: “Edsilutan ku is hadì te Asiria tenged te kegkemepelevawen din wey kegkegelbuwen!

Isaias 10:17

Is Nengazen he iyan sulù te Israel wey waǥas he Megbevayè dan, egkeiring sikandin te edriyubriyub he hapuy. Ebinsulan din seled te meǥaan dà heini is duǥiyen he zezeisey he kayu he iyan is Asiria.

Isaias 17:14

Ebpenginggat sikandan te tebek emun mezukilem, piru egkahanew sikandan ke egkepawà. Iyan heini egkehitavù te menge midsurung kenitew wey mid-aǥew te menge azen tew.

Isaias 17:3

Egkengevengkag is binerengbeng he menge inged diyà te Israel, ne egkaawà is kegkemekeǥeǥehem te Damascus. Is egkehitavù diyà te egkesamà he menge tig-Aram egkeiring te nehitavù te menge Israilihanen.” Iyan a, is Nengazen he Mekeǥeǥehem, is migkaǥi kayi.

Isaias 30:31

Siguradu he egkahandek is menge tig-Asiria emun egkezineg dan is laǥeng te Nengazen. Ebpurungan din sikandan edsiluti.

Isaias 31:8

Ebpematey is menge tig-Asiria, piru kenà tenged te ispada te etew. Ebpeleǥuyan dan is tebek, ne egkehimu he menge uripen is menge vetan-en kandan.

Isaias 31:9

Ebpemelaǥuy is menge sundaru zan tenged te utew zan kegkahandek ne ebpekedsusuwey is menge upisyal zan emun egkeehè dan is bendirà te menge kuntada zan. Iyan heini migkaǥi te Nengazen, he egkeregreg is hapuy zin diyà te Zion, kes inged he Jerusalem.

Jeremias 50:40

Iring te midezeetan ku zengan is Sodom wey Gomora, wey is menge inged diyà te peliǥuy kayi, edezeetan ku zaan is Babilonia. Wazè en ed-ubpà dutun. Iyan a, is Nengazen, is migkaǥi kayi.

Jeremias 51:24

“Sikiyu is menge etew ku, ibpeehè ku keniyu is kebelesi ku te Babilonia wey te menge meǥinged kayi he lugar, tenged te langun he mibeelan dan diyà te Jerusalem. Iyan a, is Nengazen, is migkaǥi kayi.

Nahum 1:14

Iyan heini migkaǥi te Nengazen diyà te menge tig-Asiria: “Id-awè ku is menge kevuwazan niw wey edezeetan ku is ledawan he kayu etawa mital ziyà te simbahan he ed-ezapan niw te menge ed-ezapen niw. Ed-endamen ku en is menge edlevengan keniyu su kenè kew ereg he egkeuyag.”

Nahum 3:19

Egkeiring ka te etew he teǥepalì he kenè en egkeulian is palì din. Is langun he ebpekezineg te tudtul mehitenged te kegkezeeti nu ebpakpak te kegkelipey, su is langun te sikandan ne layun nu ebpesipelahi.